ન બાળકોની ચિંતા, ન ઘરની જવાબદારી, સામે આવ્યો લગ્નનો અનોખો ટ્રેન્ડ, તમે પણ જાણો

નવી દિલ્હીઃ જાપાની યુવાઓ વચ્ચે ફ્રેન્ડશિપ મેરેજનો ટ્રેન્ડ ચર્ચામાં છે. નવી પેઢીના બાળકોએ ઘરની જવાબદારીઓમાંથી બચવા માટે પરંપરાગત લગ્ન છોડી ફ્રેન્ડશિપ મેરેજનો કોન્સેપ્ટ કાઢ્યો ચે. રિપોર્ટ અનુસાર 2015 બાદથી આશરે 500 લોકોએ ફ્રેન્ડશિપ લગ્ન કર્યાં છે. તેમાં પતિ-પત્નીનો સંબંધ બીજા લગ્ન કરતા અલગ હોય છે. આ લગ્ન જીવનસાથી જે એકબીજાના સુખ-દુખમાં સાથે રહેવા માટે બાધ્ય હોય છે, તેનાથી અલગ દોસ્તી પર આધારિત હોય છે. તમે પણ જાણો શું છે લગ્નનો આ નવો ટ્રેન્ડ.....

ફ્રેન્ડશિપ મેરેજ શું છે?
ફ્રેન્ડશિપ મેરેજમાં કપલ કાયદાકીય રીતે પરિણીત હોય છે. પરંતુ તેની વચ્ચે કોઈ પ્રકારનું ઇમોશનલ કે ફિઝિકલ અટેચમેન્ટ હોતું નથી. આ કપલ આપસી સન્માન, મૂલ્યો, ખર્ચ, ભાવનાત્મક સમર્થન અને સ્થિરતા આધારિત જીવન સાથે પસાર કરવાનો નિર્ણય કરે છે. કપલ બાળક પેદા કરવાનો વિકલ્પ પસંદ કરી શકે છે અને ન પણ કરી શકે. સરળ ભાષામાં આ લગ્નમાં પતિ-પત્ની જીવનસાથી નહીં પરંતુ એકમાત્ર રૂમમેટ હોય છે.

આ પણ વાંચોઃ Husband and Wife Age Difference: પતિ-પત્ની ઉંમરમાં કેટલો હોવો જોઈએ તફાવત ?

આ લોકોને ખૂબ પસંદ આવી રહ્યો છે ટ્રેન્ડ
30 વર્ષ પાર કરી ચૂકેલા લોકોમાં આ ટ્રેન્ડ ખૂબ પસંદ કરવામાં આવી રહ્યો છે. આ સિવાય તે લોકો જે રોમેન્ટિક કે યૌન આકર્ષણનો અનુભવ કરતા નથી, જેમાં અલૈંગિક અને એલજીબીટીક્યૂ+ લોકો સામેલ છે. મોંઘવારી અને નોકરીની ઈનસિક્યોરિટી પણ ફ્રેન્ડશિપ મેરેજ ફેમસ થવા માટે અન્ય કારણ દર્શાવવામાં આવે છે.

ફ્રેન્ડશિપ મેરેજની ખાસિયત
સાથે રહેવું કે અલગ રહેવું તે નક્કી કરવામાં સરળતા, દત્તક લેવા, પરંપરાગત લગ્નની મર્યાદાઓની બહાર સહાયક ભાગીદારી અને લગ્ન પહેલાં ભવિષ્યના પાસાઓની ચર્ચા કરવા માટે પૂરતો સમય જેવા માધ્યમો દ્વારા બાળકો પેદા કરવાનો વિકલ્પ.