Odisha team: କୁମ୍ଭରେ ଓଡ଼ିଶା ଦଳର ଆଲୋକିକ ପ୍ରଦର୍ଶନ, ପରିବେଶ ସୁରକ୍ଷା ପାଇଁ ଏକ ଶକ୍ତିଶାଳୀ ବାର୍ତ୍ତା

Odisha team: ନୂଆଦିଲ୍ଲୀ: କୁମ୍ଭ-୨୦୨୫ରେ, ଓଡ଼ିଶାର ସଂସ୍କୃତିକ ଦଳ ସଂଗୀତ, ନୃତ୍ୟ ଏବଂ ଗଳ୍ପବଳୀକୁ ଏକ ଅତି ଅଲୋକିକ ଆବେଶୀ ଏକ ପ୍ରଭାବଶାଳୀ ପରିବେଶ ଜାଗରୁକତା ବାର୍ତ୍ତା ସହ ଏକ ଶକ୍ତିଶାଳୀ ପ୍ରଦର୍ଶନ ଉପସ୍ଥାପନ କଲେ। ସଂସ୍କୃତି ମନ୍ତ୍ରାଳୟ ଦ୍ଵାରା ଚୟନିତ ଏହି କାର୍ଯ୍ୟକ୍ରମ ଓଡ଼ିଶାର ଧରୋହର ଏବଂ ପ୍ରକୃତି ସହ ତାହାର ଗଭୀର ସମ୍ପର୍କ କୁ ଉଦ୍ଧାର କରିବା ପାଇଁ ବିଶେଷ ଭାବରେ ଆୟୋଜିତ ହୋଇଥିଲା। ଏହି ଶ୍ରେଷ୍ଠ ପ୍ରଦର୍ଶନ ଦର୍ଶକମାନଙ୍କ ଠାରୁ ଅଭୂତପୂର୍ବ ପ୍ରତିକ୍ରିୟା ଲାଭ କରିଲା, ଏବଂ ହଜାରହଜାର ଉପସ୍ଥିତ ମନେ ଗଭୀର ପ୍ରଭାବ ପକାଇଲା।

ପୁରସ୍କୃତ ନିର୍ମାତା ଦେବ ମେହେରଙ୍କ ନିର୍ଦ୍ଦେଶନାୟ ଏହି ପ୍ରଦର୍ଶନ, ସଂଗୀତ ନାଟକ ଅକାଦେମି ପୁରସ୍କୃତ ଗାୟିକା ସୁସ୍ମିତା ଦାସଙ୍କ ନେତୃତ୍ୱ ଏବଂ ପ୍ରସିଦ୍ଧ ନୃତ୍ୟ ନିର୍ଦ୍ଦେଶକ ବିଦ୍ୟୁତ ସେଠୀଙ୍କ କୋରିଓଗ୍ରାଫି ତଳେ ଉପସ୍ଥାପିତ ହୋଇଥିଲା। ଓରୋମିରା ଏଣ୍ଟରଟେନମେଣ୍ଟ ଙ୍କ ଏହି ଉତ୍କୃଷ୍ଟ କୌଶଳିକ ପ୍ରଦର୍ଶନ ଜଳବାୟୁ ପରିବର୍ତ୍ତନ ଏବଂ ପ୍ରକୃତି ସୁରକ୍ଷା ପାଇଁ ଏକ ଜାଗୃତିର ଆହ୍ୱାନ ରୂପେ ପ୍ରକାଶ ପାଇଲା।

ପ୍ରଦର୍ଶନର ମୁଖ୍ୟ ଆକର୍ଷଣ ମଧ୍ୟରେ ଓଡ଼ିଶାର ଜନଜାତୀୟ ଜ୍ଞାନ ଏବଂ ସଂସ୍କୃତିର ଉତ୍ସବ ଆଧାରିତ 'ଧିତାଙ୍ଗ ଧିତାଙ୍ଗ',  ଗ୍ରାମୀଣ ଓଡ଼ିଶାର ଏକ ଘୁମୁରା ନୃତ୍ୟ 'ସାଇବୋନି ଲାଇବୋନି' ଯାହା ଜମି ଏବଂ କୃଷି ଜୀବନର ସଂପର୍କକୁ ଉଜାଗର କରେ, ପରିବେଶ ସୁରକ୍ଷା ଏବଂ ଆଗାମୀ ପିଢ଼ି ପାଇଁ ଏକ ଜାଗୃତିମୂଳକ ସଂଗୀତ ହମ୍ ଯହାଁ ଜିଏଙ୍ଗେ। ଜଳାଶୟ ଏବଂ ପ୍ରାକୃତିକ ବିବିଧତାର ଖତ୍ରା ଉପରେ ଏକ ଭାବନାପ୍ରବଣ ଉପସ୍ଥାପନ 'ହମ୍ ଅଗର ନହିଁ',  ପୃଥ୍ୱୀ ମନ୍ଥନ – ଦ୍ୱିତୀୟ ମନ୍ଥନ – ଶିବ ତାଣ୍ଡବ ଷ୍ଟୋତ୍ରମ୍ ସହିତ ଜଳବାୟୁ ପରିବର୍ତ୍ତନ ଉପରେ ଏକ ଗଭୀର ସନ୍ଦେଶ ପ୍ରମୁଖ ପ୍ରଦର୍ଶିତ ହୋଇଥିଲା।

ପବିତ୍ର ସଂଗମର ପୃଷ୍ଠଭୂମିରେ, ଏହି ପ୍ରଦର୍ଶନ କେବଳ ଏକ ଅଭିନୟ ନୁହେଁ ଏହା ଏକ ଜାଗୃତି ଆନ୍ଦୋଳନ। କୁମ୍ଭ, ଯେଉଁଠି ଆତ୍ମା ପବିତ୍ରତା ଖୋଜେ, ଓଡ଼ିଶା ଦଳ ଏକ ସ୍ପଷ୍ଟ ସନ୍ଦେଶ ଦେଲା – ପୃଥ୍ଵୀ ସୁରକ୍ଷା ହେଉଛି ଆମ ସର୍ବପ୍ରଥମ ଦାୟିତ୍ୱ।