Mental Health ਨੂੰ ਸੁਧਾਰਨ ਲਈ ਅਪਣਾਓ ਇਹ ਟਿਪਸ; ਮਿਲਣਗੇ ਗਜਬ ਦੇ ਫਾਇਦੇ

Mental Health: ਵਿਗੜਦੀ ਜੀਵਨ ਸ਼ੈਲੀ, ਕੰਮ ਦੇ ਦਬਾਅ ਅਤੇ ਅੱਗੇ ਵਧਣ ਦੀ ਦੌੜ ਦੇ ਕਾਰਨ ਅਸੀਂ ਅਕਸਰ ਆਪਣੀ ਮਾਨਸਿਕ ਸਿਹਤ ਵੱਲ ਧਿਆਨ ਦੇਣ ਵਿੱਚ ਅਸਫਲ ਰਹਿੰਦੇ ਹਾਂ।

Mental Health Improve Tips: ਆਧੁਨਿਕ ਜ਼ਮਾਨੇ ਵਿੱਚ ਭੱਜ-ਦੌੜ ਤੇ ਰੁਝੇਵਿਆਂ ਭਰੀ ਜ਼ਿੰਦਗੀ ਕਾਰਨ ਕਈ ਵਾਰ ਅਸੀਂ ਆਪਣੀ ਸਿਹਤ ਵੱਲ ਧਿਆਨ ਨਹੀਂ ਦੇ ਪਾਉਂਦੇ। ਵਿਗੜਦੀ ਜੀਵਨ ਸ਼ੈਲੀ, ਕੰਮ ਦੇ ਦਬਾਅ ਅਤੇ ਅੱਗੇ ਵਧਣ ਦੀ ਦੌੜ ਦੇ ਕਾਰਨ ਅਸੀਂ ਅਕਸਰ ਆਪਣੀ ਮਾਨਸਿਕ ਸਿਹਤ ਵੱਲ ਧਿਆਨ ਦੇਣ ਵਿੱਚ ਅਸਫਲ ਰਹਿੰਦੇ ਹਾਂ। ਇਨ੍ਹਾਂ ਕਾਰਨਾਂ ਕਰਕੇ ਤਣਾਅ, ਉਦਾਸੀ, ਚਿੰਤਾ ਵਰਗੀਆਂ ਬਹੁਤ ਸਾਰੀਆਂ ਮਾਨਸਿਕ ਸਮੱਸਿਆਵਾਂ ਸਾਨੂੰ ਘੇਰ ਲੈਂਦੀਆਂ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਸੁਝਾਅ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਆਪਣੀ ਮਾਨਸਿਕ ਸਿਹਤ ਨੂੰ ਬਣਾਈ ਰੱਖ ਸਕਦੇ ਹੋ।

ਪੂਰੀ ਨੀਂਦ ਲਓ
ਇਹ ਕਿਉਂ ਜ਼ਰੂਰੀ ਹੈ- ਨੀਂਦ ਸਾਡੇ ਸਰੀਰ ਅਤੇ ਦਿਮਾਗ ਨੂੰ ਆਰਾਮ ਕਰਨ ਲਈ ਸਮਾਂ ਦਿੰਦੀ ਹੈ। ਲੋੜੀਂਦੀ ਨੀਂਦ ਨਾ ਲੈਣ ਨਾਲ ਤਣਾਅ, ਚਿੰਤਾ ਤੇ ਉਦਾਸੀ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।
ਤੁਹਾਨੂੰ ਕਿੰਨੀ ਨੀਂਦ ਲੈਣੀ ਚਾਹੀਦੀ ਹੈ- ਜ਼ਿਆਦਾਤਰ ਬਾਲਗਾਂ ਨੂੰ ਰੋਜ਼ਾਨਾ 7-9 ਘੰਟੇ ਦੀ ਨੀਂਦ ਦੀ ਲੋੜ ਹੁੰਦੀ ਹੈ।

