મગજમાં લોહી ગંઠાઈ જવાથી આ લક્ષણો જોવા મળે છે, નજરઅંદાજ કરશો તો જીવ જોખમમાં મુકાશે

અચાનક બોલવામાં સમસ્યા થાય, કોઈ શબ્દનું યોગ્ય રીતે ઉચ્ચારણ ન થાય તો તે મગજમાં લોહી ગંઠાઈ જવાનો સંકેત હોઈ શકે છે. અચાનક કોઈ વ્યક્તિ યોગ્ય રીતે ન બોલી શકે કે પછી શબ્દોને સાચી રીતે ન બોલી શકે તો આ લક્ષણને ગંભીરતાથી લઈ ડોક્ટરને દેખાડો.

 

અચાનક માથામાં ભારે દુખાવો થાય તો પણ મગજમાં લોહી ગંઠાઈ જવાનો સંકેત હોઈ શકે છે. કોઈ કારણ વગર માથામાં અચાનક દુખાવો થાય તો ડોક્ટરને દેખાડો.

 અચાનક ઝાંખુ કે ડબલ દેખાય તો મગજમાં લોહી ગંઠાવાનો સંકેત હોઈ શકે છે. આ લક્ષણને નજરઅંદાજ ન કરો અને ડોક્ટરને દેખાડો. કારણ કે આ બ્લડ ક્લોટિંગનો મોટો સંકેત હોઈ શકે છે.

હાથ અને પગમાં અચાનક નિષ્ક્રિયતા આવવી, ખાસ કરીને શરીરના એક ભાગમાં, મગજમાં લોહી ગંઠાઈ જવાની નિશાની છે. હાથ અને પગમાં અચાનક નિષ્ક્રિયતા આવવાને અવગણશો નહીં, શક્ય તેટલી વહેલી તકે ડૉક્ટરની મુલાકાત લો.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગરૂત કરવાના ઈરાદાથી લખવામાં આવ્યા છે. અમે તેને લખવામાં ઘરેલુ નુસ્ખા અને સામાન્ય જાણકારીની મદદ લીધી છે. તમે સ્વાસ્થ્ય સાથે જોડાયેલા કોઈ ઉપાય અજમાવતા પહેલા ડોક્ટરની સલાહ લો.