Valsad News: સસરા જમાઈની જોડીએ આખા શહેરમાં પડાવી 'બૂમ'! બન્નેના કાંડ સાંભળીને ઉડી જશે હોંશ!

ઉમેશ પટેલ/વલસાડ: વલસાડ શહેરના બેચર રોડ પર આવેલા રોયલ એપાર્ટમેન્ટમાં ગઈ ત્રીજી મેના રોજ એક બંધ ફ્લેટમાંથી લાખો રૂપિયાની ચોરી થઈ હતી ..આ ફ્લેટમાં રહેતો પરિવાર બહાર ગયો હતો એ વખતે જ બંધ ફ્લેટમાંથી કોઈ અજાણ્યા ઈસમો તાળું તોડી અંદર પ્રવેશ કરી ₹10.97 લાખની હિંમતના સોના ચાંદીના દાગીના અને રોકડ રકમની ચોરી કરી અને પલવારમાં જ ફરાર થઈ ગયા હતા. બનાવ બાદ વલસાડ સીટી પોલીસ સહિત જિલ્લા ભરની પોલીસની ટીમો આ લાખોની ચોરીનો ભેદ ઉકેલવા કામે લાગી હતી.. આખરે ગણતરીના દિવસોમાં જ વલસાડ સીટી પોલીસને સફળતા મળી હતી અને આ કેસનો મુખ્ય આરોપી અને ધોત્રે ગેંગ નો લીડર શિવા રૂપે રાજુ ચીનપ્પાની ધરપકડ કરી સળિયા પાછળ ધકલી દીધો છે. 

આ ચોરીના સામેલ અન્ય એક આરોપી રાહુલ સિલ્વરાજ મુપનાર ધોત્રે ને અગાઉ ભરૂચ થી ઝડપી લેવામાં આવ્યો હતો. જ્યારે મુખ્ય આરોપી શિવા ચિનપ્પા ને પણ હવે મુંબઈથી ઝડપી વલસાડ લાવી તેની આગવી ઢબે પૂછપરછ શરૂ કરી છે..અત્યાર સુધી ની તપાસમાં લાખોની ચોરી કરવામાં બે આરોપીઓ સામે હતા.. જેમાં રાહુલ મુપનાર અને શિવા ધોત્રે આ બંને આરોપીઓએ મળી અને ચોરીને અંજામ આપ્યો હતો. 

આપને જાણીને નવાઈ લાગશે કે આ બંને આરોપીઓ સગા સસરા અને જમાઈ છે.. આમ સસરા જમાઈની જોડીએ ગણતરીની મિનિટોમાં જ લાખોની ચોરી ને અંજામ આપી પોલીસને દોડતી કરી દીધી હતી..વરસાદ સીટી પોલીસની અત્યાર સુધીની તપાસમાં બહાર આવ્યું છે કે આ ચોરીમાં સામેલ પોલીસના હાથે અગાઉ ઝડપાયેલો રાહુલ મુપનાર જમાઈ છે.. અને હવે ઝડપાયેલ આરોપી શિવા ચીન્નપ્પા ધોત્રે સસરો છે. સસરા જમાઈની ધરપકડ બાદ તેમની આગવી ઢબે પૂછપરછ કરતા અનેક હકીકતો બહાર આવી રહી છે.

રોયલ એપાર્ટમેન્ટમાં લાખોનો હાથ ફેરો કરનાર સસરો અને જમાઈ ઘરફોડ ચોરીના દુનિયામાં કુખ્યાત એવી ધોત્રે ગેંગના સાગરીતો છે.. આ ધોત્રે ગેંગમૂળ કર્ણાટકની છે.. પરંતુ આ ગેંગના સાગ્રીતો મોટેભાગે મહારાષ્ટ્રના વસઈ અને આસપાસના વિસ્તારમાં વસ્યા છે.. અને વસઇને જ હેડ કવોટર બનાવી અને આ ગેંગના સભ્યો બાઈક પર બે-ત્રણની જોડીમાં ચોરીને અંજામ આપવા બહાર નીકળે છે અને ત્યારબાદ ગણતરીના સમયમાં જ ચોરી કરી અને ફરાર થઈ જતા હોવાનું બહાર આવ્યું છે.. અને આ કુખ્યાત ધોત્રે ગેંગ નો મુખ્ય લીડર અત્યારે પોલીસના હાથે ઝડપાયેલો શિવા ઉર્ફે રાજુ ચીન્નપા જ હોવાનું પણ બહાર આવ્યું છે. ગુનાઓની દુનિયામાં કુખ્યાત આ ધોત્રે ગેંગ અતિ સાતીર છે. તેના સભ્યો ચોરીમાં માસ્ટરી ધરાવે છે. 

વલસાડના રોયલ એપાર્ટમેન્ટમાં પણ સસરા જમાઈની જોડી માત્ર 15 મિનિટ જ એપાર્ટમેન્ટમાં ઘૂસ્યા હતા ..અને ત્યારબાદ બંધ ફ્લેટનું તાળું તોડી અંદર ઘૂસ્યા બાદ માત્ર 8 જ મિનિટમાં જ રોકડ રકમ અને સોના ચાંદીના દાગીના મળી અંદાજે 10.97 લાખ રૂપિયા ની ચોરી કરી અને પલવારમાં જ ફરાર થઈ ગયા હતા . જો કે આખરે પોલીસના હાથે ઝડપાતા હવે આ ગેંગના અન્ય કારનામાં પણ બહાર આવી રહ્યા છે. પોલીસની તપાસમાં બહાર આવ્યું છે કે.. આ સસરા જમાઈએ અગાઉ વલસાડ સુરત ભરૂચ સહિત અન્ય જિલ્લાઓમાં પણ ચોરી 3 થી વધુ ચોરી કરી હતી.. તેમના પર મહારાષ્ટ્ર કર્ણાટક અને ગુજરાતના સુરત ભરૂચ અને વલસાડ જિલ્લામમાં મળી કુલ 30 થી વધુ ગુનાઓ નોંધાઈ ચૂક્યા હોવાનું પણ બહાર આવ્યું છે. 

ગુનાઓની દુનિયામાં કુખ્યાત ધોત્રે ગેંગના સસરા જમાઈની જોડીએ અત્યાર સુધી ન માત્ર વલસાડ જિલ્લા પરંતુ ગુજરાતના ભરૂચ સહિત અન્ય જિલ્લાઓ અને મહારાષ્ટ્ર થી લઈ કર્ણાટક સુધીના રાજ્યોમાં નાની મોટી ચોરી ના અનેક ગુનાઓને અંજામ આપી ચૂકી છે. અને અનેક રાજ્યોની પોલીસને દોડતી પણ કરી દીધી હતી.. જોકે હવે આખરે શાતીર સસરા જમાઈ પોલીસ પાંજરે પૂરાતા આગામી સમયમાં આ ધોતરે ગેંગના વધુ કારનામાઓ બહાર આવે તેવી શક્યતાઓ જોવાઈ રહી છે.