Bhagyarekha: ୪ଶହ ଅଧ୍ୟାୟରେ ଜୀ ସାର୍ଥକର ଲୋକପ୍ରିୟ ମେଗା ଧାରାବାହିକ ‘ଭାଗ୍ୟରେଖା’

Bhagyarekha: ଭୁବନେଶ୍ୱର: ଜୀ ସାର୍ଥକ ସବୁବେଳେ ଦର୍ଶକଙ୍କ ଭଲ ପାଇବାକୁ ଧ୍ୟାନରେ ରଖି ମନଛୁଆଁ ଧାରାବାହିକ ପ୍ରସ୍ତୁତ କରୁଛନ୍ତି । ନୂଆ ଓ ଭିନ୍ନ କାହାଣୀ ସହିତ ଦର୍ଶକଙ୍କୁ ବାନ୍ଧି ରଖିବାରେ ସଫଳ ହୋଇଛି ଜୀ ସାର୍ଥକ । ସେହିପରି ୪ଶହ ଅଧ୍ୟାୟରେ ପହଞ୍ଚିଥିବା ମେଗା ଧାରାବାହିକ ‘ଭାଗ୍ୟରେଖା’ ପ୍ରତି ସୋମ ରୁ ଶୁକ୍ର ରାତି ୯.୩୦ ଓଡିଆ ଦର୍ଶକଙ୍କ ଭଲପାଇବା ପାଇଛି । ଆଗକୁ ଏହି ଧାରାବାହିକରେ ରୋମାଞ୍ଚକର ପରିସ୍ଥିତି ସୃଷ୍ଟି ହେବାକୁ ଯାଉଛି। 

କାହାଣୀ ଗତିଶୀଳ ଓ ଅପ୍ରତ୍ୟାଶିତ ହୋଇଚାଲିଛି । ରେଖା ଓ ଭାଗ୍ୟ ପରସ୍ପର ପ୍ରତି ମନରେ ଥିବା ପ୍ରେମ ଆଗକୁ ବଢିଛି ହେଲେ ସମୟ ଗତିରେ ରେଖାର ଏକ ବଡ଼ ଦୁର୍ଘଟଣା ହୋଇଛି ଓ ରେଖାର ପ୍ଲାଷ୍ଟିକ ସର୍ଜରୀ ହୋଇଛି । ଏପଟେ ସବୁ ଜାଣି ଭାଗ୍ୟ ତାକୁ ଘରକୁ ଆଣିଲା ପରେ ଆଦର୍ଶ ଏହି ସବୁ ସୁଯୋଗର ଫାଇଦା ଉଠାଇ ଏକ ମିଛ କାହାଣୀ ଗଢ଼ିଛି ଓ ସମସ୍ତଙ୍କ ଆଗରେ କହିଛି ରେଖା ଭାଗ୍ୟକୁ ମାରିଦେଇଛି ଏବଂ ଅନ୍ୟ ଜଣଙ୍କୁ ଘରକୁ ଆଣିଛି ବୋଲି କହିଛି l 

ତେବେ ଏହି ସମସ୍ୟା ଭିତରେ କ'ଣ କେବେ ରେଖା ଓ ଭାଗ୍ୟ ଏକାଠି ହୋଇପାରିବେ? ରେଖାକୁ ସେମାନେ କଣ ଆପଣାଇବେ? ଏହି ସବୁ ପ୍ରଶ୍ନର ଉତ୍ତର ଜାଣିବାକୁ ହେଲେ ଭାଗ୍ୟରେଖା ଧାରାବାହିକକୁ ଦେଖିବାକୁ ହେବ l 

ଜୀ ସାର୍ଥକର ସବୁ ମେଗା ଧାରାବାହିକ ପରି ‘ଭାଗ୍ୟରେଖା’କୁ ମିଳିଥିବା ଭଲପାଇବା ସହିତ ନାରୀର ସୃଜନଶୀଳତା ଓ ପରାକାଷ୍ଠା କେତେ ଏହି ମେଗା ଧାରାବାହିକ ମାଧ୍ୟମରେ ଆମ ଦର୍ଶକ ଉପଲବ୍ଧି କରିଛନ୍ତି ବୋଲି କହିଛନ୍ତି ଜୀ-ସାର୍ଥକର ଚିଫ୍ ଚ୍ୟାନେଲ୍ ଅଫିସର ପ୍ରତୀକ ସିଲ୍।