એક ભૂલ તમારા વિઝા અને ગ્રીન કાર્ડ કરાવી શકે છે રિજેક્ટ, અમેરિકામાં ગુજરાતી સહિત ભારતીયો માટે એલર્ટ

H-1B VISA: અમેરિકામાં પહેલેથી જ  વિઝાને લઈને ભારે હોબાળો ચાલી રહ્યો છે. યુનાઇટેડ સ્ટેટ્સ સિટિઝનશિપ એન્ડ ઇમિગ્રેશન સર્વિસે જાહેરાત કરી છે કે તેમણે નવા પ્રસ્તાવ હેઠળ વિઝા અરજદારોના સોશિયલ મીડિયા હેન્ડલ્સને સ્કેન કરવાનું શરૂ કર્યું છે. આનો અર્થ એ છે કે Instagram, Facebook, X, અથવા તો TikTok પોસ્ટ પણ તમારા વિઝા અને ગ્રીન કાર્ડની અરજીને રિજેક્ટ કરી શકે છે.

USCIS એ આ અઠવાડિયે એક નોટિસમાં જણાવ્યું હતું કે નવો નિયમ વિદેશી નાગરિકો, વિદેશી વિદ્યાર્થીઓ અને પેલેસ્ટિનિયન ઇસ્લામિક જેહાદ વિરોધીઓ સહિત કાયમી યુએસ નાગરિકતા માટે અરજી કરનારાઓને લાગુ પડશે. ગુરુવારે એક ફેડરલ ન્યાયાધીશે ટ્રમ્પ વહીવટીતંત્રને પગલાને લાગુ કરવા માટે લીલી ઝંડી આપી હતી. યુએસમાં રહેતા બિન-નાગરિકોએ પણ પોતાનું રજીસ્ટ્રેશન કરાવવું પડશે.

શુક્રવાર સુધીમાં કરાવવું પડશે રજિસ્ટ્રેશન 
તમને જણાવી દઈએ કે અમેરિકામાં રહેતા બિન-નાગરિકોને શુક્રવાર સુધીમાં રજીસ્ટ્રેશન કરાવવું પડશે. USCIS એ યુનાઇટેડ સ્ટેટ્સને પેલેસ્ટિનિયન વિરોધીઓ, વિદેશી આતંકવાદીઓ અને અન્ય રાષ્ટ્રીય સુરક્ષા અને જાહેર સુરક્ષાના જોખમોથી બચાવવા અંગેના યુએસ પ્રમુખ ડોનાલ્ડ ટ્રમ્પના કાર્યકારી આદેશોને ટાંક્યા છે. તેમણે એમ પણ કહ્યું કે ડિપાર્ટમેન્ટ ઓફ હોમલેન્ડ સિક્યુરિટી (DHS) શક્ય તેટલી મહત્તમ હદ સુધી તમામ ઇમિગ્રેશન કાયદાનો અમલ કરશે. તેમનો ઉદ્દેશ્ય માતૃભૂમિને ઉગ્રવાદીઓ અને આતંકવાદી એલિયન્સથી બચાવવાનો છે.

સોશિયલ મીડિયા પોસ્ટ બની ખતરાની ઘંટડી
યુએસ ઇમિગ્રેશન અધિકારીઓ માટે ઇન્સ્ટાગ્રામ, ફેસબુક, ટ્વિટર અને ટિકટોક પોસ્ટ્સ ખતરાની ઘંટડી જોવા મળતી નજરે પડી રહી છે. તેથી, USCIS એ કહ્યું છે કે જે યહૂદી વિરોધી આતંકવાદ, હિંસક યહહૂદી વિરોધી વિચારધારાઓ, હમાસ, ફિલિસ્તીની ઈસ્લામિક જિહાદ, હિજબુલ્લાહ અથવા હૌથિસ જેવા વિરોધી આતંકવાદી  સંગંઠનોનું સમર્થન કરનારી પોસ્ટો પર રેડ ફ્લેગ લગાવવામાં આવશે.

આતંકવાદ સમર્થકો માટે કોઈ સ્થાન નથી
તમને જણાવી દઈએ કે USCIS હવે સોશિયલ મીડિયા કન્ટેન્ટ નેગેટિવ માને છે. DHS આસિસ્ટન્ટ સેક્રેટરી ફોર પબ્લિક રિલેશન્સ ટ્રિસિયા મેકલોફલિને એક નિવેદનમાં કહ્યું કે દુનિયાભરના આતંકવાદી સહાનુભૂતિઓ માટે અમેરિકામાં કોઈ સ્થાન નથી અને અમે તેમને અહીં રાખવા યોગ્ય માનતા નથી.

તમને જણાવી દઈએ કે સેક્રેટરી નોઈમને એ ક્લિયર કરી દીધો છે કે કોઈ પણ વિચારે છે કે તે અમેરિકામાં આવી શકે છે અને યહૂદી વિરોધી હિંસા અને આતંકવાદની હિમાયત કરવા માટેના પ્રથમ સુધારાની પાછળ છુપાઈ શકે છે. આવું કરતા પહેલા તેણે 100 વાર વિચારવું પડશે. નહિંતર તમારે પરિણામોનો સામનો કરવો પડશે.