મને બરબાદ કરી દેશો તો તમારાથી મોટો મૂર્ખ કોઈ નથી... સુપરસ્ટાર ધનુષનો ભડક્યો ગુસ્સો, જાણો કોની લગાવી ખુલ્લેઆમ ક્લાસ
Dhanush Warns Detractors: ફિલ્મ 'કુબેરા'ની રિલીઝ પહેલા ધનુષે ટ્રોલર્સને યોગ્ય જવાબ આપ્યો છે. અભિનેતાએ માત્ર તેમની ક્લાસ જ નથી લગાવી પરંતુ એમ પણ કહ્યું કે, જો તમને લાગે છે કે તમે મારા વિશે કંઈપણ નકારાત્મક બોલીને મને બરબાદ કરી શકો છો, તો તમારાથી મોટો મૂર્ખ કોઈ નથી.
Trending Photos
- 12
- 6
- 5
- 4
)
Dhanush Warns Detractors: 41 વર્ષીય સાઉથ સુપરસ્ટાર ધનુષને છૂટાછેડા માટે કે અન્ય કોઈ કારણોસર લોકો સતત નિશાન બનાવી રહ્યા છે. પરંતુ તાજેતરમાં ધનુષનો તેના પુત્ર સાથેનો એક ફોટો વાયરલ થયો છે જેમાં તે તેની ભૂતપૂર્વ પત્ની સાથે જોવા મળ્યો હતો. લોકોએ આ ફોટો પર ખૂબ પ્રેમ વરસાવ્યો હતો. પરંતુ તાજેતરમાં આગામી ફિલ્મ 'કુબેરા'ના ઓડિયો લોન્ચ પ્રસંગે અભિનેતાએ ટ્રોલર્સને યોગ્ય જવાબ આપ્યો છે. જે સતત લોકોનું ધ્યાન ખેંચી રહ્યું છે.
ટ્રોલર્સને ધનુષનો જવાબ
ફિલ્મ 'કુબેરા' 20 જૂને સિનેમાઘરોમાં રિલીઝ થશે. તેનું ગ્રાન્ડ ઓડિયો લોન્ચ ચેન્નાઈમાં એક ઈવેન્ટમાં થયું. આ દરમિયાન ધનુષ સ્ટેજ પર આવ્યો અને ત્યાં હાજર લોકો સાથે વાત કરી. આ દરમિયાન અભિનેતાએ સ્ટેજ પર ટ્રોલર્સ પર જોરદાર હુમલો કર્યો. ધનુષ સફેદ ધોતી અને શર્ટ પહેરીને સ્ટેજ પર આવ્યો અને કહ્યું કે 'તમે લોકો મારા વિશે કોઈપણ અફવા ફેલાવી શકો છો. કોઈપણ નેગેટિવ વાત મારા વિશે કહી શકો છો. જ્યારે પણ મારી કોઈ ફિલ્મ રિલીઝ થવાની હોય છે, ત્યારે મારા વિશે નકારાત્મક વાતો ફેલાવા લાગે છે.'
મારું કંઈ નહીં બગાડી શકો
અભિનેતાએ વધુમાં કહ્યું કે, 'તમે લોકો મારું કંઈ પણ બગાડી શકશો નહીં. કારણ કે મારા ફેન્સ મારા માટે મજબૂત રીતે ઉભા છે. તેઓ 23 વર્ષથી સતત મારો સાથ આપી રહ્યા છે. જો તમને લાગે છે કે તમે મારા વિશે કંઈપણ નકારાત્મક બોલીને મને બરબાદ કરી શકો છો, તો તમારાથી મોટો મૂર્ખ કોઈ નથી. તમે એક ઈંટ પણ નથી હલાવી શકતા. તેનાથી ફરક નથી પડતો કે તમે કોણ છો. બસ તમે ખુશ રહો. ખુશ રહેવું તમારી પસંદગી છે. એક સમય એવો પણ હતો કે હું એક વખતના ભોજન માટે સંઘર્ષ કરી રહ્યો હતો અને આજે હું સારી જગ્યાએ છું. પરંતુ આજે હું જ્યાં પણ છું ત્યાં ખુશ છું. કારણ કે હું બહાર ખુશી શોધતો નથી. હું મારી અંદર જ ખુશી શોધું છું.'
અભિનેતાએ વધુમાં કહ્યું કે, 'સૌથી વધુ મહત્વનું છે તે તમારું પીસ છે. વર્ષોના ઉતાર-ચઢાવ પછી... તમે લોકો વર્ષોથી મારી સાથે છો. હું મારી જાતને બ્લેસ્ટ ફીલ કરું છું.'
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
