પત્નીની મદદથી માત્ર 20 વર્ષમાં કરોડપતિ બનાવી શકે છે આ સ્કીમ, એકાઉન્ટમાં હશે પૂરા 1.33 કરોડ

પીપીએફના નિયમો અનુસાર કોઈપણ વ્યક્તિ પોતાના નામે ફક્ત એક જ પીપીએફ એકાઉન્ટ ઓપન કરાવી શકે છે. પીપીએફમાં જોઈન્ટ એકાઉન્ટ ખોલવાનો કોઈ પણ વિકલ્પ નથી. પરંતુ જો પતિ-પત્ની બન્ને કમાતા હોય તો બન્ને પોતપોતાના નામે અલગ-અલગ એકાઉન્ટ ઓપન કરાવી શકો છો અને માત્ર 20 વર્ષમાં કરોડપતિ બની શકો છો.

20 વર્ષમાં કરોડપતિ બનવા માટે પતિ અને પત્ની બન્નેએ પોતપોતાના PPF એકાઉન્ટમાં દર વર્ષે 1.5 લાખ રૂપિયા જમા કરાવવા પડશે. તમે તેને એકસાથે જમા કરાવી શકો છો અથવા દર મહિને 12,500 રૂપિયા જમા કરાવીને તમે વર્ષમાં 1.5 લાખ રૂપિયા જમા કરાવી શકો છો. આ સ્કીમ 15 વર્ષમાં પરિપક્વ થાય છે, પરંતુ તમારે આ સ્કીમને એક વાર 5 વર્ષ માટે લંબાવવી પડશે અને 1.5 લાખ રૂપિયાનું યોગદાન 20 વર્ષ સુધી ચાલુ રાખવું પડશે.

જો પતિ અને પત્ની બન્ને પોતપોતાના PPF એકાઉન્ટમાં વાર્ષિક 1.5 લાખ રૂપિયા જમા કરાવે છે અને આ એકાઉન્ટને 20 વર્ષ સુધી ચાલુ રાખે છે, તો બન્ને પોતપોતાના એકાઉન્ટમાં 30-30 લાખ રૂપિયા જમા કરાવશે. પીપીએફ પર 7.1% વ્યાજ આપવામાં આવી રહ્યું છે. પતિ-પત્ની બન્નેને પોતપોતાના એકાઉન્ટમાં 36,58,288 રૂપિયા અલગ-અલગ વ્યાજ તરીકે મળશે. આ રીતે બન્નેને 20 વર્ષમાં કુલ 66,58,288 રૂપિયા મળશે. 66,58,288 + 66,58,288= 1,33,16,576 રૂપિયા. આ રીતે પતિ-પત્ની બન્ને 20 વર્ષમાં કરોડપતિ બની જશે.

પીપીએફ રોકાણોને E-E-E કેટેગરીમાં રાખવામાં આવ્યા છે. એટલે કે તમારું રોકાણ, વ્યાજ અને પાકતી મુદત ત્રણેય સંપૂર્ણપણે ટેક્સ ફ્રી છે.

કરોડપતિ બનવા માટે તમારે કોન્ટ્રીબ્યૂશનની સાથે એક્સટેન્શન કરવું પડશે. તમે PPF એકાઉન્ટને કોન્ટ્રીબ્યૂશનની સાથે ચાલુ રાખવા માંગતા છો, તો તમારે તે બેન્ક અથવા પોસ્ટ ઓફિસમાં એપ્લીકેશન સબમિટ કરવી પડશે જ્યાં તમારું ખાતું છે. આ એપ્લીકેશન તમારે પરિપક્વતાની તારીખથી 1 વર્ષ પૂર્ણ થાય તે પહેલાં સબમિટ કરવાની રહેશે અને એક્સટેન્શન માટે એક ફોર્મ ભરવાનું રહેશે. આ ફોર્મ એ જ પોસ્ટ ઓફિસ/બેન્ક શાખામાં સબમિટ કરવાનું રહેશે જ્યાં PPF એકાઉન્ટ ખોલવામાં આવ્યું હોય. જો તમે આ ફોર્મ સમયસર સબમિટ કરવામાં નિષ્ફળ જાઓ છો, તો તમે એકાઉન્ટમાં તમારું યોગદાન આપી શકશો નહીં.