PM સુરતમાં તો રાહુલ અમદાવાદમાં, 64 વર્ષ પછી ગુજરાતમાં AICCનું રાષ્ટ્રીય અધિવેશન; જાણો

Congress Ahmedabad Adhiveshan: ગુજરાતમાં 64 વર્ષ પછી કોંગ્રેસનું રાષ્ટ્રીય અધિવેશન યોજાવા જઈ રહ્યું છે. ગુજરાતમાં કોંગ્રેસના રાષ્ટ્રીય અધિવેશનને લઈ રાષ્ટ્રીય નેતાઓનું આગમન શરૂ થઈ ગયું છે. આ અધિવેશનમાં હાજરી આપવા રાહુલ ગાંધી 7-8 માર્ચે ગુજરાતના બે દિવસના પ્રવાસે આવવાના છે. આગામી તા. 8 અને 9 એપ્રિલ 2025ના રોજ યોજાનારા AICC અધિવેશનનું સ્થળ નક્કી કરવા માટે AICC સંગઠન મહાસચિવ કે.સી. વેણુગોપાલ અમદાવાદ આવ્યા છે. અમદાવાદમાં ગુજરાત કોંગ્રેસ કાર્યાલય ખાતે આ અંગે એક મહત્ત્વપૂર્ણ બેઠક મળી હતી. આ બેઠકમાં અધિવેશન અમદાવાદના રિવરફ્રન્ટ ખાતે યોજવાનો નિર્ણય લેવામાં આવ્યો છે.

જ્યારે બીજી તરફ PM મોદી પણ બે દિવસ દક્ષિણ ગુજરાતની મુલાકાતે આવવાના છે. તેઓ પણ 7 માર્ચે સુરત અને 8 માર્ચે નવસારીની મુલાકત લેવાના છે. ઉલ્લેખનીય છે કે, બેઠક બાદ રાજીવ ગાંધી ભવનથી વેણુગોપાલ સહિતના નેતાઓનો કાફલો ગાંધીઆશ્રમ પહોંચ્યો હતો. ત્યાંથી તેઓ સીધા એરપોર્ટ ગયા હતા.

હરિયાણા, મહારાષ્ટ્ર અને ત્યારબાદ દિલ્હીમાં વિધાનસભાની ચૂંટણી બાદ કોંગ્રેસે ગુજરાતમાં બે દિવસીય રાષ્ટ્રીય સંમેલન યોજવાની જાહેરાત કરી છે. ગુજરાતના અમદાવાદમાં કોંગ્રેસનું રાષ્ટ્રીય અધિવેશન યોજાશે. જેમાં કોંગ્રેસ હાઈકમાન્ડ ઉપરાંત દેશભરમાંથી 3000 જેટલા નેતાઓ ભાગ લેશે. આને 2025માં કોંગ્રેસનો સૌથી મોટો કાર્યક્રમ માનવામાં આવી રહ્યો છે. 

કોંગ્રેસે ગુજરાતમાં બે દિવસીય રાષ્ટ્રીય અધિવેશનની જાહેરાત કરી ત્યારે રાજકીય વિશ્લેષકોને આશ્ચર્ય થયું. કારણ કે રાજ્યમાં વિધાનસભાની ચૂંટણી હજુ દૂર છે. સામાન્ય રીતે રાજકીય પક્ષો ચૂંટણીના રાજ્યોમાં આવા કાર્યક્રમોનું આયોજન કરે છે જેથી અનુકૂળ વાતાવરણ સર્જાય. કોંગ્રેસના નેતા રાહુલ ગાંધી ખુદ ગુજરાત મોરચે સક્રિય થઈ રહ્યા છે. તેઓ 7-8 માર્ચે ગુજરાતમાં હશે. કોંગ્રેસના નેતા રાહુલ ગાંધી સંમેલન પહેલા ગુજરાતની મુલાકાતે આવશે તે માત્ર એક સંયોગ છે. ત્યારે પીએમ નરેન્દ્ર મોદી સુરતના પ્રવાસે આવશે. કોંગ્રેસે આવું અધિવેશન 64 વર્ષ પહેલા 1961માં ગુજરાતના ભાવનગરમાં યોજ્યું હતું.

સંમેલન પહેલા રાહુલ ગાંધીની મુલાકાત
સંમેલનની તારીખો નજીક આવતા જ કોંગ્રેસની રણનીતિ સામે આવી છે. કોંગ્રેસ પાર્ટી આ બે દિવસીય સંમેલન દ્વારા 2027ની વિધાનસભા ચૂંટણીની તૈયારીઓનું રણશિંગુ ફૂંકવા માંગે છે. કોંગ્રેસ એ હકીકતનું અનુકરણ કરવા માંગે છે કે, તે આઠ વર્ષ પહેલા 2017ની ચૂંટણીમાં સત્તા જીતવાની ખૂબ નજીક આવી હતી, જ્યારે પાર્ટીએ ચૂંટણીના થોડા મહિના પહેલા તૈયારીઓ શરૂ કરી હતી. 

