હાર્દિક પંડ્યાનું ફરી બ્રેકઅપ ! રુમર્ડ ગર્લફ્રેન્ડ જાસ્મીન વાલિયા સાથેનો સંબંધ એક વર્ષ પણ ના ટક્યો, આ રીતે ખુલ્યું રહસ્ય

Hardik Pandya Breakup : ભારતીય ક્રિકેટર હાર્દિક પંડ્યા અને અભિનેત્રી નતાશા સ્ટેનકોવિકના ગયા વર્ષે છૂટાછેડા થયા હતા, ત્યારબાદ તેનું નામ બ્રિટિશ ગાયિકા જાસ્મિન વાલિયા સાથે જોડવામાં આવી રહ્યું હતું. જોકે, હવે તેમના સંબંધો વિશે કેટલીક અફવાઓ ચાલી રહી છે કે તેમના નવા સંબંધોમાં તિરાડ પડી ગઈ છે, જે બંનેના ઇન્સ્ટાગ્રામ પેજ પરથી બહાર આવ્યું છે.

હાર્દિક અને જાસ્મિન અલગ થયા ?

એવું કહેવામાં આવી રહ્યું છે કે બંનેએ ઇન્સ્ટાગ્રામ પર એકબીજાને અનફોલો કરી દીધા છે. આવી સ્થિતિમાં ચાહકો અનુમાન લગાવી રહ્યા છે કે બંનેનું બ્રેકઅપ થઈ ગયું છે. જોકે, બંનેએ તેમના સંબંધો વિશે ખુલ્લેઆમ વાત કરી નહોતી કે બ્રેકઅપના સમાચાર વિશે કંઈ કહ્યું ન હતું. તાજેતરમાં એક રેડિટ યુઝરે લખ્યું, 'શું હાર્દિક અને જાસ્મિન એકબીજાને અનફોલો કરી દીધા છે?'.

હાર્દિક પંડ્યા અને જાસ્મિન વાલિયા વચ્ચેના અફેરના સમાચાર ત્યારે હેડલાઇન્સમાં હતા જ્યારે હાર્દિકે તેની પત્ની નતાશા સ્ટેનકોવિકથી છૂટાછેડા લીધા હતા. ભલે હાર્દિક અને જાસ્મિન ક્યારેય તેમના સંબંધો જાહેર ન કર્યા, જાસ્મિન હાર્દિકની મેચ દરમિયાન ઘણી વખત જોવા મળી હતી. તે મુંબઈ ઈન્ડિયન્સ ટીમ બસમાં પણ જોવા મળી હતી, જેનાથી તેમના સંબંધોની અફવાઓને વધુ વેગ મળ્યો હતો.

લગ્નના 4 વર્ષ પછી અલગ થયા

ગયા વર્ષે હાર્દિક અને નતાશાએ 4 વર્ષ લગ્ન પછી અલગ થવાનો નિર્ણય લીધો. બંનેએ ઇન્સ્ટાગ્રામ પર એક પોસ્ટ શેર કરી અને કહ્યું કે તેઓ પરસ્પર સંમતિથી અલગ થઈ રહ્યા છે. જોકે, તેમણે કહ્યું હતું કે તેમનો પુત્ર અગસ્ત્ય તેમની સૌથી મોટી પ્રાથમિકતા રહેશે અને બંને તેને સાથે ઉછેરશે. આ નિર્ણય પછી હાર્દિકના અંગત જીવન વિશે સતત ચર્ચાઓ થતી રહી.

હાર્દિક અને જાસ્મિનનો સંબંધ

હાર્દિક અને જાસ્મિનનો સંબંધ ત્યારે જાહેર થયો જ્યારે બંનેએ સોશિયલ મીડિયા પર તેમની ગ્રીસ ટ્રીપની તસવીરો શેર કરી. આ રોમેન્ટિક વેકેશન પછી જાસ્મિન સ્ટેડિયમમાં ઘણી વખત હાર્દિક સાથે જોવા મળી હતી. ચેમ્પિયન્સ ટ્રોફી 2025ની ભારત-પાકિસ્તાન મેચ દરમિયાન તે દુબઈ સ્ટેડિયમમાં પણ હાજર હતી. જાસ્મીને ખુલ્લેઆમ હાર્દિકને ચીયર કરતી જોવા મળી હતી, જેના કારણે તેમના સંબંધો વિશે ચર્ચાઓ વધુ તેજ બની હતી.

જાસ્મિન વાલિયા કોણ છે ?

જાસ્મિન વાલિયા બ્રિટનની રહેવાસી છે અને ભારતીય મૂળની છે. તે પહેલીવાર 2010માં બ્રિટિશ રિયાલિટી શો 'ધ ઓન્લી વે ઇઝ એસેક્સ'માં દેખાઈ હતી. શોમાં તેની લોકપ્રિયતા એટલી વધી ગઈ કે 2012 સુધીમાં તે શોની કાયમી  સભ્ય બની ગઈ. આ પછી તે સંગીતની દુનિયામાં પ્રવેશી અને સોશિયલ મીડિયા પર પણ ખૂબ સક્રિય થઈ ગઈ.