ખરેખર ઈજાગ્રસ્ત છે કે પછી આ વાતનો ડર...શુભમન સેના સામે કેપ્ટન બેન સ્ટોક્સે કેમ કરી પીછેહઠ ?

India vs England : ભારત અને ઇંગ્લેન્ડ વચ્ચેની ચોથી ટેસ્ટમાં ઇંગ્લેન્ડના કેપ્ટન બેન સ્ટોક્સે શુભમનની સેનાને ઓલઆઉટ કરવા માટે 'સામ દામ દંડ ભેદ' ની બધી યુક્તિઓનો ઉપયોગ કર્યો, પરંતુ કેએલ રાહુલ, શુભમન અને પછી રવિન્દ્ર જાડેજા અને વોશિંગ્ટન સુંદરે કમાલ કર્યો અને મેચ ડ્રો કરી. છેલ્લા સત્રમાં સ્ટોક્સ સમજી ગયો કે હવે તેની ટીમ ભારતને ઓલઆઉટ કરી શકશે નહીં, તેથી તેણે પાર્ટ-ટાઇમ બોલરોનો ઉપયોગ કરવાનું શરૂ કર્યું. બેન સ્ટોક્સે રવિન્દ્ર જાડેજા અને વોશિંગ્ટન સુંદરને સદી ફટકારતા રોકવા માટે ઘણી યુક્તિઓ રમી, પરંતુ તે સફળ થયો નહીં. હવે તે ઓવલ ખાતેની છેલ્લી ટેસ્ટ પહેલા પ્લેઇંગ-11માંથી બહાર થઈ ગયો છે.

ઇંગ્લેન્ડે પ્લેઇંગ-11માંથી બહાર થવાનું કોઈ ચોક્કસ કારણ આપ્યું નથી

સ્ટાક્સના બહાર થવાનું કોઈ ચોક્કસ કારણ આપવામાં આવ્યું નથી. ઈંગ્લેન્ડે ઈજાનો ખુલાસો કરવાનો ઇનકાર કર્યો હતો, પરંતુ મીડિયાએ દાવો કર્યો હતો કે સ્ટોક્સના ખભાના સ્નાયુમાં ગ્રેડ-3 સ્ટ્રેઇન છે અને તેને સ્વસ્થ થવામાં ઓછામાં ઓછા છ અઠવાડિયા લાગશે. તે હાલમાં બીજી કોઈ ક્રિકેટ રમવાનો નથી અને તેને વિશ્વાસ છે કે તે 21 નવેમ્બરે ઓસ્ટ્રેલિયામાં ઈંગ્લેન્ડની પહેલી એશિઝ ટેસ્ટ પહેલા સંપૂર્ણપણે સ્વસ્થ થઈ જશે. હવે પ્રશ્ન અહીંથી શરૂ થાય છે, શું તે ખરેખર ઈજાગ્રસ્ત છે? આ પ્રશ્ન એટલા માટે છે કારણ કે ઈંગ્લેન્ડે કારણ આપ્યું નથી. જ્યારે કોઈપણ સામાન્ય ખેલાડીને પ્લેઇંગ-11માંથી બહાર રાખવામાં આવે છે ત્યારે બોર્ડ નિવેદન આપે છે, પરંતુ અહીં કેપ્ટનને બહાર થયો હતો, પરંતુ કારણ આપવામાં આવ્યું નહોતું.

માન્ચેસ્ટર ટેસ્ટના છેલ્લા દિવસે 140 કિલોમીટર પ્રતિ કલાકની ઝડપે બોલિંગ કરી 

બીજું એક મોટું કારણ છે જે બેન સ્ટોક્સની પીછેહઠ તરફ ઈશારો કરી રહ્યું છે. સ્ટોક્સે માન્ચેસ્ટર ટેસ્ટના છેલ્લા દિવસે 11 ઓવર ફેંકી હતી. આ સમય દરમિયાન, તેના બોલની ગતિ ઘણી વખત 140 કિલોમીટર પ્રતિ કલાકથી વધુ હતી. જોકે, બોલિંગ કરતી વખતે તે વારંવાર તેના ખભાને પકડી રહ્યો હતો અને બાદમાં તેણે કહ્યું કે બાયસેપ્સ ટેન્ડનની ઈજાથી પીડાતા હોવા છતાં, તેને 5મી ટેસ્ટ મેચમાંથી બહાર થવાની શક્યતા ખૂબ જ ઓછી છે.

બેન સ્ટોક્સ ફ્રસ્ટ્રેશન કારણે ઓવલ ટેસ્ટમાંથી બહાર થયો ?

તેની ગેરહાજરી ઇંગ્લેન્ડ અને સ્ટોક્સ માટે વ્યક્તિગત રીતે મોટો ફટકો છે, કારણ કે તે આ શ્રેણીમાં 17 વિકેટ સાથે સૌથી વધુ વિકેટ લેનાર બોલર છે. તેણે માન્ચેસ્ટરમાં બે વર્ષમાં પોતાની પહેલી ટેસ્ટ સદી ફટકારી હતી. છેલ્લી બે ટેસ્ટ મેચમાં તેને પ્લેયર ઓફ ધ મેચ જાહેર કરવામાં આવ્યો હતો. ઓવલનો કિસ્સો માન્ચેસ્ટરથી થોડો અલગ છે. અહીંની પિચ સ્પિન ફ્રેન્ડલી છે અને ભારત પાસે અહીં જીતવાની તક છે. ઇંગ્લેન્ડ અહીં છેલ્લી 5 મેચમાંથી 3 મેચ પણ હારી ગયું છે. માન્ચેસ્ટર ટેસ્ટના છેલ્લા સત્રમાં પણ તે હતાશ જોવા મળ્યો હતો. બેન સ્ટોક્સે અગાઉ માનસિક થાકને કારણે ક્રિકેટમાંથી વિરામ લીધો હતો. શક્ય છે કે આ વિરામ ઈજા નહીં, પરંતુ ફ્રસ્ટ્રેશનનું પરિણામ હોય, જે ભારતીય ટેઇલ-એન્ડ બેટ્સમેનોએ આપ્યું હતું.

જોફ્રા આર્ચરનું પ્લેઇંગ-11માંથી બહાર થવું પણ સમજણની બહાર

બેન સ્ટોક્સની બહાર થવા પાછળ ઈજા હજુ પણ કારણ હોઈ શકે છે, પરંતુ જોફ્રા આર્ચરનું બહાર થવું સમજણની બહાર છે. આર્ચર એ બોલર છે જેના પર ઇંગ્લેન્ડ ગર્વ કરે છે. તે તેની બોડી લાઇન લેન્થ અને ઘાતક યોર્કર માટે પણ ફેમસ છે. પરંતુ, માન્ચેસ્ટરમાં તે પણ બીજી ઇનિંગમાં ભારતીય બેટ્સમેનો સામે કંઈ ખાસ કરી શક્યો નહીં. શક્ય છે કે તેને ભારતને આઉટ ન કરી શકવા બદલ સજા મળી હોય. બહાનું વર્કલોડ મેનેજમેન્ટ હોઈ શકે છે, આ માટે ઇંગ્લેન્ડને કોઈ રોકી શકતું નથી, પરંતુ તેમાં કોઈ શંકા નથી કે ભારતીય ટીમના યુવા ખેલાડીઓએ બ્રિટિશરોનો મૂડ બગાડ્યો છે. સારું, આજથી છેલ્લી ટેસ્ટ શરૂ થઈ રહી છે, તો ચાલો જોઈએ કે ઓવલમાં શું થાય છે.