આ ચાથી કેન્સરનું રિસ્ક થઈ શકે છે ઓછું, જાણો બનાવવાની અને સેવન કરવાની રીત

બ્લેક ટીમાં એન્ટીઓક્સીડેન્ટ હોય છે. દૂધ અને ખાંડ વગરની ચામાં ઓછી કેલરી હોય છે, જે ડાયાબિટીસના દર્દીઓ માટે હેલ્ધી વિકલ્પ છે. બ્લેક ટી પીવાથી બ્લડ સુગર લેવલ અચાનક વધતું નથી. જ્યારે દૂધ અને ખાંડવાળી ચા પીવાથી વજન ઝડપથી વધી શકે છે.

બ્લેક ટી કેન્સરનું જોખમને ઓછું કરી શકે છે. Ucla healthના રિપોર્ટ અનુસાર ચામાં પોલીફેનોલ્સ હોય છે, જે કેન્સર સામે લડવામાં મહત્વની ભૂમિકા ભજવે છે. રિપોર્ટ અનુસાર બ્લેક ટી સ્ક્વેમસ સેલ કાર્સિનોમા સ્કિન કેન્સરનું જોખમ ઘટાડી શકે છે.

દરરોજ 2 થી 3 કપ બ્લેક ટી પીવી જોઈએ. વધુ પડતા કેફીનનું સેવન કરવાથી બેચેની અને ઊંઘની સમસ્યા વધી શકે છે. આવી સ્થિતિમાં વધુ પડતું કેફીન ન લેવું જોઈએ. 300 મિલિગ્રામ કેફીનનું સેવન કરી શકાય છે.

એક કપ પાણીને ગરમ કરવા માટે તપેલીમાં નાખો. હવે આ પાણીમાં થોડી ચાની પત્તી નાખો. પાણી ઉકળવા લાગે એટલે ગેસ બંધ કરી દો. હવે તમારી બ્લેક ટી તૈયાર છે. આ ચા તમે સવારે નાસ્તામાં પી શકો છો. તમે સાંજે નાસ્તાના સમયે પણ આ ચાનું સેવન કરી શકો છો. રાત્રે સૂતા પહેલા ચા ન પીવી જોઈએ.

કેટલાક લોકો બ્લેક ટીમાં લીંબુનો રસ અને ખાંડ મિક્સ કરીને પીવે છે. જ્યારે કેટલાક લોકો દૂધ અને ખાંડ મિક્સ કરીને ચા પીવે છે. જ્યારે આવું ન કરવું જોઈએ. ખાંડવાળી ચા સ્વાસ્થ્ય માટે ફાયદાકારક નથી. ખાંડ વગર ચા પીવી જોઈએ.

પ્રિય વાચક, અમારા સમાચાર વાંચવા બદલ આભાર. આ સમાચાર ફક્ત તમને જાગૃત કરવાના હેતુથી લખવામાં આવ્યા છે. અમે આ લખવા માટે ઘરેલું ઉપચાર અને સામાન્ય માહિતીની મદદ લીધી છે. Zee 24 કલાક આ વાતની પુષ્ટિ કરતું નથી. જો તમે ક્યાંય પણ તમારા સ્વાસ્થ્ય સંબંધિત કંઈપણ વાંચો છો, તો તેને અપનાવતા પહેલા ચોક્કસપણે ડોક્ટરની સલાહ લો.