Top 10 News: ଦଶପଲ୍ଲା ଦୁର୍ଘଟଣାରେ ୩ ମୃତ, ମୋହନ ସରାକାରଙ୍କୁ ଟାର୍ଗେଟ କଲେ ନବୀନ ପଟ୍ଟନାୟକ, ପଢ଼ନ୍ତୁ ୧୦ ବଡ଼ ଖବର

Top 10 News Headlines: ବିଜେପି ନେତୃତ୍ୱାଧୀନ ଓଡ଼ିଶା ସରକାରଙ୍କ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପ ବାତିଲ ନିଷ୍ପତ୍ତିରେ ବିରୋଧୀ ଦଳ ନେତା ନବୀନ ପଟ୍ଟନାୟକ ମର୍ମାହତ ଏବଂ ନିରାଶା ପ୍ରକାଶ କରିଛନ୍ତି। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 News Headlines 26 July 2025: Naveen Slams Mohan Govt: ବିଜେପି ନେତୃତ୍ୱାଧୀନ ଓଡ଼ିଶା ସରକାରଙ୍କ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପ ବାତିଲ ନିଷ୍ପତ୍ତିରେ ବିରୋଧୀ ଦଳ ନେତା ନବୀନ ପଟ୍ଟନାୟକ ମର୍ମାହତ ଏବଂ ନିରାଶା ପ୍ରକାଶ କରିଛନ୍ତି। ପଟ୍ଟନାୟକ କହିଛନ୍ତି ଯେ ଭୁବନେଶ୍ୱରକୁ ଏକ ବିଶ୍ୱସ୍ତରୀୟ ସହରରେ ପରିଣତ କରିବା ତାଙ୍କ ଦଳ ପାଇଁ ସର୍ବଦା ଏକ ସ୍ୱପ୍ନ ହୋଇଆସିଛି।

Daspalla Accident: ଶନିବାର ଦିନ ସନ୍ଧ୍ୟାରେ ନୟାଗଡ ଜିଲ୍ଲାର ଟାକରା ନିକଟରେ ଜାତୀୟ ରାଜପଥ ୫୭ (ଖୋର୍ଦ୍ଧା-ବଲାଙ୍ଗିର) ରେ ଦୁଇଟି ଭାରୀ ବୋଝେଇ ଟ୍ରକ ମଧ୍ୟରେ ଏକ ଭୟଙ୍କର ଧକ୍କା ହେବା ଫଳରେ ତିନି ଜଣଙ୍କର ମୃତ୍ୟୁ ଘଟିଛି ଏବଂ ଜଣେ ଗୁରୁତର ଆହତ ହୋଇଛନ୍ତି।

Vigilance Court Sentences Odisha Govt Doctor: ସୁନ୍ଦରଗଡ଼ର ଏକ ସ୍ୱତନ୍ତ୍ର ଭିଜିଲାନ୍ସ କୋର୍ଟ ଓଡ଼ିଶାର ଜନସ୍ୱାସ୍ଥ୍ୟ ବ୍ୟବସ୍ଥାର ଜଣେ ବରିଷ୍ଠ ଚିକିତ୍ସା ଅଧିକାରୀ ଡାକ୍ତର ପତିତ ପାବନ ବାରିକଙ୍କୁ ୧୦,୦୦୦ ଟଙ୍କା ଲାଞ୍ଚ ଗ୍ରହଣ କରିବା ଅଭିଯୋଗରେ ପାଞ୍ଚ ବର୍ଷ ସଶ୍ରମ କାରାଦଣ୍ଡ (RI) ଏବଂ ଜରିମାନା କରିଛନ୍ତି।

IMD Warns Of Heavy Rain: ଭାରତୀୟ ପାଣିପାଗ ବିଭାଗ (IMD) ଓଡ଼ିଶାର ବିଭିନ୍ନ ଜିଲ୍ଲାରେ ଘଡ଼ଘଡ଼ି ଏବଂ ଝଡ଼ ପବନ ସହିତ ପ୍ରବଳରୁ ଅତି ପ୍ରବଳ ବର୍ଷାର ପୂର୍ବାନୁମାନ କରିଛି। ତେଣୁ ୨୭ ଏବଂ ୨୮ ଜୁଲାଇ ପାଇଁ ରାଜ୍ୟ ବିଭିନ୍ନ ଜିଲ୍ଲାକୁ ଅରେଞ୍ଜ ଓ ୟେଲୋ ଆଲର୍ଟ ଜାରି କରାଯାଇଛି।

Odisha Flood Alert: ଓଡ଼ିଶାର ଉତ୍ତର ଜିଲ୍ଲାଗୁଡ଼ିକ ବିଶେଷକରି ମୟୂରଭଞ୍ଜ ଓ କେଉଁଝରରେ ଲଗାଣ ବର୍ଷା ସହିତ ଏହି ଅଞ୍ଚଳର ପ୍ରମୁଖ ନଦୀଗୁଡ଼ିକ ଫୁଲିବା ଆରମ୍ଭ କରିଛି। ଯାହା ଫଳରେ ସମ୍ବେଦନଶୀଳ ଅଞ୍ଚଳଗୁଡ଼ିକରେ ବନ୍ୟା ସତର୍କତା ଏବଂ ଜରୁରୀକାଳୀନ ପ୍ରସ୍ତୁତି ଆରମ୍ଭ ହୋଇଛି।

