30 જૂન પહેલા પતાવી લો આ કામ નહીં તો ભૂલી જાઓ ફ્રી રાશન, સરકાર યાદીમાંથી નામ પણ કાઢી નાખશે

ભારત સરકાર દેશના તમામ નાગરિકો માટે અનેક પ્રકારની યોજનાઓ ચલાવે છે. દેશના કરોડો લોકો સરકારની આ યોજનાઓનો લાભ લે છે. કોરોનાથી, સરકાર લોકોને મફત રાશનનો લાભ પણ આપી રહી છે. જેનો લાભ ઘણા જરૂરિયાતમંદ અને ગરીબ લોકોને મળી રહ્યો છે.

કોઈપણ રેશનકાર્ડ ધારક જે રાષ્ટ્રીય ખાદ્ય સુરક્ષા કાયદા હેઠળ મફત રાશનની સુવિધાનો લાભ લે છે. આ સમાચાર તેના માટે છે. સરકારે હવે બધા રેશનકાર્ડ ધારકો માટે એક મોટો નિર્ણય લીધો છે. જેના કારણે નકલી લોકોને ઓળખી શકાય છે.

સરકારે આ કામ માટે 30 જૂન સુધીનો સમય આપ્યો છે. બધા રેશનકાર્ડ ધારકોએ 30 જૂન સુધીમાં e-KYC કરાવવું પડશે. જો રેશનકાર્ડ ધારક e-KYC કરાવશે નહીં તો તેને રેશનકાર્ડ પર મળતું મફત રાશન બંધ કરી દેવામાં આવશે.

એટલું જ નહીં, જે રાશનકાર્ડ ધારકોએ e-KYC કરાવ્યું નથી. તેમના નામ પણ રાશન કાર્ડની લાભાર્થી યાદીમાંથી હટાવામાં આવશે. એટલે કે, તેમને ફરીથી રાશન મેળવવા માટે ફરીથી રાશનકાર્ડ માટે અરજી કરવી પડશે.

તેથી જો તમે હજુ સુધી રાશન કાર્ડનું e-KYC કરાવ્યું નથી. તો સમય બગાડ્યા વિના, શક્ય તેટલી વહેલી તકે e-KYCની પ્રક્રિયા પૂર્ણ કરો. નહિંતર, તમને પણ મુશ્કેલીનો સામનો કરવો પડી શકે છે.

કોઈપણ રાશનકાર્ડ ધારક તેના નજીકના ખાદ્ય પુરવઠા વિભાગ અથવા રાશન વિતરણ કેન્દ્રમાં જઈને તેની eKYC પ્રક્રિયા પૂર્ણ કરી શકે છે. આ માટે તેણે ત્યાં પોતાનો આધાર નંબર અને ફિંગરપ્રિન્ટની જરૂર પડશે.