ਬਿਹਤਰ ਨੀਂਦ ਲਈ ਸੁਝਾਅ
1. ਸੌਣ ਅਤੇ ਜਾਗਣ ਲਈ ਇੱਕ ਨਿਸ਼ਚਿਤ ਸਮਾਂ ਨਿਰਧਾਰਤ ਕਰੋ।
2. ਸੌਣ ਤੋਂ ਪਹਿਲਾਂ ਮੋਬਾਈਲ ਜਾਂ ਕੰਪਿਊਟਰ ਦੀ ਵਰਤੋਂ ਨਾ ਕਰੋ।
3. ਸੌਣ ਵਾਲੇ ਕਮਰੇ ਨੂੰ ਹਨੇਰਾ, ਸ਼ਾਂਤ ਅਤੇ ਠੰਡਾ ਰੱਖੋ।
4. ਆਰਾਮਦਾਇਕ ਬਿਸਤਰਾ ਅਤੇ ਸਿਰਹਾਣਾ ਵਰਤੋ।

ਸਿਹਤਮੰਦ ਖੁਰਾਕ ਲਓ
1. ਇੱਕ ਸਿਹਤਮੰਦ ਖੁਰਾਕ ਸਾਡੇ ਸਰੀਰ ਨੂੰ ਪੋਸ਼ਣ ਦਿੰਦੀ ਹੈ ਅਤੇ ਸਾਡੇ ਮੂਡ ਨੂੰ ਬਿਹਤਰ ਬਣਾਉਂਦੀ ਹੈ।
2. ਕੀ ਖਾਣਾ ਚਾਹੀਗਾ- ਫਲ, ਸਬਜ਼ੀਆਂ, ਸਾਬਤ ਅਨਾਜ ਅਤੇ ਘੱਟ ਚਰਬੀ ਵਾਲਾ ਪ੍ਰੋਟੀਨ
3. ਓਮੇਗਾ-3 ਫੈਟੀ ਐਸਿਡ ਨਾਲ ਭਰਪੂਰ ਭੋਜਨ, ਜਿਵੇਂ ਕਿ ਮੱਛੀ, ਅਖਰੋਟ ਅਤੇ ਅਲਸੀ ਦੇ ਬੀਜ

ਕੀ ਨਹੀਂ ਖਾਣਾ ਹੈ
1. ਜ਼ਿਆਦਾ ਮਾਤਰਾ ਵਿੱਚ ਖੰਡ, ਸੰਤ੍ਰਿਪਤ ਚਰਬੀ ਅਤੇ ਪ੍ਰੋਸੈਸਡ ਭੋਜਨ।

ਨਿਯਮਿਤ ਕਸਰਤ ਕਰੋ
1. ਕਸਰਤ ਐਂਡੋਰਫਿਨ ਛੱਡਦੀ ਹੈ, ਜੋ ਸਾਨੂੰ ਖੁਸ਼ ਅਤੇ ਤਣਾਅ ਮੁਕਤ ਮਹਿਸੂਸ ਕਰਵਾਉਂਦੀ ਹੈ।
2. ਕਿੰਨੀ ਕਸਰਤ ਕਰਨੀ ਚਾਹੀਦੀ- ਹਫ਼ਤੇ ਵਿੱਚ ਘੱਟੋ-ਘੱਟ 150 ਮਿੰਟ ਦਰਮਿਆਨੀ ਤੀਬਰਤਾ ਜਾਂ 75 ਮਿੰਟ ਉੱਚ ਤੀਬਰਤਾ ਵਾਲੀ ਕਸਰਤ ਕਰੋ।
3. ਕਿਸ ਤਰ੍ਹਾਂ ਦੀ ਕਸਰਤ ਕਰਨੀ ਹੈ- ਸੈਰ, ਦੌੜ, ਯੋਗਾ, ਤੈਰਾਕੀ, ਜਾਂ ਕੋਈ ਹੋਰ ਸਰੀਰਕ ਗਤੀਵਿਧੀ

ਤਣਾਅ ਪ੍ਰਬੰਧਨ ਤਕਨੀਕਾਂ ਦਾ ਅਭਿਆਸ ਕਰੋ

1. ਧਿਆਨ
2. ਡੂੰਘੇ ਸਾਹ
3. ਯੋਗਾ
4. ਕੁਦਰਤ ਵਿੱਚ ਸਮਾਂ ਬਿਤਾਉਣਾ
5. ਸੰਗੀਤ ਸੁਣਨਾ
6. ਸ਼ੌਂਕ ਨੂੰ ਅੱਗੇ ਵਧਾਉਣਾ

