AC ના રિમોટમાં છુપાયેલું હોય છે વીજળી બિલ બચાવતું આ બટન, મોટાભાગના લોકો હોય છે અજાણ

ઉનાળાની ઋતુમાં એર કન્ડીશનર (AC) ઘણી રાહત આપે છે, પરંતુ તેની સાથે વીજળીનું બિલ પણ વધવા લાગે છે. પરંતુ, શું તમે જાણો છો કે તમારા AC રિમોટમાં એક બટન છુપાયેલું છે, જેને દબાવીને તમે તમારા વીજળીના બિલમાં ઘણી હદ સુધી ઘટાડો કરી શકો છો. ઘણા AC રિમોટમાં ઇકો મોડ અથવા એનર્જી સેવિંગ મોડ બટન હોય છે, જે તમને તમારા વીજળીના વપરાશને નિયંત્રિત કરવામાં મદદ કરે છે.  

આ બટન દબાવવાથી, AC કોમ્પ્રેસર અને પંખાની ગતિને એવી રીતે ગોઠવે છે કે ઓછી વીજળીનો ઉપયોગ થાય છે. આ મોડ જરૂરિયાત મુજબ AC કોમ્પ્રેસરને ચાલુ અને બંધ કરતો રહે છે. જ્યારે રૂમનું તાપમાન નિર્ધારિત તાપમાને પહોંચે છે ત્યારે આ મોડ કોમ્પ્રેસર બંધ કરે છે, જેનાથી વીજળીની બચત થાય છે.

Eco Mode તાપમાનને ઓટોમેટિક બેલેન્સ કરે છે.  કોમ્પ્રેસરની સ્પીડને જરૂર પ્રમાણે વધારે-ઘટાડે છે. તેનાથી એસી જરૂરિયાત કરતા વધુ ઠંડુ કરતું નથી, જેનાથી વીજળી બચે છે. પરંતુ તેનાથી રૂમ ઠંડો થવામાં થોડો વધુ સમય લાગી શકે છે, પરંતુ તે તમારા વીજળી બિલ પર એક મહત્વપૂર્ણ અસર કરે છે.

AC રિમોટ પર 'Eco' કે 'Energy Saver' બટન શોધો. તેને ઓન કરો અને તાપમાન 24-26 ડિગ્રી સેલ્સિયસ પર સેટ કરો. રાત્રે 'Sleep Mode' સાથે વધુ બચત કરો.

નિષ્ણાંતો પ્રમાણે  Eco Mode થી 20-30 ટકા વીજળીની બચત થઈ શકે છે. ઉદાહરણઃ 1.5 ટન એસી દરરોજ 8 કલાક ચલાવવા દર મહિનામાં 300-400 રૂપિયા સુધીની બચત.

મોટા ભાગના લોકો રિમોટમાં બધા ફીચર્સ શોધી શકતા નથી. એસી ઈન્સ્ટોલેશનના સમયે ટેક્નીશિયન તેની જાણકારી આપતા નથી. બ્રાન્ડ્સ આ ફીચરનો ઓછો પ્રચાર કરે છે.

દર મહિને AC ફિલ્ટર સાફ કરો. પંખાનો ઉપયોગ કરો જેથી ઠંડી હવા આખા રૂમમાં ફેલાય. દરવાજા અને બારીઓ બંધ રાખો જેથી ઠંડક બહાર ન જાય.