રાજસ્થાન રોયલ્સની કેપ્ટનશીપ માટે આ 3 ખેલાડીઓ છે દાવેદાર, સંજુ સેમસનની છીનવી શકે છે જગ્યા

Rajasthan Royals Next Captain : સંજુ સેમસનની કેપ્ટનશીપ હેઠળ રાજસ્થાન રોયલ્સ IPL 2022માં ફાઇનલમાં પહોંચી હતી. IPL 2022ની ફાઇનલમાં રાજસ્થાન રોયલ્સનો ગુજરાત ટાઇટન્સ સામે પરાજય થયો હતો. જો કે, IPL 2025 સીઝન સંજુ સેમસન માટે વધુ પડકારજનક સાબિત થઈ. સંજુ સેમસન સાઈડ સ્ટ્રેનને કારણે IPL 2025ની પાંચ મેચ રમી શક્યો નહોતા. ત્યારબાદ સંજુ સેમસનની જગ્યાએ રિયાન પરાગને કેપ્ટન બનાવવામાં આવ્યો હતો. IPL 2025માં રાજસ્થાન રોયલ્સ ટીમ ચાર જીત સાથે નવમા સ્થાને રહી. જો સંજુ સેમસન IPL 2026 પહેલા રાજસ્થાન રોયલ્સ છોડી દે છે, તો 3 ખેલાડીઓ આગામી કેપ્ટન બનવાના દાવેદાર હશે.

રિયાન પરાગ

રિયાન પરાગને ઘરેલુ ક્રિકેટમાં તેની સ્ટેટ ટીમ આસામની કેપ્ટનશીપ કરવાનો અનુભવ છે. જ્યારે સંજુ સેમસન સાઈડ સ્ટ્રેનને કારણે IPL 2025માં પાંચ મેચ રમી શક્યો નહોતો, ત્યારે રિયાન પરાગે રાજસ્થાન રોયલ્સનું નેતૃત્વ સંભાળ્યું. રિયાન પરાગને રાજસ્થાન રોયલ્સનો આગામી કેપ્ટન બનવાનો સૌથી મોટો દાવેદાર માનવામાં આવે છે. રિયાન પરાગે 83 IPL મેચોમાં 141.85ના સ્ટ્રાઈક રેટથી 1566 રન બનાવ્યા છે, જેમાં 111 ચોગ્ગા અને 87 છગ્ગાનો સમાવેશ થાય છે. રિયાન પરાગે IPLમાં 7 અડધી સદી ફટકારી છે. રિયાન પરાગનો IPLમાં શ્રેષ્ઠ સ્કોર 95 રન છે. રિયાન પરાગે IPLમાં 7 વિકેટ પણ લીધી છે.

યશસ્વી જયસ્વાલ

ટીમ ઈન્ડિયાનો ધાકડ ઓપનર યશસ્વી જયસ્વાલ પણ રાજસ્થાન રોયલ્સના આગામી કેપ્ટન બનવા માટે એક મજબૂત દાવેદાર છે. યશસ્વી જયસ્વાલ એક આશાસ્પદ પ્રતિભાશાળી ખેલાડી છે અને રાજસ્થાન રોયલ્સે કેટલાક સમયથી તેના પર વિશ્વાસ દર્શાવ્યો છે. યશસ્વી જયસ્વાલે 66 IPL મેચોમાં 152.86ના સ્ટ્રાઇક રેટથી 2166 રન બનાવ્યા છે, જેમાં 258 ચોગ્ગા અને 92 છગ્ગાનો સમાવેશ થાય છે. યશસ્વી જયસ્વાલે IPLમાં 2 સદી અને 15 અડધી સદી ફટકારી છે. યશસ્વી જયસ્વાલનો IPLમાં શ્રેષ્ઠ સ્કોર 124 રન છે.

ધ્રુવ જુરેલ

વિકેટકીપર બેટ્સમેન ધ્રુવ જુરેલ પણ રાજસ્થાન રોયલ્સનો આગામી કેપ્ટન બનવા માટે એક મજબૂત દાવેદાર છે. ધ્રુવ જુરેલને આગામી દુલીપ ટ્રોફી 2025-26 માટે સેન્ટ્રલ ઝોન ટીમનો કેપ્ટન બનાવવામાં આવ્યો છે. ધ્રુવ જુરેલને પહેલીવાર સિનિયર ક્રિકેટમાં આ મોટી જવાબદારી મળી છે. ધ્રુવ જુરેલ રાજસ્થાન રોયલ્સ માટે એક ઉત્તમ કેપ્ટન સાબિત થઈ શકે છે. ધ્રુવ જુરેલની IPL કારકિર્દી પણ અત્યાર સુધી અદ્ભુત રહી છે. ધ્રુવ જુરેલે અત્યાર સુધી 41 IPL મેચોમાં 4 અડધી સદી સાથે 680 રન બનાવ્યા છે. ધ્રુવ જુરેલનો IPLમાં શ્રેષ્ઠ સ્કોર 70 રન છે. ધ્રુવ જુરેલે અત્યાર સુધી IPL કારકિર્દીમાં વિકેટકીપિંગ કરતી વખતે 19 કેચ પકડ્યા છે.