Russia-India-China (RIC): ଏକ ସଙ୍ଗେ ଆସିଲେ ଭାରତ-ଚୀନ-ଋଷ, ଗଢା ହେବ RIC

Russia-India-China (RIC)ନୂଆଦିଲ୍ଲୀ: ଭାରତର ବୈଦେଶିକ ମନ୍ତ୍ରୀ ଜୟଶଙ୍କର କିଛି ଦିନ ପୂର୍ବରୁ ଚୀନ ଗସ୍ତ କରିଥିଲେ। ଏହି ସମୟରେ ସେ ସାଂଘାଇ ସହଯୋଗ ସଂଗଠନ (SCO)ର ବୈଦେଶିକ ମନ୍ତ୍ରୀମାନଙ୍କ ଏକ ବୈଠକ କରିଥିଲେ। ତା’ପରେ ଜୟଶଙ୍କର ଚୀନର ବୈଦେଶିକ ମନ୍ତ୍ରୀ ୱାଙ୍ଗ ୟି ଏବଂ ରୁଷର ବୈଦେଶିକ ମନ୍ତ୍ରୀ ସେରଗେଇ ଲାଭରୋଭଙ୍କୁ ଭେଟିଥିଲେ। ସେବେଠାରୁ ଚୀନର ଆଭିମୁଖ୍ୟ କିଛିଟା ନରମ ହୋଇଛି। ସମ୍ପ୍ରତି, ରୁଷର ଉପ ବୈଦେଶିକ ମନ୍ତ୍ରୀ ଆଣ୍ଡ୍ରେ ରୁଡେଙ୍କୋ କହିଛନ୍ତି ଯେ ଆମେ RIC ଫର୍ମାଟକୁ ପୁନଃସ୍ଥାପିତ କରିବା ସପକ୍ଷରେ ଅଛୁ। ସେ କହିଛନ୍ତି ଯେ ଆମେ ଏହି ମାମଲାରେ ଭାରତ ଏବଂ ଚୀନ୍ ସହିତ ମଧ୍ୟ କଥାବାର୍ତ୍ତା କରୁଛୁ। RIC ସକ୍ରିୟ ଥିବା ପରି ମନେ ହେଉଛି। ଆମେ ସେହି ସ୍ତରକୁ ଯିବୁ ଯେଉଁଠାରେ ତିନି ଦେଶ ମଧ୍ୟରେ ବୈଠକ ହୋଇପାରିବ।

ଚୀନ ଦେଖାଇଲା ସକାରାତ୍ମକ ମନୋଭାବନ
ଗୁରୁବାର ଦିନ ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଲିନ୍ ଜିଆନ୍ କହିଛନ୍ତି ଯେ RIC ତିନୋଟି ଦେଶ ପାଇଁ ଲାଭଦାୟକ। ଏହା ବ୍ୟତୀତ, ଏହି ତିନୋଟି ଦେଶ ବିଶ୍ୱରେ ଶାନ୍ତି, ସୁରକ୍ଷା, ସ୍ଥିରତା ଏବଂ ପ୍ରଗତି ବଜାୟ ରଖିବାରେ ମଧ୍ୟ ସାହାଯ୍ୟ କରିପାରିବେ। ଏହି ସହଯୋଗକୁ ଆଗକୁ ନେବା ପାଇଁ ଚୀନ୍ ରୁଷ ଏବଂ ଭାରତ ସହିତ କଥାବାର୍ତ୍ତା କରିବାକୁ ପ୍ରସ୍ତୁତ।

କଣ ଏଇଟା RIC ଭାଗିଦାରୀ
ରୁଷ-ଭାରତ-ଚୀନ୍ (RIC)ର ଏହି ସହଭାଗୀତା ୧୯୯୦ ଦଶକରେ ଆରମ୍ଭ ହୋଇଥିଲା। ଏହାକୁ ତତ୍କାଳୀନ ରୁଷ ପ୍ରଧାନମନ୍ତ୍ରୀ ୟେଭଗେନି ପ୍ରାଇମାକୋଭ ଆରମ୍ଭ କରିଥିଲେ। ଏହି ତ୍ରିପାକ୍ଷିକ ଫୋରମର ଲକ୍ଷ୍ୟ ଥିଲା ପ୍ରମୁଖ ଅଣ-ପାଶ୍ଚାତ୍ୟ ଶକ୍ତି ମଧ୍ୟରେ ସହଯୋଗକୁ ପ୍ରୋତ୍ସାହିତ କରି ଏକ ବହୁଧ୍ରୁବୀୟ ବିଶ୍ୱ ବ୍ୟବସ୍ଥାକୁ ସୁଦୃଢ଼ କରିବା। କିନ୍ତୁ, କରୋନା ଏବଂ ଆତଙ୍କବାଦୀ କାର୍ଯ୍ୟକଳାପ ଯୋଗୁଁ ଏହି ଫୋରମ ନିଷ୍କ୍ରିୟ ରହିଲା। ପ୍ରାୟ 10 ବର୍ଷ ଧରି ଏହି ସହଭାଗୀର କୌଣସି ଗୁରୁତ୍ୱପୂର୍ଣ୍ଣ ବୈଠକ ହୋଇନାହିଁ।

ଭାରତ ମଧ୍ୟ ଦେଖାଇଲା ସକାରାତ୍ମକ 
RIC ଉପରେ ରୁଷର ଆବେଦନ ଏବଂ ଚୀନର ସମର୍ଥନ ପରେ, ଭାରତ ମଧ୍ୟ ଏକ ସକାରାତ୍ମକ ମତ ରଖିଛି। ଚୀନର ସମ୍ମତି ପରେ, ଭାରତୀୟ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଗୁରୁବାର କହିଛନ୍ତି ଯେ ଏହି ସହଭାଗୀତା ତିନୋଟି ଦେଶ ମଧ୍ୟରେ ଆଞ୍ଚଳିକ ଏବଂ ବିଶ୍ୱସ୍ତରୀୟ ପ୍ରସଙ୍ଗ ଉପରେ ଆଲୋଚନା କରିବା ପାଇଁ କାମ କରିବ। ଜୟସୱାଲ RIC ବୈଠକ ବିଷୟରେ କହିଛନ୍ତି ଯେ ତିନି ଦେଶର ସମ୍ମତିରେ ବୈଠକ କାର୍ଯ୍ୟକ୍ରମ ସ୍ଥିର କରାଯିବ।