હીરો સ્પ્લેન્ડરથી લઈને પેશન સુધી, હીરોની બધી સસ્તી બાઇક થઈ મોંઘી, જાણો શું છે નવી કિંમતો?

Hero Bikes Price Hike: હીરો મોટોકોર્પે તેની બાઇકની કિંમતોમાં વધારો કર્યો છે. આ બ્રાન્ડની મોટરસાઇકલ ઓછી કિંમતે સારી માઇલેજ આપવા માટે જાણીતી છે. પરંતુ હવે હીરોએ તેની બાઇક્સને લેટેસ્ટ એમિશન ધોરણો અનુસાર અપડેટ કરી છે. આ અપડેટ સાથે, સ્પ્લેન્ડર પ્લસ, પેશન પ્લસ અને ગ્લેમરની કિંમતમાં વધારો થયો છે.

સ્પ્લેન્ડર પ્લસની કિંમતમાં વધારો

હીરો સ્પ્લેન્ડર પ્લસ દેશમાં સૌથી વધુ વેચાતી મોટરસાઇકલ છે. હીરોએ આ બાઇકની કિંમતમાં 1,750 રૂપિયાનો વધારો કર્યો છે. અગાઉ આ બાઇકની એક્સ-શોરૂમ કિંમત 77,176 રૂપિયાથી શરૂ થતી હતી. હવે આ મોટરસાઇકલની એક્સ-શોરૂમ કિંમત 78,926 રૂપિયાથી શરૂ થાય છે.

પેશન પ્લસ પણ મોંઘુ થયું

નવા અપડેટ સાથે હીરો પેશન પ્લસની કિંમતમાં પણ 1,750 રૂપિયાનો વધારો થયો છે. આ બાઇક OBD 2B એમિશન નોમ્સ અનુસાર તૈયાર કરવામાં આવી છે. આ હીરો મોટરસાઇકલની એક્સ-શોરૂમ કિંમત પહેલા 79,901 રૂપિયા હતી. હવે આ બાઇકની એક્સ-શોરૂમ કિંમત 81,651 રૂપિયાથી શરૂ થાય છે.

સુપર સ્પ્લેન્ડર એક્સટેકની નવી કિંમત

હીરો સુપર સ્પ્લેન્ડર એક્સટેક પણ નવા એમિશન નોમ્સ સાથે બજારમાં લોન્ચ કરવામાં આવી છે. આ બાઇકની કિંમતમાં 2,000 રૂપિયાનો વધારો થયો છે. અપડેટ પહેલા, આ હીરો બાઇકની એક્સ-શોરૂમ કિંમત 86,128 રૂપિયાથી શરૂ થતી હતી. હવે આ મોટરસાઇકલની કિંમતમાં બે હજાર રૂપિયાનો વધારો કર્યા પછી, શરૂઆતની કિંમત 88,128 રૂપિયા થઈ ગઈ છે.

હીરો ગ્લેમરની કિંમતમાં પણ વધારો થયો છે

સુપર સ્પ્લેન્ડર એક્સટેકની જેમ, હીરો ગ્લેમરની કિંમતમાં પણ 2,000 રૂપિયાનો વધારો થયો છે. હીરોએ પહેલાથી જ 100 સીસી એન્જિન સાથે પેશન પ્લસ અને સ્પ્લેન્ડર પ્લસને અપડેટ કરી દીધા છે. આ પછી, આ અપડેટ 125 સીસી બાઇક હીરો ગ્લેમરમાં પણ જોવા મળ્યું છે. અગાઉ, ગ્લેમરની એક્સ-શોરૂમ કિંમત 84,698 રૂપિયાથી શરૂ થતી હતી. હવે આ મોટરસાઇકલની એક્સ-શોરૂમ કિંમત 86,698 રૂપિયાથી શરૂ થાય છે.