Gold Rate Today: એક જ દિવસમાં 2900 રૂપિયાનો કડાકો, સોના અને ચાંદીના ભાવમાં ઘટાડો, જાણો આજે શું છે લેટેસ્ટ રેટ

સોના અને ચાંદીના ભાવમાં રેકોર્ડ હાઈથી કડાકો જોવા મળ્યો છે. ટેરિફ વોરની વચ્ચે બુલિયન્સના ભાવમાં શુક્રવારે સતત બીજા દિવસે કડાકો છે. સોનામાં ઘરેલુ બજારમાં લગભગ 1% ની નબળાઈ આવી છે અને રેકોર્ડ ઊંચાઈથી સોનામાં 2000 રૂપિયાનો કડાકો જોવા મળ્યો છે. ગ્લોબલ માર્કેટમાં $3,110ની ઉપર ભાવ છે. જે રેકોર્ડ ઊંચાઈથી $90 નીચે આવ્યો છે. અમેરિકાની ઈકોનોમીમાં સુસ્તીની આશંકાથી કડાકો આવ્યો હતો. હવે અમેરિકા પર ચીન, કેનેડા સહિત અનેક દેશો જવાબી ટેરિફ  લગાવી શકે છે. ગ્લોબલ સ્તરે મોંઘવારી વધવાની ચિંતા સતાવી રહી છે. 

ચાંદી 1 મહિનાના નીચલા સ્તરે
ચાંદીમાં પણ મોટો કડાકો જોવા મળ્યો છે. એક મહિનાના નીચલા સ્તરે ભાવ પહોંચ્યો છે. MCX પર આજે લગભગ 2 ટકા તૂટીને 94,500 ની નજીક હતી. ઘરેલુ બજારમાં ચાંદી 2 દિવસમાં 7%નો ઘટાડો જોવા મળ્યો. આ 2 દિવસમાં લગભગ 7,000 સસ્તી થઈ છે અને પોતાના હાઈથી 8,000 રૂપિયાથી વધુ સસ્તી થઈ ચૂકી છે. ગ્લોબલ માર્કેટમાં 1%થી વધુ કડાકો આવ્યો છે. કોમેક્સ સિલ્વર $31 આસપાસ છે. 

જો MCX ની વાત કરીએ તો સવારે 10 વાગ્યાની આસપાસ ગોલ્ડ ફ્યૂચર્સ 27 રૂપિયાની તેજી સાથે 89,790 રૂપિયા પ્રતિ 10 ગ્રામ પર ટ્રેડ થઈ રહ્યો હતો. જે કાલ 89,817 રૂપિયા પર ક્લોઝ થયું હતું. ચાંદી આ દરમિયાન 1317 રૂપિયા તૂટીને 93,082 રૂપિયા પ્રતિ કિલોગ્રામ હતી. જે કાલે 94,399 રૂપિયા પર બંધ થઈ હતી. 

શરાફા બજારમાં ભાવ
આભૂષણ વેપારીઓ અને સ્ટોકિસ્ટની સતત ખરીદી વચ્ચે રાજધાની દિલ્હીના શરાફા બજારમાં સોનાનો ભાવ 200 રૂપિયા વધીને 94,350 રૂપિયા પ્રતિ 10 ગ્રામના નવા રેકોર્ડ હાઈ પર પહોંચ્યો. બુધવારે 99.9 ટકા શુદ્ધતાવાળું સોનું 94,150 રૂપિયા પ્રતિ 10 ગ્રામ પર સ્થિર રહ્યું. 99.5 ટકા શુદ્ધતાવાળું સોનું 200 રૂપિયા ચડીને 93,900 રૂપિયા પ્રતિ 10 ગ્રામના સર્વોચ્ચ સ્તરે પહોંચી ગયું. જો કે ચાંદીની કિંમત બુધવારે બંધ સ્તર1,01,500 રૂપિયાપ્રતિ કિલોગ્રામથી 1000 રૂપિયા તૂટીને 1,00,500 રૂપિયા પ્રતિ કિલોગ્રામ જોવા મળી. એલકેપી સિક્યુરિટીઝમાં ઉપાધ્યક્ષ શોધ વિશ્લેષક જિન્સ અને મુદ્રા જતિન ત્રિવેદીએ કહ્યું કે, જવાબી શુલ્કના પ્રભાવથી સવારે સત્રમાં સોનામાં શરૂઆતી તેજી જોવા મળી પરંતુ જલદી ભાવમાં નફાવસૂલીનો દોર શરૂ થઈ ગયો. 

સોના ચાંદીના આજના છૂટક ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 35 રૂપિયા તૂટીને 90,310 રૂપિયા જોવા મળ્યું જે કાલે 90,345 પર ક્લોઝ થયું હતું. જ્યારે ચાંદી 2,900 રૂપિયા ગગડીને 93,057 રૂપિયા પ્રતિ કિલોગ્રામ પર પહોંચી જે કાલે 95,957 રૂપિયા પર ક્લોઝ થઈ હતી. 

#Gold and #Silver Opening #Rates for 04/04/2025

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzbVEI

Follow us on Instagram : https://t.co/ZOr2uGjPPE

Follow us on Facebook : https://t.co/9tJn571sBM… pic.twitter.com/q2HDz65Kfn

— IBJA (@IBJA1919) April 4, 2025

રિટેલ ભાવ પર ફેરવો નજર

#indicative #Retail Selling #Rates for #Jewellery

To get these rates on your phone give a missed call on - 8955664433

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzbVEI

Follow us on Instagram :… pic.twitter.com/aLnxZtLR7H

— IBJA (@IBJA1919) April 4, 2025

Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)