અમેરિકામાં હવે વિદેશી નાગરિકો મર્યા સમજો! 30 દિવસની અંદર આ કામ ન કર્યુ તો સીધું જવું પડશે જેલ

US Visa Rules: વ્હાઇટ હાઉસે જાહેરાત કરી કે, દેશમાં 30 દિવસથી વધુ સમય સુધી રહેતા તમામ વિદેશી નાગરિકોએ ફેડરલ સરકારમાં નોંધણી કરાવવી પડશે. જો તેઓ આમ નહીં કરે તો તેમને દંડ, જેલ અને દેશનિકાલનો સામનો કરવો પડશે. આ જાહેરાતે સમગ્ર અમેરિકામાં ઇમિગ્રન્ટ સમુદાયોમાં ચિંતા પેદા કરી છે.

વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું કે, "યુનાઇટેડ સ્ટેટ્સમાં 30 દિવસથી વધુ સમય સુધી રહેતા તમામ વિદેશી નાગરિકોએ સંઘીય સરકાર સાથે નોંધણી કરાવવી આવશ્યક છે. આનું પાલન ન કરનાર એક ગુનેગાર છે, જેના માટે દંડ, કેદ અથવા બન્ને દ્વારા સજાપાત્ર છે."

પાલન ન કર્યું તો થશે ધરપકડ
લેવિટે કહ્યું કે, "જો આવું કરવામાં નહીં આવે, તો તમને ધરપકડ કરવામાં આવશે, દંડ કરવામાં આવશે, દેશનિકાલ કરવામાં આવશે અને તમે ક્યારેય આપણા દેશમાં પાછા ફરી શકશો નહીં."

કેમ આવ્યો આ નિર્ણય?
આ નિર્દેશ બીજા વિશ્વયુદ્ધના દાયકાઓ જૂના એલિયન રજિસ્ટ્રેશન એક્ટ પર આધારિત છે. તેને ટ્રમ્પ દ્વારા નિયુક્ત યુએસ ડિસ્ટ્રિક્ટ જજ ટ્રેવર એન. મેકફેડનના નિર્ણયને બાદ લીલી ઝંડી આપવામાં આવી હતી, જેમણે હિમાયત જૂથો તરફથી કાનૂની પડકારને નકારી કાઢ્યો હતો. ન્યાયાધીશે ચુકાદો આપ્યો કે, વાદીઓ પાસે નિયમનો અમલ થવાથી અવરોધવા માટે પૂરતા કાનૂની આધારો નથી. આનાથી વિવાદાસ્પદ નિર્દેશને અમલમાં આવવાનો માર્ગ સાફ થઈ ગયો.

શું છે નવો નિયમ?
નવા નિયમ હેઠળ વિદેશી નાગરિકો - [વિઝા ધારકો અને કાનૂની કાયમી રહેવાસીઓ સહિત] - દરેક સમયે નોંધણીનો પુરાવો સાથે રાખવાની જરૂર રહેશે. આ નિર્દેશ 30 દિવસથી વધુ સમય સુધી યુ.એસ.માં રહેતા વ્યક્તિઓને લાગુ પડે છે. આમાં નવા આવેલા વિદેશી નાગરિકોનો પણ સમાવેશ થાય છે, જેમની પાસે માન્ય દસ્તાવેજો ન હોય તો દેશમાં દાખલ થયાના એક મહિનાની અંદર નોંધણી કરાવવી પડશે.

ક્યારે લાગુ થશે નિયમ?
ડિપાર્ટમેન્ટ ઓફ હોમલેન્ડ સિક્યુરિટી (DHS)એ સ્પષ્ટતા કરી છે કે, 11 એપ્રિલ પછી યુએસમાં પ્રવેશ કરનાર વ્યક્તિઓએ 30 દિવસની અંદર નોંધણી કરાવવી પડશે. જે બાળકો 14 વર્ષની ઉંમર પૂર્ણ કરી ચૂક્યા છે તેઓએ પણ ફરીથી નોંધણી કરાવવી પડશે અને ફિંગરપ્રિન્ટ્સ આપવાની રહેશે, પછી ભલે તેઓ પહેલાથી જ નોંધાયેલા હોય.

લેવિટ જે રાષ્ટ્રપતિ ડોનાલ્ડ ટ્રમ્પના સહાયક તરીકે પણ સેવા આપે છે. તેમણે કહ્યું કે, આ નિર્ણય રાષ્ટ્રીય સુરક્ષા અને કાયદા અમલીકરણ વિશે છે. તેમણે કહ્યું કે, "ટ્રમ્પ એડમિનિસ્ટ્રેશન અમારા દેશના ઇમિગ્રેશન કાયદાને લાગુ કરવાનું ચાલુ રાખશે. અમે કયા કાયદાને લાગુ કરવા તે પસંદ કરીશું નહીં. અમારી માતૃભૂમિ અને તમામ અમેરિકન નાગરિકોની સુરક્ષા માટે અમારા દેશમાં કોણ છે તે જાણવાની જરૂર છે."