Lifehacks: વરસાદી વાતાવરણમાં ધોયેલા કપડાને ઝડપથી સુકાવા અપનાવો આ સરળ ટ્રિક્સ

વોશિંગ મશીનમાં ઓટોમેટીક કપડા ડ્રાય થઈ જતા હોય છે. પરંતુ ડ્રાયર નક્કી કરેલી મિનિટ માટે જ ચાલે છે. ચોમાસા દરમિયાન કપડા ઝડપથી કોરા કરવા હોય તો ડ્રાયર પાંચ મિનિટ સુધી ચલાવો. તમે કપડામાં બે વખત ડ્રાયર કરી શકો છો.   

કેટલાક કપડાં એવા હોય છે જે વોશિંગ મશીનમાં સારી રીતે ડ્રાય થતા નથી. આવા કપડાને ડ્રાય કરવા માટે હેર ડ્રાયરની મદદ લઈ શકાય છે. મોજા, રૂમાલ જેવા નાના કપડાને વોશિંગ મશીનમાં ડ્રાય કર્યા પછી હેર ડ્રાયરથી પણ કોરા કરી શકો છો.

ચોમાસામાં કુલરનો ઉપયોગ કરવાની જરૂર પડતી નથી પરંતુ કપડાં સૂકવવામાં કુલર કામ લાગશે. વોશિંગ મશીનમાં ડ્રાય કરેલા કપડાને સ્ટેન્ડ પર સારી રીતે લગાવીને કુલર ચાલુ કરી દો. ધ્યાન એ વાતનું રાખવાનું છે કે કુલરનો વોટર પંપ બંધ કરી દેવો. આ રીતે કુલર ચલાવશો તો થોડી મિનિટોમાં જ કપડાં કોરા થઈ જશે.   

વરસાદી વાતાવરણમાં ઘરમાં પણ ભેજનું પ્રમાણ વધી જાય છે તેથી ઘરમાં સુકવેલા કપડા ઝડપથી કોરા થતા નથી. આ સ્થિતિમાં કપડાને સ્ટેન્ડ પર રાખી પંખા નીચે રાખો અને કપડાના સ્ટેન્ડની પાસે એક બાઉલમાં મીઠું ભરીને રાખી દો. તેનાથી રૂમમાં રહેલું મોઈશ્ચર મીઠું શોષી લેશે અને કપડાં ઝડપથી સૂકાશે   

કપડાને સ્ટેન્ડ પર રાખીને પંખા નીચે રાખો. જ્યારે કપડા થોડા કોરા થઈ જાય પછી તેના પર ઇસ્ત્રી ફેરવો. ઈસ્ત્રી કરવાથી કપડાનો ભેજ ઝડપથી દૂર થઈ જશે.