મોટાભાગની નદીઓ સમુદ્રને મળે છે, છતાં દરિયો ક્યારેય કેમ છલકતો નથી? આ રહ્યો જવાબ

Sea Never Flood : ચોમાસું આવે એટલે ભારે વરસાદને કારણે નદીઓમાં પૂરની સ્થિતિ સર્જાય. પૂરની સ્થિતિ સર્જાય એટલે નદીઓ છલકાય. આમ તો મોટાભાગની નદીઓ સમુદ્રને મળતી હોવાથી નદીઓમાં પૂર આવે એટલે વધારાનું પાણી દરિયામાં ભળી જાય. પરંતું આટલી બધી નદીઓ સમુદ્રમાં પાણી ઠાલવે તો પણ સમુદ્ર છલકાતો નથી. આવું કેમ થાય છે ક્યારેય વિચાર્યું છે ખરું. ચલો આ પાછળનું કારણ જણાવીએ. 

નદીઓમાં ક્યારે પૂર આવે છે?
નદીઓમાં પૂરનું સૌથી મોટું કારણ તેમની ક્ષમતા કરતાં વધુ પાણી ભરાવાને માનવામાં આવે છે. હવે પ્રશ્ન એ થાય છે કે તેની હદમાં વહેતી નદીની અંદર આવતું વધારાનું પાણી ક્યાંથી આવે છે?

નદીઓમાં પૂર પાછળના કારણો
ભારે વરસાદ, બરફ પીગળવા અને જળાશયોમાંથી પાણી છોડવાને કારણે નદીઓમાં પૂર આવે છે. નદીઓની પહોળાઈ અને ઊંડાઈ મર્યાદિત છે. જ્યારે તેમની ક્ષમતા કરતાં વધુ પાણી આવે છે, ત્યારે પાણીનું સ્તર વધે છે અને પછી જ્યારે પાણી કાંઠાને પાર કરે છે, ત્યારે પૂરની સ્થિતિ સર્જાય છે.

દરિયામાં પૂર કેમ નથી આવતું?
નદીઓ કરતાં સમુદ્ર ઘણો મોટો અને ઊંડો છે. દરિયામાં પાણીનો વિશાળ જથ્થો અને જગ્યા છે કે નદીઓમાંથી આવતા વધારાના પાણી તેના સ્તરને અસર કરી શક્તા નથી.

દરિયાનું સ્તર ક્યારે વધી શકે?
જો એક સાથે અનેક નદીઓનું પાણી દરિયામાં જાય તો દરિયાની સપાટી થોડી વધી શકે છે, પરંતુ તેના કારણે દરિયામાં પૂર આવશે નહીં.

શું દરિયો ક્યારેય પૂર આવે છે
તોફાન, સુનામી અથવા ભરતીના કારણે સમુદ્રમાં "પૂર" જેવી સ્થિતિ જોવા મળે છે. તેને "દરિયાઇ પૂર" અથવા "તટીય પૂર" કહેવામાં આવે છે.