તે વ્યક્તિ જેના પર દાવ લગાવી બેઠો છે 'સિકંદર' સલમાન ખાન, 24 વર્ષમાં બનાવી 14 ફિલ્મો, માત્ર 2 ફ્લોપ બાકી બધી બ્લોકબસ્ટર

Film News: સિકંદર દ્વારા દોઢ વર્ષ બાદ સલમાન ખાન બોક્સ ઓફિસ પર પરત ફરશે. અભિનેતા છેલ્લા ટાઇગર 3માં જોવા મળ્યો હતો અને આ ફિલ્મ ખાસ કમાલ કરી શકી નહીં. તેવામાં સલમાન ખાન માટે ઈદ 2025 ખાસ છે. હવે તે જોવાનું રહેશે કે સિકંદર બોક્સ ઓફિસ પર સુપરહિટ થાય છે કે નહીં.

સિકંદરની ચર્ચા એટલે થઈ રહી છે કારણ કે તેની પાછળ એક ખાસ વ્યક્તિ છે. જેના દમ પર સલમાન ખાને દાવ લગાવ્યો છે. આ કોઈ નહીં પરંતુ સાઉથના બ્લોકબસ્ટર મશીન ડાયરેક્ટર એઆર મુરૂગાદોસ છે, જેણે સલમાન ખાનની ફિલ્મ ડાયરેક્ટ કરી છે. ગજનીથી લઈને હોલીડે જેવી ફિલ્મોથી તે પહેલા બોક્સ ઓફિસ પર સફળતા હાસિલ કરી ચૂક્યા છે.

સલમાન ખાને કોના પર વિશ્વાસ વ્યક્ત કર્યો
હવે સિકંદર પહેલા તેના ડાયરેક્ટર એઆર મુરૂગાદોસ વિશે જાણી લો. આખરે કેમ તેનો સાઉથથી લઈને બોલીવુડમાં સિક્કો ચાલે છે. જેના પર સલમાન ખાન પણ વિશ્વાસ રાખે છે. એઆર મુરૂગાદોસનો જન્મ 25 સપ્ટેમ્બર 1974ના થયો હતો. તે મૂળ રૂપથી તમિલ સિનેમામાં કામ કરે છે. તેમને એક્શન ફિલ્મો માટે ઓળખવામાં આવે છે. સાથે મારફાડવાળી ફિલ્મોમાં સોશિયલ ઈશ્યુ પણ ઉઠાવે છે. તેવામાં દર્શકો તેમની કહાની સાથે જોડાઈ શકે છે.

View this post on Instagram

A post shared by Salman Khan (@beingsalmankhan)

મોટા ખેલાડી છે એઆર મુરુગાદોસ
એઆર મુરુગાદોસની વધુ એક ખાસિયત છે. તે ગણતરીની ફિલ્મો કરે છે પરંતુ કામ જોરદાર કરે છે. તેની 24 વર્ષના કરિયરમાં માત્ર 14 ફિલ્મો આવી છે, પરંતુ મોટા ભાગની બ્લોકબસ્ટર રહી છે, માત્ર બે ફિલ્મો ફ્લોપ રહી છે. આવો તેમની ફિલ્મો વિશે જાણીએ.... (નીચે આપેલા આંકડા IMDb પ્રમાણે છે)

ફિલ્મ	વર્ષ	સ્ટારકાસ્ટ	બોક્સ ઓફિસમાં પ્રદર્શન
Dheena	2001	અજીત કુમાર, લયલા	બ્લોકબસ્ટર
Ramana	2002	વિજયકાંત, સિમરન	બ્લોકબસ્ટર
Ghajini (તમિલ)	2005	સૂર્યા, અસિન	બ્લોકબસ્ટર
Stalin	2006	ચિરંજીવી, ત્રિશા	સુપર હિટ
Ghajini (હિંદી)	2008	આમિર ખાન, અસિન	બ્લોકબસ્ટર
7aum Arivu	2011	સૂર્યા, શ્રુતિ હાસન	સુપર હિટ
Thuppakki	2012	વિજય, કાજલ અગ્રવાલ	મેગા બ્લોકબસ્ટર
Holiday	2014	અક્ષય કુમાર, સોનાક્ષી સિંહા	બ્લોકબસ્ટર
Kaththi	2014	વિજય, સમન્તા	બ્લોકબસ્ટર
Akira	2016	સોનાક્ષી સિંહા, અનુરાગ કશ્યપ	ફ્લોપ
Spyder	2017	મહેશ બાબુ, રકુલ પ્રીત સિંહ	ફ્લોપ
Sarkar	2018	વિજય, કીર્તિ સુરેશ	સુપર હિટ
Darbar	2020	રજનીકાંત, નયનતારા	હિટ

14મી અને 15મી ફિલ્મ
આ 13 ફિલ્મો બાદ એઆર મુરૂગાદોસની 14મી ફિલ્મ સિકંદર છે અને 15મી ફિલ્મ મધરાસી છે, જે પાઇપલાઇનમાં છે. તો સિકંદર 30 માર્ચ 2025ના રિલીઝ થઈ રહી છે. હવે જોવાનું રહેશે કે તે સલમાન ખાન સાથે મળી કેવો કમાલ કરે છે.