Balanga Minor Girl Undergoes Two Surgeries: ପୁରୀ ଜିଲ୍ଲାର ବଳଙ୍ଗାର ଜଣେ ୧୫ ବର୍ଷୀୟା ଝିଅ, ଯିଏ ଏକ ନୃଶଂସ ଆକ୍ରମଣରେ ଗୁରୁତର ଆହତ ହୋଇଥିଲେ ତାଙ୍କର ନୂଆଦିଲ୍ଲୀର ଏମ୍ସରେ ଦୁଇଟି ଅସ୍ତ୍ରୋପଚାର କରାଯାଇଛି। ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଶନିବାର ଦିନ ଏହି ସୂଚନା ଦେଇଛନ୍ତି।

Odisha CM Announces for Sanitation Workers: ପରିମଳ କର୍ମଚାରୀଙ୍କ ସାମାଜିକ ସୁରକ୍ଷାକୁ ଦୃଷ୍ଟିରେ ରଖି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ 'ଗରିମା'- ଜାତୀୟ କର୍ମଶାଳା ଅବସରରେ କେତେକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ସେଗୁଡ଼ିକ ହେଲା ପରିମଳ କାର୍ଯ୍ୟରେ ନିୟୋଜିତ ଥିବା ପ୍ରମୁଖ ପରିମଳ କର୍ମଚାରୀଙ୍କ ପାଇଁ ୧୦ ଲକ୍ଷ ଟଙ୍କାର ଜୀବନ ବୀମା, କର୍ମ କ୍ଷେତ୍ରରେ ଜୀବନହାନୀ ପାଇଁ ୩୦ ଲକ୍ଷ ଟଙ୍କାର ସହାୟତା ରାଶି ପ୍ରଦାନ, ପ୍ରମୁଖ ପରିମଳ କର୍ମୀଙ୍କୁ ମୋବାଇଲ ଫୋନ ପ୍ରଦାନ ସୁବିଧା।

Three Gates Of Rengali Dam Opened: ଉପର ଅଞ୍ଚଳରେ ପ୍ରବଳ ବର୍ଷା ଯୋଗୁଁ ବ୍ରାହ୍ମଣୀ ନଦୀର ଜଳସ୍ତର କ୍ରମାଗତ ବୃଦ୍ଧି ପାଇବାକୁ ଦୃଷ୍ଟିରେ ରଖି ଅନୁଗୁଳ ଜିଲ୍ଲାର ଥିବା ରେଙ୍ଗାଲି ଡ୍ୟାମର କର୍ତ୍ତୃପକ୍ଷ ଅତିରିକ୍ତ ବନ୍ୟା ଜଳ ନିଷ୍କାସନ ପାଇଁ ତିନୋଟି ଗେଟ୍ ଖୋଲିଛନ୍ତି।

Asia Cup 2025 dates revealed: ଏସୀୟ କ୍ରିକେଟ ପରିଷଦର ଅଧ୍ୟକ୍ଷ ମୋହସିନ ନକଭି ଶନିବାର ଦିନ ଏସୀୟ କପ୍ ଆୟୋଜନ ସମ୍ପର୍କରେ ଏକ ବଡ଼ ଘୋଷଣା କରିଛନ୍ତି। ମୋହସିନ ନକଭି କହିଛନ୍ତି ଯେ ଏସିଆ କପ୍ ୯ ରୁ ୨୮ ସେପ୍ଟେମ୍ବର ମଧ୍ୟରେ ସଂଯୁକ୍ତ ଆରବ ଏମିରେଟ୍ସରେ ଅନୁଷ୍ଠିତ ହେବ। ପାକିସ୍ତାନ କ୍ରିକେଟ ବୋର୍ଡର ଅଧ୍ୟକ୍ଷ ନକଭି ନିଜ ଅଫିସିଆଲ୍ ଏକ୍ସ ଆକାଉଣ୍ଟ ମାଧ୍ୟମରେ ଏହି ଘୋଷଣା କରିଛନ୍ତି।

India vs England Match Update: ମାଞ୍ଚେଷ୍ଟରର ଓଲ୍ଡ ଟ୍ରାଫୋର୍ଡ ଷ୍ଟାଡିୟମରେ ଭାରତ ବନାମ ଇଂଲଣ୍ଡ ଚତୁର୍ଥ ଟେଷ୍ଟ ଖେଳାଯାଉଛି। ଆଜି ମ୍ୟାଚ୍‌ର ଚତୁର୍ଥ ଦିନ। ବର୍ତ୍ତମାନ ଖେଳର ତୃତୀୟ ସେସନ୍‌ ଚାଲିଛି। ଭାରତ ପକ୍ଷରୁ ଅଧିନାୟକ ଶୁଭମନ ଗିଲ୍ ଏବଂ କେଏଲ୍ ରାହୁଲ ଦ୍ୱିତୀୟ ଇନିଂସରେ ଅପରାଜିତ ଅଛନ୍ତି। ଦ୍ୱିତୀୟ ସେସନ୍‌ରେ ଭାରତ କୌଣସି ୱିକେଟ୍ ନ ହରାଇ ୮୫ ରନ୍ ଯୋଡ଼ିଥିଲା। ଚା’ ବିରତି ସମୟରେ ଦ୍ୱିତୀୟ ପାଳିରେ ଭାରତର ସ୍କୋର ୮୬/୨ ଥିଲା।