ਸਮਾਜਿਕ ਸਬੰਧਾਂ ਨੂੰ ਮਜ਼ਬੂਤ ਕਰੋ
1. ਇਹ ਕਿਉਂ ਮਹੱਤਵਪੂਰਨ ਹੈ- ਮਜ਼ਬੂਤ ਸਮਾਜਿਕ ਸਬੰਧ ਸਾਨੂੰ ਸਮਰਥਨ ਅਤੇ ਪਿਆਰ ਦਿੰਦੇ ਹਨ ਅਤੇ ਸਾਨੂੰ ਇਕੱਲੇ ਮਹਿਸੂਸ ਨਹੀਂ ਹੋਣ ਦਿੰਦੇ।
2. ਸਮਾਜਿਕ ਸਬੰਧਾਂ ਨੂੰ ਮਜ਼ਬੂਤ ਕਰਨ ਦੇ ਤਰੀਕੇ-
3. ਦੋਸਤਾਂ ਅਤੇ ਪਰਿਵਾਰ ਨਾਲ ਸਮਾਂ ਬਿਤਾਓ
4. ਨਵੇਂ ਲੋਕਾਂ ਨੂੰ ਮਿਲੋ
5. ਕਿਸੇ ਸਮੂਹ ਜਾਂ ਕਲੱਬ ਵਿੱਚ ਸ਼ਾਮਲ ਹੋਵੋ
6. ਕਿਸੇ ਦੀ ਮਦਦ ਕਰੋ

ਇਨ੍ਹਾਂ ਗੱਲਾਂ ਨੂੰ ਵੀ ਧਿਆਨ ਵਿੱਚ ਰੱਖੋ
1. ਕਿਸੇ ਥੈਰੇਪਿਸਟ ਤੋਂ ਮਦਦ ਲਓ- ਜੇਕਰ ਤੁਸੀਂ ਤਣਾਅ, ਚਿੰਤਾ ਜਾਂ ਡਿਪਰੈਸ਼ਨ ਨਾਲ ਜੂਝ ਰਹੇ ਹੋ, ਤਾਂ ਕਿਸੇ ਥੈਰੇਪਿਸਟ ਨਾਲ ਸੰਪਰਕ ਕਰੋ।
2. ਨਸ਼ੇ ਤੋਂ ਦੂਰ ਰਹੋ- ਸ਼ਰਾਬ ਅਤੇ ਨਸ਼ੀਲੇ ਪਦਾਰਥ ਲੈਣਾ ਮਾਨਸਿਕ ਸਿਹਤ ਲਈ ਨੁਕਸਾਨਦੇਹ ਹੈ।
3. ਆਪਣੀ ਦੇਖਭਾਲ ਕਰੋ- ਆਪਣੇ ਸਰੀਰ ਅਤੇ ਮਨ ਦਾ ਧਿਆਨ ਰੱਖਣਾ ਨਾ ਭੁੱਲੋ।
4. ਸਕਾਰਾਤਮਕ ਸੋਚ ਰੱਖੋ- ਸਕਾਰਾਤਮਕ ਸੋਚ ਸਾਡੀ ਮਾਨਸਿਕ ਸਿਹਤ ਨੂੰ ਬਿਹਤਰ ਬਣਾਉਣ ਵਿੱਚ ਮਦਦ ਕਰਦੀ ਹੈ।

(Disclaimer: ZPHH ਇਸ ਲੇਖ ਦੀ ਪੁਸ਼ਟੀ ਨਹੀਂ ਕਰਦਾ ਹੈ। ਇਹ ਆਮ ਜਾਣਕਾਰੀ 'ਤੇ ਅਧਾਰਤ ਹੈ। ਵਧੇਰੇ ਜਾਣਕਾਰੀ ਲਈ ਮਾਹਿਰ ਨਾਲ ਸੰਪਰਕ ਕਰੋ।)