Karun Nair 200: ଇଂଲିଶ ଖେଳାଳିଙ୍କ ନିଦ ହଜାଇଲେ କରୁଣ ନାୟର! ୨୫ ଚୌକା ଏବଂ ୧ ଛକା ମାରି ହାସଲ କଲେ ଦ୍ୱିଶତକ

England Lions vs India A: ୮ ବର୍ଷ ପରେ ଭାରତୀୟ ଟେଷ୍ଟ ଦଳରେ ସ୍ଥାନ ପାଇଥିବା ଟିମ୍ ଇଣ୍ଡିଆର ମଧ୍ୟମ କ୍ରମ ବ୍ୟାଟ୍ସମ୍ୟାନ୍ କରୁଣ ନାୟାର ଇଂଲଣ୍ଡ ଲାୟନ୍ସ ବିପକ୍ଷରେ ଦ୍ୱିଶତକ ହାସଲ କରିଛନ୍ତି। ଏହି ସମୟରେ ସେ ନିଜ ଇନିଂସରେ ୨୫ ଚୌକା ଓ ୧ ଛକା ମାରିଥିଲେ।

Karun Nair 200: ୮ ବର୍ଷ ପରେ ଭାରତୀୟ ଟେଷ୍ଟ ଦଳରେ ସ୍ଥାନ ପାଇଥିବା ଟିମ୍ ଇଣ୍ଡିଆର ମଧ୍ୟମ କ୍ରମ ବ୍ୟାଟ୍ସମ୍ୟାନ୍ କରୁଣ ନାୟାର ଇଂଲଣ୍ଡ ଲାୟନ୍ସ ବିପକ୍ଷରେ ଦ୍ୱିଶତକ ହାସଲ କରିଛନ୍ତି। ଏହି ସମୟରେ ସେ ନିଜ ଇନିଂସରେ ୨୫ ଚୌକା ଓ ୧ ଛକା ମାରିଥିଲେ। ନାୟାରଙ୍କୁ ଇଂଲଣ୍ଡ ବିପକ୍ଷରେ ୫ ଟେଷ୍ଟ ମ୍ୟାଚ୍ ସିରିଜ୍ ପାଇଁ ଭାରତୀୟ ଦଳରେ ମଧ୍ୟ ସାମିଲ କରାଯାଇଛି। ତାଙ୍କ ସହିତ ଧ୍ରୁବ ଜୁରେଲ୍ ମଧ୍ୟ ଟେଷ୍ଟ ଦଳରେ ସ୍ଥାନ ପାଇବାରେ ସଫଳ ହୋଇଛନ୍ତି। ଜୁରେଲ୍ ମଧ୍ୟ ୯୪ ରନର ଏକ ଇନିଂସ ଖେଳିଥିଲେ।

କହିରଖୁଛୁ ଯେ କରୁଣ ନାୟାରଙ୍କୁ ୨୦୧୬ରେ ଭାରତୀୟ ଦଳରୁ ବାହାର କରାଯାଇଥିଲା। ସେହି ବର୍ଷ ସେ ଇଂଲଣ୍ଡ ବିପକ୍ଷରେ ତ୍ରିଶତକ ମାରିଥିଲେ। ୧୯୯୧ ଡିସେମ୍ବର ୬ ତାରିଖରେ ରାଜସ୍ଥାନର ଯୋଧପୁରରେ ଜନ୍ମଗ୍ରହଣ କରିଥିବା ନାୟାର ଟେଷ୍ଟ କ୍ରିକେଟରେ କେବଳ ୬ଟି ମ୍ୟାଚ୍ ଖେଳିଥିଲେ କିନ୍ତୁ ତାଙ୍କର ଗୋଟିଏ ଇନିଂସ ତାଙ୍କୁ ଇତିହାସର ପୃଷ୍ଠାରେ ଅମର କରିଦେଇଥିଲା।

Karun Nair double century moment vs England Lions.

- He's making his statement and grabbing opportunity with both hands. @karun126
- England suits Karun Nair. pic.twitter.com/fvlfcEfB9E

— Inside out (@INSIDDE_OUT) May 31, 2025

ଏହା ତାଙ୍କର ଟେଷ୍ଟ ପରିସଂଖ୍ୟାନ ଏବଂ ସେହି ଐତିହାସିକ ଇନିଂସର କାହାଣୀ ଯାହା ତାଙ୍କୁ ବୀରେନ୍ଦ୍ର ସେହୱାଗଙ୍କ ପରେ ଭାରତର ଦ୍ୱିତୀୟ ତ୍ରିଶତକୀୟ ଇନିଂସ ମାରିବାର ଖେଳାଳି କରିଥିଲା। ନାୟାର ୨୦୧୬ରେ ଇଂଲଣ୍ଡ ବିପକ୍ଷରେ ନିଜର ଟେଷ୍ଟ କ୍ୟାରିୟର ଆରମ୍ଭ କରିଥିଲେ। ମୋଟ ୬ଟି ଟେଷ୍ଟ ମ୍ୟାଚ୍ ଖେଳି ସେ ୬୨.୩୩ ର ପ୍ରଭାବଶାଳୀ ହାରରେ ୩୭୪ ରନ୍ କରିଥିଲେ। ତାଙ୍କର ସବୁଠାରୁ ସ୍ମରଣୀୟ ଇନିଂସ ୧୯ ଡିସେମ୍ବର ୨୦୧୬ରେ ଚେନ୍ନାଇର ଏମଏ ଚିଦାମ୍ବରମ ଷ୍ଟାଡିୟମରେ ହୋଇଥିଲା। ଯେତେବେଳେ ସେ ଇଂଲଣ୍ଡ ବିପକ୍ଷରେ ଅପରାଜିତ ୩୦୩ ରନ୍ କରିଥିଲେ।

ଇଂଲଣ୍ଡ ଲାୟନ୍ସ ବିପକ୍ଷରେ ପ୍ରଥମ ଦିନରେ ଭାରତ ଏ ଏକ ଦୃଢ଼ ସ୍ଥିତିରେ ପହଞ୍ଚିଛି। ଦ୍ୱିତୀୟ ଦିନର ଆରମ୍ଭ ମଧ୍ୟ ଭଲ ଥିଲା। ଯଦିଓ ସରଫରାଜ ଖାନ ୯୨ ରନ କରି ଆଉଟ ହୋଇଥିଲେ ଏବଂ ଧ୍ରୁବ ଜୁରେଲ ୯୪ ରନ କରି ଆଉଟ ହୋଇଥିଲେ ଏବଂ ସେମାନଙ୍କର ଶତକରୁ ବଞ୍ଚିତ ହୋଇଥିଲେ। ଖବର ଲେଖିବା ପ୍ରଯ୍ୟନ୍ତ ଇଣ୍ଡିଆ ଏ ୧୧୯ ଓଭର ପରେ ୫୩୩ ରନ କରିଛି ଓ ୭ ୱିକେଟ ହରାଇଛି।