કપિલ શર્માના રેસ્ટોરન્ટ પર આતંકવાદીએ કર્યુ ધુંઆધાર ફાયરિંગ, આ વાતથી ગુસ્સે હતો આરોપી

Kapil Sharma cafe Attack: કેનેડામાં કપિલ શર્માના કાફે પર ફાયરિંગ થઈ છે. આ ફાયરિંગમાં કોઈને ઈજા થઈ નથી. કપિલ શર્માએ કેનેડામાં એક નવું રેસ્ટોરન્ટ ખોલ્યું છે. કેનેડિયન પોલીસે હુમલાખોરોની શોધ શરૂ કરી છે. મળતી માહિતી અનુસાર આતંકવાદી હરજીત સિંહ લાડીએ હુમલાની જવાબદારી લીધી છે. હરજીત સિંહ લાડી NIAનો મોસ્ટ વોન્ટેડ આતંકવાદી છે અને ગુનાહિત પ્રવૃત્તિઓમાં સામેલ છે. આરોપી હરજીતનો દાવો છે કે, તે કપિલ શર્માની કેટલીક ટિપ્પણીઓથી ગુસ્સે હતો, જેના પછી તેણે આ પગલું ભર્યું.

World Famous comedian Kapil Sharma's newly inaugurated restaurant KAP'S CAFE shot at in Surrey, BC, Canada last night.
Harjit Singh Laddi, a BKI operative, NIA's (INDIA ) most wanted terrorist has claimed this shoot out citing some remarks by Kapil@SurreyPolice pic.twitter.com/p51zlxXbOf

— Ritesh Lakhi CA (@RiteshLakhiCA) July 10, 2025

હાલમાં જ થયું હતું ઓપનિંગ
ઉલ્લેખનીય છે કે, કપિલ શર્મા હાલમાં તેના નેટફ્લિક્સ શો 'ધ ગ્રેટ ઇન્ડિયન કપિલ શો' ની ત્રીજી સીઝનમાં વ્યસ્ત છે. આ સાથે કપિલ શર્માએ તાજેતરમાં કેનેડામાં એક કાફે ખોલ્યું હતું. કપિલ શર્માએ તેના સોફ્ટ લોન્ચમાં પણ હાજરી આપી હતી. તાજેતરમાં કપિલ શર્માની પત્ની ગિન્નીએ પણ કાફેનો એક વીડિયો શેર કર્યો હતો અને અહીં આવેલા લોકોનો આભાર માન્યો હતો. હવે એક કેનેડિયન આતંકવાદીએ કપિલના આ કાફે પર ફાયરિંગ કર્યું છે. હવે પોલીસે આ મામલાની તપાસ શરૂ કરી છે. આ ફાયરિંગનો એક વીડિયો પણ વાયરલ થઈ રહ્યો છે.

View this post on Instagram

A post shared by Kapil Sharma (@kapilsharma)

રેસ્ટોરન્ટ ખુલતાની સાથે જ મચ્યો હંગામો  
ઉલ્લેખનીય છે કે, કેનેડામાં રહેતો ખાલિસ્તાની આતંકવાદી હરમીત સિંહ કપિલ શર્માના કેટલાક નિવેદનોથી ગુસ્સે થયો હતો અને તેણે આ ફાયરિંગની જવાબદારી લીધી છે. તાજેતરમાં કપિલ શર્માએ આ કાફે ખોલ્યું છે અને તેની પત્ની ગિન્ની ચતરથ સાથે તેને ચલાવવાનું શરૂ કર્યું છે. તાજેતરમાં કપિલ શર્માની પત્ની ગિન્નીએ તેનો એક વીડિયો શેર કર્યો છે. જેમાં તેનો લક્ઝરી લુક સામે આવ્યો છે. આ રેસ્ટોરન્ટ પછી ફિલ્મ સ્ટાર્સે તેમને અભિનંદન પાઠવ્યા હતા. કિકુ શારદાએ પણ આ પોસ્ટ પર ટિપ્પણી કરી અને ગિન્નીને નવા કાફે માટે અભિનંદન પાઠવ્યા હતા.

કેનેડામાં છે કપિલના લાખો ફેન્સ
નોંધનીય છે કે, કપિલ શર્મા હવે ભારતની બહાર પણ સ્ટાર માનવામાં આવે છે. કપિલ શર્માના ભારત સહિત વિશ્વના ઘણા દેશોમાં ઘણા ફેન્સ છે. એટલું જ નહીં, કપિલ શર્માને ઘણીવાર આ દેશોમાં શો માટે આમંત્રિત કરવામાં આવે છે. કપિલ શર્માએ કેનેડામાં પણ ઘણા શો કર્યા છે. આ કારણે કપિલે અહીં પોતાનું રેસ્ટોરન્ટ ખોલ્યું હતું.