500 Rupees Note Ban: સપ્ટેમ્બર 2025 થી ₹500ની નોટ બંધ થઈ જશે, ATM માંથી નોટો ઉપાડી શકાશે નહીં? જાણો
500 Rupees Note Ban: હાલ લોકો એક મેસેજને વાયરલ કરી રહ્યા છે અને લોકોના ફોનમાં આ મેસેજ આવતા જ લોકો ગભરાઈ રહ્યા છે. લોકો આ મેસેજનું સત્ય જાણવા માટે પ્રયત્ન કરી રહ્યા છે, ત્યારે એવો દાવો કરાવવામાં આવી રહ્યો છે, સપ્ટેમ્બર મહિનાથી 500 રૂપિયાની નોટ બેન થઈ જશે, શું હવે ATMમાંથી આ નોટો નિકળવાનું બંધ થઈ જશે?
Trending Photos
- 12
- 6
- 6
- 6
)
500 Rupees Note Ban: વોટ્સએપ અને સોશિયલ મીડિયા પર એક મેસેજ વધુને વધુ વાયરલ થઈ રહ્યો છે, જેના કારણે સામાન્ય લોકોમાં મૂંઝવણ અને ગભરાટ ફેલાયો છે. આ મેસેજમાં દાવો કરવામાં આવ્યો છે કે RBI એ બેંકોને સપ્ટેમ્બર 2025 સુધીમાં ATM માંથી 500 રૂપિયાની નોટો ઉપાડવાનું બંધ કરવા કહ્યું છે અને બધી બેંકોને ધીમે ધીમે ATM માંથી તેને દૂર કરવાની સૂચના આપવામાં આવી છે.
એટલું જ નહીં, એવી પણ સલાહ આપવામાં આવી છે કે લોકોએ તેમની પાસે રહેલી 500 રૂપિયાની નોટો ખર્ચ કરવી જોઈએ અથવા બદલવી જોઈએ, કારણ કે તે પછીથી અમાન્ય થઈ જશે. ચાલો જાણીએ આ મેસેજની વાસ્તવિકતા શું છે?
વાયરલ મેસેજનો પર્દાફાશ
ભારત સરકારના સત્તાવાર ફેક્ટ ચેક યુનિટ, PIB ફેક્ટ ચેકે આ વાયરલ દાવાને સંપૂર્ણપણે ખોટો અને ભ્રામક ગણાવ્યો છે. PIB એ સોશિયલ મીડિયા પોસ્ટ દ્વારા સ્પષ્ટતા કરી છે કે RBI એ આવો કોઈ આદેશ આપ્યો નથી, અને 500 રૂપિયાની નોટો સંપૂર્ણપણે માન્ય અને ચલણમાં છે.
PIB એ લોકોને અપીલ કરી છે કે આવી અફવાઓ પર વિશ્વાસ ન કરો અને કોઈપણ માહિતી ફોરવર્ડ કરતા પહેલા તેની સત્યતા તપાસો, ખાસ કરીને જ્યારે મામલો પૈસા અથવા સરકારી નીતિ સાથે સંબંધિત હોય ત્યારે.
Has RBI really asked banks to stop disbursing ₹500 notes from ATMs by September 2025? 🤔
A message falsely claiming exactly this is spreading on #WhatsApp #PIBFactCheck
✅ No such instruction has been issued by the @RBI.
✅ ₹500 notes will continue to be legal tender.
— PIB Fact Check (@PIBFactCheck) July 12, 2025
તો અફવાનું મૂળ શું છે?
નિષ્ણાતો માને છે કે આ અફવા RBIના એક જૂના પરિપત્રથી શરૂ થઈ હતી, જેમાં બેંકો અને વ્હાઇટ લેબલ ATM ઓપરેટરોને એપ્રિલ 2025 માં નાની નોટો (100 રૂપિયા અને 200 રૂપિયા)ની ઉપલબ્ધતા વધારવાનું સૂચન કરવામાં આવ્યું હતું. આ પરિપત્રનો હેતુ એ હતો કે ગ્રાહકો સરળતાથી ATM માંથી નાની નોટો મેળવી શકે. જો કે, કેટલાક લોકોએ આ પરિપત્ર ખોટા સંદર્ભમાં રજૂ કર્યો અને અફવા ફેલાવી કે 500 રૂપિયાની નોટો બંધ કરવામાં આવી રહી છે, જ્યારે સત્ય આ નથી.
શું ભવિષ્યમાં 500 રૂપિયાની નોટ બંધ થઈ શકે છે?
હાલમાં એવા કોઈ સંકેત નથી કે RBI 500 રૂપિયાની નોટ બંધ કરવાની યોજના બનાવી રહી છે. જો ભવિષ્યમાં આવું કોઈ મોટું પગલું લેવામાં આવે છે, તો સરકાર તેના વિશે સત્તાવાર જાહેરાત કરશે, જેમ કે નોટબંધી દરમિયાન અગાઉ કરવામાં આવ્યું હતું. જ્યાં સુધી કોઈ પુષ્ટિ ન થાય ત્યાં સુધી 500 રૂપિયાની નોટ સંપૂર્ણપણે સલામત અને માન્ય છે. તમે કોઈપણ ચિંતા વિના તેનો ઉપયોગ કરી શકો છો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