રાહુલ ગાંધી અને PM મોદી લેશે ગુજરાતની મુલાકત
કોંગ્રેસની રણનીતિ એવી છે કે આ વખતે તૈયારીઓ વહેલી શરૂ કરવામાં આવે તો ચિત્ર બદલી શકાય છે. કોંગ્રેસની આ રણનીતિનો ખુલાસો લોકસભામાં વિપક્ષના નેતા રાહુલ ગાંધીના કાર્યક્રમમાં પણ થયો છે. તેઓ 7-8 માર્ચે ગુજરાત પ્રવાસ પર હશે, જે દરમિયાન PM મોદી સુરતમાં હશે. રાહુલ ગાંધી રાજકીય બાબતોની સમિતિની બેઠકમાં ભાગ લેશે. 

આ સાથે પ્રદેશ પ્રમુખ પૂર્વ પ્રદેશ પ્રમુખ અને વિપક્ષના નેતાને પણ મળશે. રાહુલ ગાંધી તમામ સેલ વિભાગના અધિકારીઓ સાથે બેઠક કરશે. ધારાસભ્યો અને પૂર્વ ધારાસભ્યો સાથે બેઠક કરશે. આ ઉપરાંત રાહુલ ગાંધી ગુજરાતના વિવિધ જિલ્લાના કાર્યકરો સાથે સંવાદ કરશે.

શું છે રાહુલ ગાંધીની રણનીતિ?
કોંગ્રેસના સૂત્રોના જણાવ્યા અનુસાર, રાહુલ ગાંધી પીએમ મોદી અને કેન્દ્રીય ગૃહ મંત્રી અમિત શાહને તેમના ગૃહ રાજ્યમાં પડકાર આપવા માંગે છે, જે ભાજપનો અભેદ્ય ગઢ બની ગયો છે. તેથી તેઓ ઈચ્છે છે કે પાર્ટી ગુજરાત પર ધ્યાન કેન્દ્રિત કરે. ગુજરાતમાં ભાજપ સૌથી મજબૂત સ્થિતિમાં છે, જ્યારે કોંગ્રેસ સૌથી નબળી સ્થિતિમાં છે. તાજેતરમાં પૂર્ણ થયેલી સ્થાનિક સંસ્થાઓની ચૂંટણીમાં કોંગ્રેસ 13 નગરપાલિકામાંથી 1 થઈ ગઈ હતી. 

ગુજરાતમાં આમ આદમી પાર્ટી સતત કોંગ્રેસની વોટબેન્કને ખાઈ રહી છે. આવી સ્થિતિમાં કોંગ્રેસ પાસે પોતાની વોટબેન્કને બચાવીને ભાજપ સામે લડવા સક્ષમ બનાવવાનો બેવડો પડકાર છે. રાહુલ ગાંધી કોઈપણ વિલંબ કર્યા વિના આ કામમાં લાગી જવા માંગે છે. એટલું જ નહીં કોંગ્રેસના સંગઠનમાં જે ફેરફારો થવાના છે. કોંગ્રેસ તેની શરૂઆત ગુજરાત એકમથી કરશે. સંમેલનમાં તેની જાહેરાત કરવામાં આવશે. ભાજપની જેમ રાહુલ ગાંધી પણ ગુજરાતને લેબોરેટરી બનાવવા જઈ રહ્યા છે.

કાર્યકર્તાઓ સાથે સંવાદ કરશે
રાહુલ ગાંધી પોતાની મુલાકાત દરમિયાન પોલિટિકલ અફેર્સ કમિટીમાં ભાગ લેશે. આ સાથે પ્રમુખ, પૂર્વ પ્રમુખ, વિપક્ષ નેતા સાથે મિટિંગ કરશે તથા સેલ ડિપાર્ટમેન્ટના હોદ્દેદાર, ધારાસભ્યો, પૂર્વ ધારાસભ્યો સાથે પણ મિટિંગ કરશે અને ગુજરાતના કાર્યકર્તાઓ સાથે સંવાદ કરશે.

નવું સંગઠન બનાવવાની પ્રક્રિયાના ભાગરૂપે કવાયત
રાહુલ ગાંધી સગઠનને મજબૂત બનાવવાનું કામ કરશે. તાલુકા અને જિલ્લા પંચાયતના પ્રમુખ જોડે બેઠક કરશે અને કાર્યકરોને બીજા દિવસે સાંભળશે. નવું સંગઠન બનાવવાની પ્રક્રિયાના ભાગરૂપે આ કવાયત થશે.