IRCTC Aadhaar Link: ୧ ଜୁଲାଇ ପୂର୍ବରୁ IRCTC ଆକାଉଣ୍ଟକୁ ଏପରି କରି ନିଅନ୍ତୁ ଆଧାର ସହିତ ଲିଙ୍କ୍, ନଚେତ୍ ବୁକ୍ କରିପାରିବେ ନାହିଁ ଟିକେଟ୍

ଭାରତୀୟ ରେଳବାଇ ତତ୍କାଳ ଟିକେଟ ବୁକିଂ ପ୍ରକ୍ରିୟାରେ ଏକ ବଡ଼ ପରିବର୍ତ୍ତନ କରିବାକୁ ଯାଉଛି। ୧ ଜୁଲାଇ ୨୦୨୫ ଠାରୁ ତତ୍କାଳ ଟିକେଟ ବୁକ୍ କରିବା ପାଇଁ ଆଇଆରସିଟିସି ୱେବସାଇଟ୍ କିମ୍ବା ଆପ୍‌ରେ ଆଧାର କାର୍ଡ ଲିଙ୍କ୍ କରିବା ବାଧ୍ୟତାମୂଳକ ହେବ। ଏହା ବିନା ଆପଣ ଟିକେଟ୍ ବୁକ୍ କରିପାରିବେ ନାହିଁ। 

ଏହା ସହିତ ୧୫ ଜୁଲାଇ ୨୦୨୫ ଠାରୁ ଅନଲାଇନ୍ ତତ୍କାଳ ବୁକିଂ ସମୟରେ ଆଧାର ସହିତ ଲିଙ୍କ୍ ହୋଇଥିବା ମୋବାଇଲ୍ ନମ୍ବରକୁ ପଠାଯାଇଥିବା ଓଟିପି ମଧ୍ୟ ଏଣ୍ଟ୍ରି କରିବାକୁ ପଡିବ। ଯଦି ଆପଣ ଆଇଆରସିଟିସି ୱେବସାଇଟ୍ କିମ୍ବା ଆପ୍ ମାଧ୍ୟମରେ ନିଜେ ଟିକେଟ୍ ବୁକ୍ କରନ୍ତି ତେବେ ଏବେଠାରୁ ଆଧାରକୁ ଆପଣଙ୍କ ଆକାଉଣ୍ଟରେ ଲିଙ୍କ୍ କରନ୍ତୁ। ଜାଣନ୍ତୁ କିପରି କରିବେ ଲିଙ୍କ୍।

ତତ୍କାଳ ଟିକେଟ୍ ବୁକିଂ ଯୋଜନାର ଲକ୍ଷ୍ୟ ହେଉଛି ଜରୁରୀକାଳୀନ ଯାତ୍ରା ପାଇଁ ଯାତ୍ରୀମାନଙ୍କୁ ସୁବିଧା ଯୋଗାଇବା କିନ୍ତୁ ଦଲାଲମାନେ ଏହାର ଅପବ୍ୟବହାର କରନ୍ତି। ସେମାନେ ନକଲି ପରିଚୟପତ୍ର ଏବଂ ସ୍ୱୟଂଚାଳିତ ଉପକରଣ ବ୍ୟବହାର କରି ଟିକେଟ୍ ବୁକ୍ କରନ୍ତି। ଯାହା ଫଳରେ ପ୍ରକୃତ ଯାତ୍ରୀମାନେ ଟିକେଟ୍ ପାଇପାରନ୍ତି ନାହିଁ। ଆଧାର ଯାଞ୍ଚ ଏବଂ OTP କାର୍ଯ୍ୟକାରୀ କରି ରେଳବାଇ ଏହି ଅପବ୍ୟବହାରକୁ ବନ୍ଦ କରିବାକୁ ଚାହୁଁଛି।

ଆପଣ ଯଦି IRCTC ୱେବସାଇଟ୍ କିମ୍ବା ଆପ୍ ମାଧ୍ୟମରେ ତତ୍କାଳ ଟିକେଟ୍ ବୁକ୍ କରୁଥାନ୍ତି, ତେବେ ଆପଣଙ୍କ ଆକାଉଣ୍ଟ ସହିତ ଆଧାର ଲିଙ୍କ୍ କରିବା ସହଜ। ତଳେ ଦିଆଯାଇଥିବା ଷ୍ଟେପ୍ ଗୁଡ଼ିକୁ ଅନୁସରଣ କରନ୍ତୁ:

ଷ୍ଟେପ୍ ୧: ପ୍ରଥମେ ଆପଣଙ୍କର ୟୁଜରନେମ୍ ଏବଂ ପାସୱାର୍ଡ ସହିତ IRCTC ଆକାଉଣ୍ଟରେ ଲଗଇନ୍ କରନ୍ତୁ। ଲଗଇନ୍ କରିବା ପରେ ପ୍ରୋଫାଇଲ୍ କିମ୍ବା ମାଇ ଆକାଉଣ୍ଟ ସେକ୍ସନକୁ ଯାଆନ୍ତୁ। ଏଠାରେ ଆପଣଙ୍କୁ ଆଧାର ଲିଙ୍କ୍ କରିବାର ବିକଳ୍ପ ମିଳିବ।

ଷ୍ଟେପ୍ ୨: ଏହା ପରେ "Add Aadhaar" କିମ୍ବା "Link Aadhaar" ଉପରେ କ୍ଲିକ୍ କରନ୍ତୁ। ଆପଣଙ୍କର ୧୨ ଅଙ୍କ ବିଶିଷ୍ଟ ଆଧାର ନମ୍ବର ଏଣ୍ଟ୍ରି କରନ୍ତୁ ଏବଂ ସବମିଟ୍ କରନ୍ତୁ। ଆପଣ ଆଧାର ନମ୍ବର ଏଣ୍ଟ୍ରି କରିବା ମାତ୍ରେ UIDAI ରୁ ଆପଣଙ୍କ ଆଧାର ସହିତ ଲିଙ୍କ୍ ହୋଇଥିବା ମୋବାଇଲ୍ ନମ୍ବରକୁ ଏକ OTP ପଠାଯିବ।

ଷ୍ଟେପ୍ ୩: ଆଧାର ସହିତ ଲିଙ୍କ୍ ହୋଇଥିବା ମୋବାଇଲ୍ ନମ୍ବରକୁ ଏକ OTP ପଠାଯିବ। ଏହାକୁ ଏଣ୍ଟ୍ରି କରନ୍ତୁ ଏବଂ ଭେରିଫିକେସନ୍ ସମାପ୍ତ କରନ୍ତୁ। ଯଦି ଆପଣଙ୍କର ଆଧାର ନମ୍ବର ଏବଂ OTP ସଠିକ୍ ଥାଏ ତେବେ ଆପଣଙ୍କର KYC ପ୍ରକ୍ରିୟା ସଫଳ ହେବ ଏବଂ ଆଧାର IRCTC ଆକାଉଣ୍ଟ ସହିତ ଲିଙ୍କ୍ ହୋଇଯିବ। ଆପଣ '‘My Profile’' ବିଭାଗକୁ ଯାଇ ଆପଣଙ୍କର KYC ସ୍ଥିତି ଯାଞ୍ଚ କରିପାରିବେ।