મુસ્લિમ યુવતીએ 7 વર્ષ નાના હિંદુ ક્રિકેટર સાથે કર્યા લગ્ન, પ્રેમમાં ક્લીન બોલ્ડ થયો ધોનીનો ધુરંધર

Cricketer Love Story : ચેન્નાઈ સુપર કિંગ્સનો વિસ્ફોટક બેટ્સમેન શિવમ દુબે આઈપીએલની વર્તમાન સિઝનમાં એ લયમાં હજુ જોવા મળી રહ્યો નથી જે આગામી સિઝનમાં જોવા મળતો હતો. આ વખતે તેનું બેટ બરાબર ચાલી રહ્યું નથી.

જો દુબેના અંગત જીવન વિશે વાત કરીએ તો દુબે પરિણીત છે અને  અને 2 બાળકોનો પિતા છે. દુબેની લવસ્ટોરીની ખાસિયત એ છે કે તેણે મુસ્લિમ ધર્મની છોકરી સાથે લગ્ન કર્યા અને તે તેના કરતા 7 વર્ષ મોટી પણ છે.  

લગ્ન પહેલા અંજુમ ખાન એક અભિનેત્રી હતી અને મુંબઈના શિવમ સાથે તેની મિત્રતા થઈ હતી. બાદમાં આ મિત્રતા ધીમે ધીમે પ્રેમમાં બદલાઈ ગઈ. પરંતુ હિન્દુ પરિવારમાંથી હોવાના કારણે શિવમનો પરિવાર આ સંબંધ માટે તૈયાર નહોતો. પરંતુ શિવમે અને તેની ગર્લફ્રેન્ડે સાથે રહેવાનું નક્કી કર્યું. જ્યારે બંનેએ આગ્રહ કર્યો ત્યારે આખરે તેમના પરિવારજનોએ આ સંબંધનો સ્વીકાર કર્યો.  

તમને જણાવી દઈએ કે શિવમ કરતા 7 વર્ષ મોટી અંજુમ ઉત્તર પ્રદેશની છે અને તેનો જન્મ સપ્ટેમ્બર 1986માં થયો હતો. તેણે અલીગઢ મુસ્લિમ યુનિવર્સિટી (AMU)માંથી ગ્રેજ્યુએશન કર્યું હતું. જ્યારે જૂન 1993માં જન્મેલો દુબે મુંબઈનો રહેવાસી છે. 

અભ્યાસ પૂરો કર્યા બાદ અંજુમ મુંબઈ આવી અને એક્ટિંગ અને મોડલિંગ શરૂ કર્યું. તેણે ઘણી ટીવી સિરિયલોમાં કામ કર્યું છે અને ઘણી બોલિવૂડ ફિલ્મોમાં વોઈસ આર્ટિસ્ટ તરીકે પોતાનો અવાજ પણ આપ્યો છે.