Cleaning Tips: બળીને કાળા થયેલા વાસણને ચમકાવવા આ 4 વસ્તુઓ વાપરો, વાસણ ઘસીને સાફ પણ નહીં કરવા પડે
Cleaning Tips: રસોઈ કરતી વખતે ઘણીવાર વાસણ બળી પણ જાય છે. ખાસ તો તેલના તવા અને લોઢી વધારે ખરાબ થાય છે. આ વાસણ સાફ કરવા મુશ્કેલ લાગે છે પરંતુ આ કામ ઈઝી થઈ શકે છે. બળેલા વાસણને સાફ કરવા આ 4 વસ્તુઓ વાપરો તો વાસણ ઝડપથી ક્લીન થઈ શકે છે.
Trending Photos
- 5
- 6
- 6
- 4
)
Cleaning Tips: કોઈપણ કારણસર વાસણ બળી જાય તો કાળા નિશાન ખરાબ દેખાય છે. બીજીવખત તેનો ઉપયોગ કરવો પણ મુશ્કેલ થઈ જાય છે. ખાસ કરીને તેલ મુક્યું હોય એ કઢાઈ સાફ કરવામાં ટેન્શન થાય છે. પરંતુ આવી સફાઈ માટે જો તમે ખાસ વસ્તુઓ વાપરો તો તમારે ચિંતા કરવાની જરૂર રહેતી નથી.
આજે તમને 4 એવી વસ્તુઓ વિશે જણાવીએ જે બળેલા વાસણ સાફ કરવામાં અસરકારક છે. આ વસ્તુઓનો ઉપયોગ કરી તમે વાસણ સાફ કરશો તો વધારે ઘસવાની જરૂર પણ નહીં પડે. ખૂબ જ ઝડપથી વાસણ સાફ થઈ જાશે.
બેકિંગ સોડા
જે વાસણ સાફ કરવું હોય તેમાં પાણી ભરો અને તેમાં બેકિંગ સોડા ઉમેરી પાણીને ઉકાળો. પાણી ઉકળી જાય એટલે ગેસ બંધ કરી પાણીને ઠંડું થવા છોડી દો. જ્યારે પાણી ઠુંડું થઈ જાય પછી વાસણને સાફ કરશો તો સારી રીતે સાફ થશે.
વિનેગર
વિનેગરમાં એસિડિક ગુણ હોય છે જે વાસણની ચિકાશ અને બળેલા ડાઘ ઝડપથી દુર કરે છે. એક કપમાં પાણી અને વિનેગર સમાન માત્રામાં લઈ મિશ્રણ બનાવો. આ મિશ્રણને બળેલા વાસણ પર સારી રીતે લગાવો અને 5 મિનિટ રાખી દો. ત્યારબાદ સ્ક્રબરની મદદથી સાફ કરશો એટલે બધો મેલ નીકળી જશે.
મીઠું અને લીંબુ
તેલની ચિકાશ અને બળેલા ડાઘ દુર કરવા માટે લીંબુ અને મીઠું પણ ઉપયોગી છે. આ મિશ્રમમાં નેચરલ ક્લીનિંગ ગુણ હોય છે. સૌથી પહેલા તો વાસણમાં લીંબુનો રસ લગાડો. ત્યારબાદ તેના પર મીઠું છાંટો અને 2 મિનિટ રાખો. ત્યારબાદ વાસણ સાફ કરો. તેનાથી વાસણ બરાબર સાફ થઈ જશે.
ટૂથપેસ્ટ
ટૂથપેસ્ટમાં એબ્રેસિવ ગુણ હોય છે જે વાસણના ડાઘ અને ગંદગી કાઢવામાં મદદ કરે છે. બળેલા વાસણમાં ટૂથપેસ્ટ લગાડી 5 મિનિટ રાખો અને પછી સ્ક્રબરની મદદથી વાસણ સાફ કરો. તેનાથી વાસણ ઝડપથી સાફ થશે.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
