Entertainment News: ଜୀ ସାର୍ଥକର ମେଗା ଧାରାବାହିକ ‘ତୁ ଖରା ମୁଁ ଛାଇ’ରେ ଦର୍ଶକ ଦେଖିବାକୁ ପାଇବେ ନୂଆ ରୋମାଞ୍ଚ

Entertainment News: ଜୀ ସାର୍ଥକ ପ୍ରତିଟି ଓଡ଼ିଆଙ୍କର ପ୍ରଥମ ପସନ୍ଦର ଚ୍ୟାନେଲ l ତେଣୁ ଲୋକଙ୍କ ପସନ୍ଦକୁ ଧ୍ୟାନରେ ରଖି ଲୋକଧର୍ମୀ ମନୋରଞ୍ଜନ କାର୍ଯ୍ୟକ୍ରମ ବା ଧାରାବାହିକକୁ ଟିଭି ପରଦାରେ ଭେଟି ଦେଇଥାଏ ଜୀ ସାର୍ଥକ । ସବୁଥର କାହାଣୀରେ ନୂତନତ୍ତ୍ବ ଓ ରୋମାଞ୍ଚ ଆଣିଥାଏ ଜୀ ସାର୍ଥକ, ଯାହାକୁ ଦର୍ଶକେ ନିଜ ଜୀବନ ସହିତ ସଂଯୋଗ କରି ଧାରାବାହିକକୁ ଉପଭୋଗ କରିଥାନ୍ତି । ସୋମବାରରୁ ଶନିବାର ରାତି ୮.୩୦ ମିନିଟରେ ଦର୍ଶକ ଏହାକୁ ଜୀ ସାର୍ଥକରେ ଦେଖିବାକୁ ପାଉଛନ୍ତି, ତେବେ ଏହି ଧାରାବାହିକରେ ଏବେ ଆସିବାକୁ ଯାଉଛି ନୂଆ ମୋଡ଼ ଯାହା କାହାଣୀକୁ ଆଗାମୀ ଅଧ୍ୟାୟରେ ଏକ ରୋମାଞ୍ଚକର ମୋଡ଼କୁ ନେଇଯାଉଛି ।  

‘ତୁ ଖରା ମୁଁ ଛାଇ’ କାହାଣୀରେ ଆପଣ ଦେଖିଥିଲେ ମାନିନୀ ତାଙ୍କ ଗାଁ ଛାଡି ବାପାଙ୍କ ଚିକିତ୍ସା ପାଇଁ ଆସି ପହଞ୍ଚିଛି ଭୁବନେଶ୍ବରକୁ । ଅଭିଙ୍କ ଦାଦା ଶଶୀଙ୍କ ସାହାଯ୍ୟରେ ମାନିନୀ ବାପାଙ୍କ ଚିକିତ୍ସା ମଧ୍ୟ ସରିଛି କିନ୍ତୁ ଭୁବନେଶ୍ବରରେ ରହି ସ୍ବାସ୍ଥ୍ୟ ଚିକିତ୍ସା ନିୟମିତ କରାଇବାକୁ ଡାକ୍ତର ପରାମର୍ଶ ଦେଇଛନ୍ତି । ତେବେ ଅନ୍ୟ କୌଣସି ସମ୍ପର୍କୀୟ ଭୁବନେଶ୍ବରରେ ନଥିବାରୁ ଶଶୀ ମାନିନୀ ଓ ତାଙ୍କ ବାପାଙ୍କୁ ନିଜ ଘରେ ରହିବାକୁ ସ୍ଥାନ ଦେଇଛନ୍ତି । କିଛିଦିନ ପରେ ଅଭି ମାନିନୀକୁ ତାଙ୍କ ଗାଁରେ ଥିବା ଜମି ବିଷୟରେ କହି ସେଠି ଏକ ବିରାଟ ହୋଟେଲ ଗଢିବା ପାଇଁ ମାନିନୀଙ୍କୁ ଦେଇଛି ଏହି କାମର ସମ୍ପୂର୍ଣ୍ଣ ଦାୟୀତ୍ବ । ମାନିନୀ ଏହି କାମ ପାଇଁ ରାଜି ନଥିଲେ ମଧ୍ୟ ଅଭି ବାଧ୍ୟ କରେ ଓ ଗୋଟିଏ ବର୍ଷର ଚୁକ୍ତିନାମା ସ୍ବାକ୍ଷର ହୁଏ ଯାହାଦ୍ବାରା ଗୋଟିଏ ବର୍ଷ ପାଇଁ ଉଭୟେ ସେଇ ଗୋଟିଏ କାର୍ଯ୍ୟାଳୟରେ କାମ କରିବେ । ଉଭୟଙ୍କ ମଧ୍ୟରେ ଥିବା ଏହି ସମ୍ପର୍କ ପ୍ରେମ ରୂପରେ ପରିଣତ ହେବା ସମୟରେ ଅଭିଙ୍କ ବାହାଘର କଥା ଆଗକୁ ଆସେ । ତେବେ ଏହା ମଧ୍ୟରେ ଉଭୟଙ୍କ ମଧ୍ୟରେ ଥିବା ପୂର୍ବ ଜନ୍ମର ପ୍ରେମ ରହସ୍ୟ ଉପରୁ ପରଦା ଉଠିବ କି ? ଉଭୟଙ୍କ ମନରେ ଥିବା ପ୍ରେମ କଣ ବାହାରକୁ ଆସିପାରିବ ? କେମିତି ରହିବ ଅଭି ଓ ମାନିନୀର ଏହି ଯାତ୍ରା?

ଜାଣିବା ପାଇଁ ପ୍ରତି ସୋମବାରରୁ ଶନିବାର ରାତି ୮.୩୦ ମିନିଟରେ ଦେଖନ୍ତୁ ଜୀ ସାର୍ଥକରେ ‘ତୁ ଖରା ମୁଁ ଛାଇ’ । ଅଭି ଓ ମାନିନୀର ଏହି ପ୍ରେମ ଯାତ୍ରାରେ ସାମିଲ ହେବାକୁ ଅନୁରୋଧ କରିଛନ୍ତି ଜୀ ସାର୍ଥକର ଚିଫ୍ ଚ୍ୟାନେଲ ଅଫିସର୍ ପ୍ରତୀକ ସିଲ୍ ।