IPL 2025 ରେ ରିଷଭ ପନ୍ତ କଲେ ଲଜ୍ଜାଜନକ ରେକର୍ଡ, ପଛରେ ରହିଗଲେ ଏହି ସବୁ ବ୍ୟାଟସମ୍ୟାନ

ରିଷଭ ପନ୍ତ: ରିଷଭ ପନ୍ତ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ମାତ୍ର ଚାରି ରନ୍ କରିପାରିଥିଲେ। ଏହା ଆଇପିଏଲ ୨୦୨୫ରେ ଷଷ୍ଠ ଥର ଘଟିଛି ଯେତେବେଳେ ପନ୍ତ ଏକ ଅଙ୍କ ସ୍କୋରରେ ଆଉଟ ହୋଇଛନ୍ତି। ଏହା ସହିତ ସେ ନିମ୍ନ ଲିଖିତ ବ୍ୟାଟସମ୍ୟାନଙ୍କୁ ପଛରେ ପକାଇ ଦେଇଛନ୍ତି।

ଅଭିଷେକ ଶର୍ମା: ସନରାଇଜର୍ସ ହାଇଦ୍ରାବାଦର ଅଭିଷେକ ଶର୍ମା ସାଧାରଣତଃ ନିଜର ଆକ୍ରମଣାତ୍ମକ ବ୍ୟାଟିଂ ପାଇଁ ଜଣାଶୁଣା। ସେ ଏହି ସିଜିନରେ ଏକ ଶତକ ମଧ୍ୟ ମାରିଛନ୍ତି। କିନ୍ତୁ ଏହା ସହିତ ସେ ପାଞ୍ଚଥର ସିଙ୍ଗଲ୍ ଡିଜିଟରେ ମଧ୍ୟ ଆଉଟ୍ ହୋଇଛନ୍ତି।

ଜ୍ୟାକ୍ ଫ୍ରେଜର ମ୍ୟାକଗର୍କ: ୨୦୨୪ ଆଇପିଏଲରେ ଚର୍ଚ୍ଚାକୁ ଆସିଥିବା ଜ୍ୟାକ ଫ୍ରେଜର ମ୍ୟାକଗର୍କଙ୍କ ପାଇଁ ଏହି ସିଜନ କିଛି ଠିକ୍ ଚାଲି ନାହିଁ। ଏହି ସିଜିନରେ ଜ୍ୟାକ ଫ୍ରେଜର ଏପର୍ଯ୍ୟନ୍ତ ପାଞ୍ଚ ଥର ସିଙ୍ଗଲ ଡିଜିଟ୍ ସ୍କୋରରେ ନିଜ ୱିକେଟ ହରାଇଛନ୍ତି।

ଇଶାନ କିଶାନ: ଇଶାନ କିଶନଙ୍କ କାହାଣୀ ମଧ୍ୟ ଭିନ୍ନ ନୁହେଁ। ଯଦିଓ ସେ ଏକ ଶତକ ମଧ୍ୟ ମାରିଛନ୍ତି କିନ୍ତୁ ତାଙ୍କ ବ୍ୟାଟ୍ ସେବେଠାରୁ ନୀରବ ରହିଛି। ଏହି ସିଜିନରେ କିଶାନ ପାଞ୍ଚଟି ଇନିଂସରେ ସିଙ୍ଗଲ ଡିଜିଟ୍ ସ୍କୋରରେ ନିଜ ୱିକେଟ ହରାଇଛନ୍ତି।

ଗ୍ଲେନ୍ ମ୍ୟାକ୍ସୱେଲ୍: ଯଦି କେହି ଏହି IPLର ସବୁଠାରୁ ବଡ଼ ଫ୍ଲପ୍ ଷ୍ଟାର ଅଛନ୍ତି ତେବେ ସେ ହେଉଛନ୍ତି ଗ୍ଲେନ୍ ମ୍ୟାକ୍ସୱେଲ୍। ଏହି ବିସ୍ଫୋରକ ଅଷ୍ଟ୍ରେଲିୟ ଅଲରାଉଣ୍ଡର ବ୍ୟାଟରେ କୌଣସି ପ୍ରଭାବ ପକାଇବାରେ ବିଫଳ ହୋଇଛନ୍ତି। ସେ ମଧ୍ୟ ପାଞ୍ଚଟି ଇନିଂସରେ ସିଙ୍ଗଲ ଡିଜିଟ୍ ସ୍କୋରରେ ଆଉଟ ହୋଇ ସାରିଲେଣି।