ED ପୂର୍ବତନ ଅଧିକାରୀଙ୍କୁ ୩ ବର୍ଷ ଜେଲଦଣ୍ଡ, ଜରିମାନା ମଧ୍ୟ ଶୁଣାଇଲେ CBI କୋର୍ଟ

Former ED Officer Sentenced: କର୍ଣ୍ଣାଟକର ରାଜଧାନୀ ବେଙ୍ଗାଲୁରୁର ସିବିଆଇ କୋର୍ଟ ଜଣେ ପୂର୍ବତନ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଅଧିକାରୀଙ୍କୁ ୫ ଲକ୍ଷ ଟଙ୍କା ଲାଞ୍ଚ ନେବା ପାଇଁ ଦୋଷୀ ସାବ୍ୟସ୍ତ କରି ତିନି ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି। ଏହା ସହିତ କୋର୍ଟ ଅଭିଯୁକ୍ତ ପୂର୍ବତନ ଅଧିକାରୀଙ୍କୁ ୫.୫ ଲକ୍ଷ ଟଙ୍କା ଜରିମାନା ମଧ୍ୟ କରିଛନ୍ତି। ବେଙ୍ଗାଲୁରୁ ନିର୍ଦ୍ଦେଶାଳୟରେ କାର୍ଯ୍ୟରତ ତତ୍କାଳୀନ ED ପ୍ରବର୍ତ୍ତନ ଅଧିକାରୀ ଲଳିତ ବଜାଜଙ୍କୁ କୋର୍ଟ ଦୋଷୀ ସାବ୍ୟସ୍ତ କରି ଏହି ରାୟ ଶୁଣାଇଛନ୍ତି।

ଲଳିତ ବଜାଦ କେନ୍ଦ୍ରୀୟ ସାମଗ୍ରୀ ଏବଂ ସେବା ଟିକସ ଓ କେନ୍ଦ୍ରୀୟ ଉତ୍ପାଦ ଶୁଳ୍କ ବିଭାଗର ଜଣେ ଅଧିକାରୀ ଥିଲେ। ସେ ଚେନ୍ନାଇରେ ନିଯୁକ୍ତ ଥିଲେ ଏବଂ ଇଡିରେ ଡେପୁଟେସନରେ ଥିଲେ। ସିବିଆଇ ଏକ ବିଜ୍ଞପ୍ତିରେ କହିଛି ଯେ ତାଙ୍କୁ ଜଣେ ଅଭିଯୋଗକାରୀଙ୍କଠାରୁ ୫ ଲକ୍ଷ ଟଙ୍କା ବେଆଇନ ଲାଞ୍ଚ ଦାବି କରିବା ଓ ଗ୍ରହଣ କରିବା ପାଇଁ ଦୋଷୀ ସାବ୍ୟସ୍ତ କରାଯାଇଛି। ବଜାଦଙ୍କ ବିରୁଦ୍ଧରେ ଜଣେ ବ୍ୟବସାୟୀଙ୍କୁ ଆଇନଗତ ପ୍ରକ୍ରିୟାରେ ଫସାଇ ତାଙ୍କ ବ୍ୟବସାୟ ଏବଂ ପ୍ରତିଷ୍ଠାକୁ ବେଆଇନ କ୍ଷତି ପହଞ୍ଚାଇବା ପାଇଁ ଧମକ ଦେବା ଏବଂ ବଦଳରେ ୫ ଲକ୍ଷ ଟଙ୍କା ଲାଞ୍ଚ ଦାବି କରିବାର ଅଭିଯୋଗ ରହିଛି।

ଅଭିଯୋଗ ଆସିବା ପରେ ମାମଲାଟିକୁ ସିବିଆଇକୁ ହସ୍ତାନ୍ତର କରାଯାଇଥିଲା। ଯାହା ତଦନ୍ତରେ ବାଜାଦଙ୍କ ବିରୋଧରେ ଅଭିଯୋଗକୁ ସତ୍ୟ ବୋଲି ପାଇଥିଲା। ସିବିଆଇର ଜଣେ ମୁଖପାତ୍ର ଏକ ବୟାନରେ କହିଛନ୍ତି ଯେ ସ୍ୱତନ୍ତ୍ର କୋର୍ଟ ଏଜେନ୍ସିର ବେଙ୍ଗାଲୁରୁ ୟୁନିଟରେ ନିଯୁକ୍ତ ଅଧିକାରୀଙ୍କୁ ୫.୫ ଲକ୍ଷ ଟଙ୍କାର ଜରିମାନା ମଧ୍ୟ କରିଛନ୍ତି।