Air India Sale: ଟ୍ରେନ୍ ଟିକେଟ୍ ମୂଲ୍ୟରେ କରନ୍ତୁ ବିମାନ ଯାତ୍ରା, ମାତ୍ର ୧୧୯୯ ଟଙ୍କାରେ ବୁକ୍ କରନ୍ତୁ ଫ୍ଲାଇଟ୍ ଟିକେଟ୍

ଗ୍ରାହକମାନେ ଏହି ସେଲ୍ ଅଧୀନରେ ୨୫ ମଇ ୨୦୨୫ ରାତି ୧୧:୫୯ ପର୍ଯ୍ୟନ୍ତ ଟିକେଟ୍ ବୁକ୍ କରିପାରିବେ। ଯେଉଁଥିରେ ଶେଷ ୨୪ ଘଣ୍ଟା ବୁକିଂ ଏୟାର ଇଣ୍ଡିଆର ଅଫିସିଆଲ୍ ୱେବସାଇଟ୍ ଏବଂ ମୋବାଇଲ୍ ଆପ୍ ରେ ଉପଲବ୍ଧ। ଯାତ୍ରା ଅବଧି ୩୦ ସେପ୍ଟେମ୍ବର, ୨୦୨୫ ପର୍ଯ୍ୟନ୍ତ ଉତ୍ତର ଆମେରିକା, ୟୁରୋପ (ୟୁକେ ସମେତ) ଏବଂ ଅଷ୍ଟ୍ରେଲିଆକୁ କିଛି ଚୟନିତ ଆନ୍ତର୍ଜାତୀୟ ରୁଟ୍ ୧୦ ଡିସେମ୍ବର ୨୦୨୫ ପର୍ଯ୍ୟନ୍ତ ଉପଲବ୍ଧ।

ଏୟାର ଇଣ୍ଡିଆର ଅଫିସିଆଲ୍ ୱେବସାଇଟ୍ କିମ୍ବା ମୋବାଇଲ୍ ଆପ୍ ରୁ ସିଧାସଳଖ ବୁକିଂ କରୁଥିବା ଗ୍ରାହକମାନଙ୍କୁ କୌଣସି ବୁକିଂ ଶୁଳ୍କ ଦେବାକୁ ପଡ଼ିବ ନାହିଁ। ଏହା ସହିତ ଯଦି ଗ୍ରାହକମାନେ FLYAI ପ୍ରୋମୋ କୋଡ୍ ବ୍ୟବହାର କରନ୍ତି ତେବେ ସେମାନେ ପ୍ରତି ବ୍ୟକ୍ତି ପିଛା ୩୦୦୦ ଟଙ୍କା ପର୍ଯ୍ୟନ୍ତ ଅତିରିକ୍ତ ସଞ୍ଚୟ ପାଇପାରିବେ। ସେହିପରି UPI କିମ୍ବା ନେଟ୍ ବ୍ୟାଙ୍କିଂ ମାଧ୍ୟମରେ ପେମେଣ୍ଟ କରୁଥିବା ଗ୍ରାହକମାନେ ଯଥାକ୍ରମେ ୨୫୦୦ ଟଙ୍କା ପର୍ଯ୍ୟନ୍ତ ଅତିରିକ୍ତ ରିହାତି ପାଇବା ପାଇଁ UPIPROMO ଏବଂ NBPROMO କୋଡ୍ ବ୍ୟବହାର କରିପାରିବେ।

ଏୟାର ଇଣ୍ଡିଆ ପ୍ରିପେଡ୍ ବ୍ୟାଗେଜ ଉପରେ ୪୦% ପର୍ଯ୍ୟନ୍ତ ରିହାତି (ନନ୍-ଷ୍ଟପ୍ ଫ୍ଲାଇଟ୍ ପାଇଁ) ଏବଂ ପସନ୍ଦିତ ଏବଂ ଅତିରିକ୍ତ ଲେଗରୁମ୍ ସିଟ୍ ସମେତ ସିଟ୍ ଚୟନ ଉପରେ ୨୦% ପର୍ଯ୍ୟନ୍ତ ରିହାତି ପ୍ରଦାନ କରୁଛି। ଏଗୁଡ଼ିକ କେବଳ ଏୟାର ଇଣ୍ଡିଆର ୱେବସାଇଟ୍ ଏବଂ ଆପ୍ ମାଧ୍ୟମରେ ଉପଲବ୍ଧ।

ଏୟାର ଇଣ୍ଡିଆ HSBC ବ୍ୟାଙ୍କ ସହିତ ସହଭାଗୀତା ହୋଇଛି। ଯାହା ଅଧୀନରେ ରାଉଣ୍ଡ-ଟ୍ରିପ୍ ବୁକିଂରେ ୮,୦୦୦ ଟଙ୍କା ପର୍ଯ୍ୟନ୍ତ ତୁରନ୍ତ ସଞ୍ଚୟ ପ୍ରଦାନ କରାଯାଉଛି। ଏହା ସମସ୍ତ ବର୍ଗର ଇକୋନୋମି, ପ୍ରିମିୟମ୍ ଇକୋନୋମି, ବିଜନେସ୍ ଓ ଫାର୍ଷ୍ଟ କ୍ଲାସ୍ ଶ୍ରେଣୀରେ ପ୍ରଯୁଜ୍ୟ ହେବ। ଏହି ଅଫର କେବଳ ଏୟାରଲାଇନ୍ସର ଡିଜିଟାଲ୍ ପ୍ଲାଟଫର୍ମ ମାଧ୍ୟମରେ କରାଯାଇଥିବା ବୁକିଂ ଉପରେ ବୈଧ।

ଏହି ପ୍ରମୋସନାଲ୍ ସେଲ୍ ଅଧୀନରେ ଗ୍ରାହକମାନେ ଏୟାର ଇଣ୍ଡିଆ ୱେବସାଇଟ୍, ମୋବାଇଲ୍ ଆପ୍, ବିମାନବନ୍ଦର ଟିକେଟ୍ ଅଫିସ୍ (ATO), ଗ୍ରାହକ ଯୋଗାଯୋଗ କେନ୍ଦ୍ର, ଟ୍ରାଭେଲ୍ ଏଜେଣ୍ଟମାନଙ୍କ ମାଧ୍ୟମରେ ଟିକେଟ୍ ବୁକ୍ କରିପାରିବେ। ଏହି ବିକ୍ରୟ ପ୍ରଥମେ ଆସ, ପ୍ରଥମେ ପାଅ ଭିତ୍ତିରେ ପ୍ରଦାନ କରାଯାଉଛି। ଏକ୍ସେଚେଞ୍ଡ ରେଟ୍ ଓ ଆପ୍ଲିକେବଲ୍ ରେଟ୍ ଯୋଗୁଁ ସହର ମଧ୍ୟରେ ଭଡ଼ାରେ ସାମାନ୍ୟ ପାର୍ଥକ୍ୟ ରହିପାରେ।