Gold Rate Today: Silver ના ભાવમાં થયો ઘટાડો, અમદાવાદ-રાજકોટમાં 10 ગ્રામ સોનાનો શું છે ભાવ? તોલાનો લેટેસ્ટ રેટ જાણો

ગ્લોબલ બજારોમાં વધતી અસ્થિરતા અને અમેરિકી રાષ્ટ્રપતિ ડોનાલ્ડ ટ્રમ્પના ટેરિફ નિર્ણયો વચ્ચે સોનું અને ચાંદી મજબૂત જોવા મળી રહ્યા છે. ભારતીય બજારમાં મલ્ટી કોમોડિટી એક્સચેન્જ (MCX) અને શરાફા બજારમાં આજે સોનું વધારા સાથે જોવા મળ્યું છે. વાયદા બજારમાં સોનું આજે 34 રૂપિયા ઉછળીને 86,218 રૂપિયા પ્રતિ 10 ગ્રામ પર પહોંચી ગયું જ્યારે ચાંદી 311 રૂપિયા ઉછળીને 95,400 રૂપિયા પ્રતિ કિલો પર ટ્રેડ થઈ રહી છે. 

શરાફા બજારમાં આજે ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 96 રૂપિયા ઉછળીને 86,496 રૂપિયાના સ્તરે પહોંચ્યુ છે જે કાલે 86,400 રૂપિયા પર ક્લોઝ થયું હતું. જ્યારે ચાંદીમાં 390 રૂપિયાનો ઘટાડો જોવા મળ્યો છે અને આજે 95,725 રૂપિયા પ્રતિ કિલોગ્રામના સ્તરે પહોંચી છે જે કાલે 96,115 રૂપિયા પર ક્લોઝ થઈ હતી. 

#Gold and #Silver Opening #Rates for 25/02/2025

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzctug

Follow us on Instagram : https://t.co/ZOr2uGknFc

Follow us on Facebook : https://t.co/9tJn5720rk… pic.twitter.com/JaIJWuOqB1

— IBJA (@IBJA1919) February 25, 2025

રિટેલ ભાવ પર ફેરવો નજર
અલગ અલગ કેરેટ પ્રમાણે સોનાના પ્રતિ ગ્રામ ભાવ જાણો. 

#indicative #Retail Selling #Rates for #Jewellery
To get these rates on your phone give a missed call on - 8955664433

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzctug

Follow us on Instagram :… pic.twitter.com/baI2KlIFRu

— IBJA (@IBJA1919) February 25, 2025

સોનાએ બનાવ્યો નવો રેકોર્ડ
અમેરિકામાં સ્પોટ ગોલ્ડે એક નવું શિખર સ્પર્શ કર્યું છે. અને તે $2,955 પ્રતિ ઔંસ પાર પહોંચી ગયું છે. આ વર્ષે 11મી વખત એવું બન્યું છે કે સોનાએ હાઈ સ્પર્શ કર્યું છે. આ વધારા પાછળ મુખ્ય કારણોમાં આર્થિક અનિશ્ચિતતાઓ, મોંઘવારી વધવાની આશંકા અને ગ્લોબલ માર્કેટમાં સોનાની માંગમાં વધારો સામેલ છે. આ ઉપરાંત દુનિયાના સૌથી મોટા ગોલ્ડ એક્સચેન્જ-ટ્રેડેડ ફંડ (ETF) SPDR ગોલ્ડ ટ્રસ્ટમાં હોલ્ડિંગ 18 મહિનાના ઉચ્ચ સ્તરે પહોંચી ગઈ છે. આ વર્ષની શરૂઆતથી અત્યાર સુધીમાં સોનાના ભાવમાં 12% નો ઉછાળો જોવા મળ્યો છે. જે રોકાણકારોની વધતી ડિમાન્ડને દર્શાવે છે. 

ટ્રમ્પના ટેરિફની અસર
અમેરિકાના રાષ્ટ્રપતિ ડોનાલ્ડ ટ્રમ્પે સ્પષ્ટ કરી દીધુ છે કે આગામી મહિનાથી મેક્સિકો અને કેનેડાથી આવતા સામાન પર 25 ટકા ટેરિફ લાગશે. તેમણે કહ્યું કે ટેરિફ નક્કી સમય પર જ લાગૂ થશે અને તેમાં કોઈ પણ પ્રકારનો વિલંબ નહીં થાય. ટ્ર્મ્પના આ નિર્ણયથી આંતરરાષ્ટ્રીય બજારોમાં ચિંતા વધી ગઈ છે. કારણ કે તેનાથી અમેરિકામાં મોંઘવારી વધી શકે છે અને ગ્લોબલ સપ્લાય ચેન પ્રભાવિત થઈ શકે છે. 

ટેરિફ વોરના કારણે રોકાણકારોમાં અનિશ્ચિતતા જોવા મળી રહી છે. આ કારણે રોકાણકારો સુરક્ષિત ગણાતા ગોલ્ડ તરફ આકર્ષાઈ રહ્યા છે. વિશ્લેષકોનું માનવું છે કે જો ટેરિફ વોર વધશે તો સોનાના ભાવ આવનારા સમયમાં વધુ ચડી શકે છે. 

Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)