Champions Trophy Points Table: ବର୍ଷା ଯୋଗୁଁ ବାତିଲ୍ ହେଲା ଦକ୍ଷିଣ ଆଫ୍ରିକା-ଅଷ୍ଟ୍ରେଲିଆ ମ୍ୟାଚ୍, ରୋମାଞ୍ଚକ ହେଲା ସେମିଫାଇନାଲ୍ ସମୀକରଣ

Champions Trophy 2025 Points Table: ଦକ୍ଷିଣ ଆଫ୍ରିକା ବନାମ ଅଷ୍ଟ୍ରେଲିଆ ମ୍ୟାଚ୍ ବର୍ଷା ହେବା ପରେ ଗ୍ରୁପ୍ ବିର ସେମିଫାଇନାଲ ଲଢ଼େଇ ଆକର୍ଷଣୀୟ ହୋଇଯାଇଛି। ଉଭୟ ଦଳ ନିଜ ଖାତାରେ ଗୋଟିଏ ଲେଖାଏଁ ପଏଣ୍ଟ ଯୋଡ଼ିଛନ୍ତି ଏବଂ ଟେମ୍ବା ବାଭୁମାଙ୍କ ନେତୃତ୍ୱାଧୀନ ଦଳ ତିନି ପଏଣ୍ଟ ଏବଂ +୨.୧୪୦ ନେଟ୍ ରନ୍ ରେଟ୍ ସହିତ ଶୀର୍ଷରେ ପହଞ୍ଚିଛି। ଯେତେବେଳେ କି ଅଷ୍ଟ୍ରେଲିଆ ତିନି ପଏଣ୍ଟ ଏବଂ +୦.୪୭୫ ନେଟ୍ ରନ୍ ରେଟ୍ ସହିତ ଦ୍ୱିତୀୟ ସ୍ଥାନରେ ଅଛି।

Champions Trophy Points Table: ଦକ୍ଷିଣ ଆଫ୍ରିକା ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ଚାମ୍ପିଅନ୍ସ ଟ୍ରଫିର ସପ୍ତମ ମ୍ୟାଚ୍ ବର୍ଷା ଯୋଗୁଁ ବାତିଲ ହୋଇଯାଇଛି। ଏହି ମ୍ୟାଚ୍ ରାୱଲପିଣ୍ଡିରେ ହେବାର ଥିଲା କିନ୍ତୁ ସକାଳ ଠାରୁ ବର୍ଷା ବାଧା ସୃଷ୍ଟି କରିଥିଲା। ଏହି କାରଣରୁ ଟସ୍ ବିନା ଏହି ମ୍ୟାଚ୍ ବାତିଲ କରାଯାଇଥିଲା। ଅମ୍ପାୟାରମାନେ ଆଶା କରିଥିଲେ ଯେ ଯଦି ବର୍ଷା ବନ୍ଦ ହୁଏ ତେବେ ଭାରତୀୟ ସମୟ ରାତି ୮ଟାରୁ ଏକ ୨୦-୨୦ ଓଭରର ମ୍ୟାଚ୍ ଖେଳାଯାଇପାରିବ କିନ୍ତୁ ବର୍ଷା କମି ନଥିଲା ଏବଂ ମ୍ୟାଚ୍ ବାତିଲ କରାଯାଇଥିଲା। ତେବେ ଜାଣନ୍ତୁ ଗ୍ରୁପ୍ B ସମୀକରଣ...

ଦକ୍ଷିଣ ଆଫ୍ରିକା ବନାମ ଅଷ୍ଟ୍ରେଲିଆ ମ୍ୟାଚ୍ ବର୍ଷା ହେବା ପରେ ଗ୍ରୁପ୍ ବିର ସେମିଫାଇନାଲ ଲଢ଼େଇ ଆକର୍ଷଣୀୟ ହୋଇଛି। ଉଭୟ ଦଳ ନିଜ ଖାତାରେ ଗୋଟିଏ ଲେଖାଏଁ ପଏଣ୍ଟ ଯୋଡ଼ିଛନ୍ତି ଏବଂ ଟେମ୍ବା ବାଭୁମାଙ୍କ ନେତୃତ୍ୱାଧୀନ ଦଳ ତିନି ପଏଣ୍ଟ ଏବଂ +୨.୧୪୦ ନେଟ୍ ରନ୍ ରେଟ୍ ସହିତ ଶୀର୍ଷରେ ପହଞ୍ଚିଛି। ଯେତେବେଳେ କି ଅଷ୍ଟ୍ରେଲିଆ ତିନି ପଏଣ୍ଟ ଏବଂ +୦.୪୭୫ ନେଟ୍ ରନ୍ ରେଟ୍ ସହିତ ଦ୍ୱିତୀୟ ସ୍ଥାନରେ ଅଛି। ଏବେ ଇଂଲଣ୍ଡ ଏବଂ ଆଫଗାନିସ୍ତାନ ମଧ୍ୟରେ ଅଷ୍ଟମ ମ୍ୟାଚ୍ ଖେଳାଯିବାକୁ ଅଛି ଯେଉଁଥିରେ ପରାଜିତ ଦଳର ଚାମ୍ଫିଆନ୍ସ ଟ୍ରଫି ଯାତ୍ରା ଶେଷ ହୋଇଯିବ।

ବୁଧବାର ବାଦ୍ ପଡିବ ଗୋଟିଏ ଦଳ

ଇଂଲଣ୍ଡ -୦.୪୭୫ ନେଟ୍ ରନ୍ ରେଟ୍ ସହିତ ତୃତୀୟ ସ୍ଥାନରେ ଥିବା ବେଳେ ଆଫଗାନିସ୍ତାନ -୨.୧୪୦ ନେଟ୍ ରନ୍ ରେଟ୍ ସହିତ ଚତୁର୍ଥ ସ୍ଥାନରେ ଅଛି। ଉଭୟ ଦଳ ସେମାନଙ୍କର ପୂର୍ବ ମ୍ୟାଚ୍ ଯଥାକ୍ରମେ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକାଠାରୁ ପରାସ୍ତ ହୋଇଥିଲେ। ଗ୍ରୁପ୍ A ରୁ ନ୍ୟୁଜିଲାଣ୍ଡ ଏବଂ ଭାରତ ପୂର୍ବରୁ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିସାରିଛନ୍ତି। ଇତିମଧ୍ୟରେ ଆୟୋଜକ ପାକିସ୍ତାନ ଏବଂ ବାଂଲାଦେଶ ଟୁର୍ଣ୍ଣାମେଣ୍ଟରୁ ବାଦ ପଡ଼ିଛନ୍ତି। ଏପରି ପରିସ୍ଥିତିରେ ବୁଧବାର ଦିନ ଗ୍ରୁପ୍ ବି ମ୍ୟାଚ୍‌ରେ ହାରିଥିବା ଦଳ ଏହି ଟୁର୍ଣ୍ଣାମେଣ୍ଟରୁ ବାଦ ପଡ଼ିବା ତୃତୀୟ ଦଳ ହେବ।