Mahila Samriddhi Scheme Delhi : 8 માર્ચે મહિલાઓના ખાતામાં આવશે 2500 રૂપિયા...મહિલા દિવસ નિમિત્તે ભાજપ સરકાર આપી શકે છે મોટી ભેટ

Mahila Samriddhi Yojana Launch on Women's day in Delhi : આંતરરાષ્ટ્રીય મહિલા દિવસના અવસર પર ભાજપ સરકાર મહિલાઓને મોટી ભેટ આપી શકે છે. દિલ્હીની ભાજપ સરકારે કહ્યું છે કે મુખ્યમંત્રી રેખા ગુપ્તા 8 માર્ચે આંતરરાષ્ટ્રીય મહિલા દિવસના અવસર પર મહિલાઓના ખાતામાં 2500 રૂપિયા મોકલવાની યોજના શરૂ કરી શકે છે.

ભાજપે ચૂંટણી પહેલા જ વચન આપ્યું હતું કે દિલ્હીની જરૂરિયાતમંદ મહિલાઓના ખાતામાં 2500 રૂપિયા મોકલવા માટે મહિલા સમૃદ્ધિ યોજના શરૂ કરવામાં આવશે. એવું માનવામાં આવી રહ્યું છે કે આ યોજના મહિલા સન્માન યોજના જેવી જ હશે. જો કે હજુ સુધી એ સ્પષ્ટ નથી થયું કે આ માટે અરજીની પ્રક્રિયા શું હશે અને કેવી રીતે અરજી કરી શકાશે. 

દિલ્હી સરકાર ડાયરેક્ટ બેનિફિટ ટ્રાન્સફર (DBT) દ્વારા સહાયની રકમ સીધી લાભાર્થીઓના બેંક ખાતામાં મોકલવાની યોજના બનાવી રહી છે. 8 માર્ચે રાષ્ટ્રીય રાજધાનીના છત્રસાલ સ્ટેડિયમ ખાતે યોજાનાર કાર્યક્રમ દરમિયાન કેટલાક પાત્ર લાભાર્થીઓને નાણાકીય સહાય મળી શકે છે.

કઈ મહિલાઓને મળશે લાભ ?

દિલ્હીની કઈ મહિલાઓને દર મહિને 2500 રૂપિયાનો લાભ મળશે તે અંગે દિલ્હીની ભાજપ સરકારે હજુ સુધી કોઈ માહિતી આપી નથી. જો કે એવો અંદાજ છે કે આ યોજનાના લાભાર્થીઓ પણ દિલ્હીની અન્ય યોજનાઓની જેમ જ હશે. આવી સ્થિતિમાં સરકારી નોકરીમાં કામ કરતી મહિલાઓ, આવકવેરો ભરતી મહિલાઓ અથવા દિલ્હીની અન્ય કોઈ યોજનાનો લાભ લેતી મહિલાઓને દર મહિને 2500 રૂપિયાનો લાભ નહીં મળે.

ઈ-ડિસ્ટ્રીક્ટ રજીસ્ટ્રેશન શા માટે જરૂરી ?

દિલ્હીમાં પહેલેથી જ ચાલી રહેલી ઘણી યોજનાઓ અને સેવાઓ માટે તમારે ફક્ત ઇ-ડિસ્ટ્રિક્ટ પોર્ટલ દ્વારા જ અરજી કરવાની રહેશે. પરંતુ તમે ત્યારે જ અરજી કરી શકો છો જ્યારે તમારી પાસે ઈ-ડિસ્ટ્રિક્ટ પોર્ટલ પર નોંધણી માટે યુઝર આઈડી અને પાસવર્ડ હોય. તમે યુઝર આઈડી અને પાસવર્ડ દ્વારા જ લોગીન કરી શકશો. આ પછી જ દિલ્હી સરકારના તમામ વિભાગોની યોજનાઓ અને સેવાઓ માટે અરજી કરવાનો વિકલ્પ ખુલશે.