ગુજરાતથી મહારાષ્ટ્ર સુધીની મુસાફરી સરળ બનશે, નીતિન ગડકરીએ બનાવ્યો નવા હાઈવેનો પ્લાન

Highway Development : દક્ષિણ ગુજરાતના પારડીથી કપરાડાને જોડતા રાષ્ટ્રીય ધોરીમાર્ગ-848ના 37.08 કિમીના ભાગને અપગ્રેડેશન માટે મંજૂરી આપવામાં આવી છે. આ નવા પ્રોજેક્ટ પર રૂ. 825.72 કરોડનો ખર્ચ થશે, જેમાં 4-લેન રોડને અપગ્રેડ કરવામાં આવશે. કેન્દ્રીય મંત્રી નીતિન ગડકરીના જણાવ્યા અનુસાર, આ રોડ ગુજરાતમાં NH-848 પર પારડી (NH-48) જંક્શન-સુકેશ-નાના પોંઢા-કપરાડાથી જશે. આ ઉપરાંત તે પારડીને મહારાષ્ટ્રના NH-48 પર થાણેથી નાસિક થઈને પણ જોડશે.

નવા હાઇવેના ફાયદા

• ટ્રાફિકની ભીડ ઓછી થશે
• પારડીથી કપરાડા સુધીની મુસાફરીમાં સમયની બચત
• નાસિક અને થાણે (મહારાષ્ટ્ર) સાથે ડાયરેક્ટ કનેક્ટિવિટી
• સ્થાનિક લોકો અને વેપારીઓને ફાયદો થાય છે
• આદિવાસી અને ગ્રામીણ વિસ્તારોના વિકાસને વેગ આપવો

825.72 કરોડનો પ્રોજેક્ટ
જે પ્રોજેક્ટ માટે નીતિન ગડકરીએ મંજૂરીની માહિતી આપી છે, તે માત્ર ગુજરાતમાં જ નહીં પરંતુ મહારાષ્ટ્રમાં પણ મુસાફરીને સરળ બનાવશે. આ રોડ ગુજરાતમાં NH-848 પર પારડી (NH-48) જંકશન-સુકેશ-નાના પોંઢા-કપરાડા સાથે જોડાશે. કપરાડાથી 37.08 કિમી લાંબા ભાગને પેવ્ડ શોલ્ડરવાળા વિભાજિત રસ્તાની સાથે 4 લેનમાં અપગ્રેડ કરવામાં આવશે. આ એવો રસ્તો હોય છે, જેમાં બે અલગઅલગ રસ્તા હોય છે, જે વિપરીત દિશાઓમાં સફર માટે ઉપયોગમાં લેવાય છે. જો કે તેનું કામ ક્યારે શરૂ થશે તે અંગે કોઈ માહિતી બહાર આવી નથી.

પ્રોજેક્ટને લગતી માહિતી

• પારડી (NH-48) જંકશનથી કપરાડા સુધી પહોળું કરવું.
• લંબાઈ- 37.08 કિમી
• કિંમત- રૂ 825.72 કરોડ

ગુજરાતથી મહારાષ્ટ્ર સુધી કનેક્ટિવિટી વધશે
NH-848 ગુજરાતના વલસાડ નજીક પારડીને મહારાષ્ટ્રમાં NH-48 પર થાણેથી નાસિક થઈને જોડે છે. NH-848 ના અન્ય ભાગો પહેલાથી જ રાષ્ટ્રીય ધોરીમાર્ગના ધોરણો અનુસાર વિકસાવવામાં આવ્યા છે. હાલના પ્રોજેક્ટમાં પારડીથી કપરાડા સુધીના બાકીના ભાગને પાકા રસ્તા સાથે 4 લેન રોડ તરીકે વિકસાવવાનો છે. આ વિભાગને પહોળો કરવાથી ભારે હેરફેરવાળા માર્ગ પર ભીડ ઓછી થશે, આમ કનેક્ટિવિટી સુધરશે અને આ રીતે મુસાફરી ઝડપી બનશે.

આ ઉપરાંત ગુજરાતમાં રૂ.10.19 કરોડના ખર્ચે વધુ એક નવો રોડ શરૂ થવાનો છે. વડોદરા જિલ્લાના શિનોર તાલુકામાં સાધલી-સેગાવા રોડનો શિલાન્યાસ થવાનો છે. તેની વિશેષતા એ છે કે તે પ્લાસ્ટિકના કચરાનો ઉપયોગ કરીને બનાવવામાં આવશે જે પર્યાવરણ માટે હાનિકારક છે.