ભાજપ મીડિયા સેલના હિતેશ પટેલની રેલવેની ZRUC તેમજ ટેલિફોન એડવાઈઝરી કમિટીમાં મહત્વપૂર્ણ નિમણૂંક

Ahmdabad News: ભારત સરકારના રેલવે મંત્રી અશ્વિની વૈષ્ણવે વેસ્ટર્ન રેલવેની Zonal Railway Users Consultative Committee (ZRUC) માં સ્પેશ્યલ ઇન્ટ્રેસ્ટ કેટેગરી હેઠળ અમદાવાદના કાર્યકર હિતેશ પટેલ (પોચી)ની બે વર્ષ માટે સભ્ય તરીકે નિમણૂંક કરી છે.

આ ઉપરાંત, ભારત સંચાર નિગમ લિમિટેડ (BSNL) ની અમદાવાદ ટેલિફોન એક્સચેન્જ માટેની ટેલિફોન એડવાઈઝરી કમિટીમાં પણ હિતેશ પટેલ (પોચી) ની સભ્ય તરીકે નિમણૂંક કરવામાં આવી છે.

બંને મહત્વપૂર્ણ કમિટીમાં સ્થાન મળવા બદલ હિતેશ પટેલે ભારતીય જનતા પાર્ટીના રાજ્ય અને કેન્દ્રના શિર્ષ નેતૃત્વનો તથા રેલવે મંત્રી અશ્વિની વૈષ્ણવ અને રાજ્યસભાના સંસદ સભ્ય નરહરી અમિનનો હ્રદયપૂર્વક આભાર વ્યક્ત કર્યો છે. હિતેશ પટેલ (પોચી) હાલમાં અમદાવાદ અને ગાંધીનગર શહેર તેમજ જીલ્લામાં ભાજપના ઝોન મિડીયા કન્વીનર તરીકે કાર્યરત છે.

તમને જણાવી દઈએ કે અગાઉ ભાજપના મીડિયા કન્વીનર હિતેશ પટેલની એડવાઈઝરી પેનલ મેમ્બર તરીકે પણ નિમણુંક કરવામાં આવી હતી. તે ઉપરાંત હિતેશ પટેલની તાજેતરમાં જ ઉત્તર ઝોનમાં અમદાવાદ અને ગાંધીનગર જિલ્લાના ભાજપના મીડિયા કન્વીનર તરીકે નિમણૂંક કરવામાં આવી હતી.

હિતેશ પટેલ (પોચી) બીસીસીઆઈના મેમ્બર પણ રહી ચૂક્યા છે. હિતેશ પટેલ ભાજપના મિડિયા સેલના કન્વીનર છે. તે ઉપરાંત તેઓ ગુજરાત ક્રિકેટ એસોસિએશનના ભૂતપૂર્વ જોઈન્ટ સેક્રેટરી પણ રહી ચૂક્યા છે. બીસીસીઆઈના મેમ્બર પણ રહી ચૂક્યા છે. તેમજ તેઓ રાજ્યસભાના પૂર્વ સાંસદ વિઠ્ઠલભાઈ પટેલના પુત્ર છે.