રામ નવમી પર કરો આ 5 ચીજોનું દાન, વધશે યશ-કીર્તિ અને માન-સમ્માન!

6 એપ્રિલે રામ નવમીનો તહેવાર ઉજવવામાં આવી રહ્યો છે. આ દિવસે ભગવાન રામની પૂજા કરવાથી જીવનના તમામ દુ:ખનો અંત આવે છે. એવું માનવામાં આવે છે કે રામ નવમીના દિવસે દાન કરવાથી અનેઅનેક ગણું ફળ મળે છે. તેનાથી ભગવાન રામ અને હનુમાનજીની કૃપા પ્રાપ્ત થાય છે.

ભગવાન શ્રી રામનો જન્મ ચૈત્ર માસના શુક્લ પક્ષની નવમીના દિવસે થયો હતો. આ કારણથી ભગવાન રામ અને સીતાની પૂજા કરવાથી ધન અને સમૃદ્ધિની પ્રાપ્તિ થાય છે. આ દિવસે કરવામાં આવેલ દાનનું ફળ આ જન્મમાં નહીં પરંતુ આગામી જન્મોમાં મળે છે. આવો જાણીએ આ દિવસે કઈ વસ્તુઓનું દાન કરવું જોઈએ.

અન્ન દાન
શાસ્ત્રોમાં કહેવાયું છે કે ‘અન્નમ હિ જીવનમ પ્રાણ’ એટલે ખોરાક એ જીવોનું જીવન છે. રામ નવમીના દિવસે અન્નનું દાન કરવાથી શાશ્વત પુણ્ય મળે છે. તેનાથી જીવનમાં ક્યારેય ગરીબી આવતી નથી.

ઘડા અને પાણીનું દાન
રામનવમીના દિવસે એક ઘડો અને પાણીનું દાન કરવું જોઈએ. આ દાન કરવાથી માનસિક શાંતિની પ્રાપ્તિ થાય છે. તેનાથી વ્યક્તિને દરેક પ્રકારના પાપોમાંથી મુક્તિ મળે છે.

કપડાં દાન
કોઈપણ વ્યક્તિ જે રામ નવમી પર વસ્ત્રોનું દાન કરે છે. તેમનું માન- સન્માન ક્યારેય ઘટતું નથી. વિશ્વમાં દરેક જગ્યાએ તેને આદર થાય છે.

દીવો દાન
રામનવમીના દિવસે ઘી, તેલ કે દીવો દાન કરવાથી જીવનમાંથી અંધકાર દૂર થાય છે. આવા વ્યક્તિના જીવનમાં ક્યારેય નિરાશા નથી આવતી.

ફળ, મધ, ગોળ, સાકરનું દાન
રામનવમીના દિવસે ફળ, મધ, ગોળ અને સાકરનું દાન કરવાથી રોગો મટે છે. તેનાથી વ્યક્તિ લાંબુ જીવે છે અને સુખ-સમૃદ્ધિ વધે છે.

અહીં આપેલી માહિતી ધાર્મિક ગ્રંથોની માન્યતાઓ પર આધારિત છે અને માત્ર માહિતી માટે આપવામાં આવી છે. ઝી ન્યૂઝ આની પુષ્ટિ કરતું નથી.