પરમાણું બોમ્બ નહીં આ છે દુનિયાનું સૌથી ખતરનાક હથિયાર, મચાવી શકે છે ભયાનક તબાહી; માત્ર 7 દેશો પાસે છે આ શસ્ત્ર

Worlds Most Dangerous Bomb: દુનિયાનું સૌથી ખતરનાક હથિયાર કયું છે? આ પ્રશ્નના જવાબમાં મોટાભાગના લોકો કહેશે કે, પરમાણુ બોમ્બ. કારણ કે આ શક્તિશાળી બોમ્બથી થયેલો વિનાશ દુનિયાએ 80 વર્ષ પહેલાં જોયો છે. જો કે, તે સમયે અમેરિકાએ હિરોશિમા અને નાગાસાકી પર પરમાણુ બોમ્બ ફેંક્યા હતા. પરંતુ કદાચ તમને ખબર નહીં હોય કે પરમાણુ હથિયાર સૌથી ઘાતક નથી, દુનિયામાં એવા હથિયાર છે જે તેમના કરતા ઘણા વધુ ખતરનાક છે, ચાલો તેમના વિશે જાણીએ.

દુનિયાનો સૌથી ખતરનાક બોમ્બ
દુનિયાનો સૌથી ખતરનાક અને ઘાતક હથિયાર પરમાણુ બોમ્બ નહીં પણ હાઇડ્રોજન બોમ્બ છે. આ બોમ્બ કોઈપણ પરમાણુ બોમ્બ કરતા 1000 ગણો વધુ શક્તિશાળી છે. 6 ઓગસ્ટના રોજ જ્યારે જાપાન પર પરમાણુ બોમ્બ ફેંકવામાં આવ્યો ત્યારે લગભગ 1,40,000 લોકો માર્યા ગયા હતા અને 70 શહેરો નાશ પામ્યા હતા. હવે તમે પોતે જ કલ્પના કરી શકો છો કે હાઇડ્રોજન બોમ્બના વિસ્ફોટથી કેટલી તબાહી મચી શકે છે. એટલે કે, જો કોઈ નાનો દેશ હોય, તો તે આ હાઇડ્રોજન બોમ્બના વિનાશથી સંપૂર્ણપણે નાશ પામી શકે છે.

કેવી રીતે કામ કરે છે આ બોમ્બ?
હાઈડ્રોજન બોમ્બ સૂર્યના કેન્દ્રમાં જે થાય છે તે જ રીતે કામ કરે છે. તે શ્રેણીબદ્ધ રીતે એટલે સતત વિસ્ફોટો કરીને ભયાનક ઊર્જા રિલીઝ કરીને સહન કરવાની સીમાથી વધુ ગરમી ઉત્પન્ન કરે છે. હાઇડ્રોજન બોમ્બનો ત્રણ તબક્કામાં વિસ્ફોટ થાય છે. મીડિયા રિપોર્ટ્સ અને સાયન્સ જર્નલ્સ અનુસાર પહેલા બે તબક્કામાં 50 લાખ ડિગ્રી સેલ્સિયસ ગરમી ઉત્પન્ન થાય છે, જેના કારણે મુખ્ય રિએક્ટર વિસ્ફોટ થાય છે. જ્યારે તે વિસ્ફોટ થાય છે, ત્યારે એટલો પ્રકાશ ઉત્પન્ન થાય છે કે વ્યક્તિ અંધ થઈ શકે છે.

તાકાત અને અસર
તેની તાકાત સૂર્યપ્રકાશ જેટલી છે. દુનિયાના ફક્ત થોડા દેશો પાસે જ હાઇડ્રોજન બોમ્બ છે. આ દેશો અમેરિકા, બ્રિટન, ચીન, રશિયા, ભારત, પાકિસ્તાન અને ઇઝરાયલ છે.