તમારી થાળીમાં છુપાયેલો છે લિવરનો 'કાતિલ', જમતા પહેલા તરત જ હટાવી લો આ વસ્તુ; નહીંતર થશે મોત!

જો તમે પણ દરરોજ તમારી થાળીમાં માંસાહારી ખોરાકનો સમાવેશ કરો છો, તો આ સમાચાર તમારા માટે ચેતવણી સમાન છે. તાજેતરમાં અમેરિકાના વર્જિનિયા કોમનવેલ્થ યુનિવર્સિટી અને રિચમંડ VA મેડિકલ સેન્ટરના વૈજ્ઞાનિકોએ એક ચોંકાવનારો ખુલાસો કર્યો છે. તેમના મતે માત્ર એક જ ભોજનમાં માંસને બદલે પ્લાંટ-બેસ્ડ પ્રોટીનનો સમાવેશ કરવાથી લીવરના દર્દીઓના સ્વાસ્થ્યમાં મોટો સુધારો જોવા મળ્યો.

આ સ્ટડીમાં 30 એવા પુખ્ત વયના લોકોનો સમાવેશ કરવામાં આવ્યા જેઓ સિરોસિસથી પીડાતા હતા અને જેઓ સામાન્ય રીતે  વેસ્ટર્ન ડાઈટ ખાય છે, જેમાં રેડ મીટની માત્રા વધારે અને ફાઇબર ઓછું હોય છે. આ લોકોને ત્રણ પ્રકારના બર્ગર આપવામાં આવ્યા હતા. એકમાં બીફ અને પોર્ક હતું, બીજામાં વેગન મીટ સિબ્સ્ટિટ્યૂટ અને ત્રીજામાં બીન આધારિત શાકાહારી બર્ગર હતું. દરેકમાં 20 ગ્રામ પ્રોટીન હતું.

સહભાગીઓને આ બર્ગર સાથે લો-ફેટ ચિપ્સ અને પાણી આપવામાં આવ્યું હતું. કોઈપણ પ્રકારની ચટણી કે ટોપિંગનો ઉપયોગ કરવામાં આવ્યો ન હતો. ભોજન પહેલાં અને પછી તેમના લોહી અને યૂરિનના નમૂનાઓનું પરીક્ષણ કરવામાં આવ્યું હતું, જેના પરિણામો ચોંકાવનારા હતા. માંસાહારી બર્ગર ખાતા લોકોમાં એમોનિયાનું પ્રમાણ સૌથી વધુ જોવા મળ્યું.

લીવર સિરોસિસથી પીડિત લોકોના શરીર એમોનિયાને યોગ્ય રીતે પ્રક્રિયા કરવામાં અસમર્થ હોય છે. આ એમોનિયા લોહીમાં એકઠું થાય છે અને મગજ સુધી પહોંચે છે અને હેપેટિક એન્સેફાલોપથી નામની ગંભીર સ્થિતિનું કારણ બની શકે છે. તેના લક્ષણોમાં ભ્રમ, બેભાનતા, કોમા અને ત્યાં સુધી કે મૃત્યુ પણ થઈ શકે છે.

રિસર્ચના મુખ્ય લેખક અને હેપેટિક એન્સેફાલોપથીના નિષ્ણાત ડો. જસ્મોહન બજાજના જણાવ્યા અનુસાર "જો તમે દરરોજ માંસ છોડી શકતા નથી, તો ઓછામાં ઓછું અઠવાડિયામાં એક વખત ભોજનમાં માંસ બદલે પ્લાંટ-બેસ્ટ પ્રોટીન અપનાવો. આનાથી લીવર પરનું દબાણ ઓછું થઈ શકે છે."

Disclaimer: પ્રિય વાચક, અમારા સમાચાર વાંચવા બદલ આભાર. આ સમાચાર ફક્ત તમને જાગૃત કરવા માટે લખવામાં આવ્યા છે. આ લખવામાં અમે સામાન્ય માહિતીની મદદ લીધી છે. Zee 24 કલાક આ વાતની પુષ્ટિ કરતું નથી.