Post Office ની આ ધાંસૂ સ્કીમ... વ્યાજથી થશે ₹450000 ની કમાણી, માત્ર એકવાર લગાવો પૈસા

Investment Tips:  દરેક ઉંમર વર્ગના લોકો માટે પોસ્ટ ઓફિસ દ્વારા વિવિધ સેવિંગ સ્કીમ્સ (Post Office Saving Scheme) નું સંચાલન કરવામાં આવે છે. ખાસ વાત છે કે તેમાં રોકાણ પર જ્યાં જોરદાર રિટર્ન મળી રહ્યું છે, તો બીજીતરફ ઈન્વેસ્ટરોના પૈસાની સુરક્ષાની ગેરંટી ખુદ સરકાર આપે છે. આ સ્કીમમાં નાના રોકાણ પર પણ સારી કમાણી કરી શકાય છે. આવી એક ધાંસૂ યોજના છે પોસ્ટ ઓફિસ ટાઇમ ડિપોઝિટ સ્કીમ 
(Time Deposit Scheme) જેમાં રોકાણ કરી માત્ર વ્યાજથી 4 લાખ રૂપિયા કરતા વધુની કમાણી કરી શકાય છે, આવો જાણીએ કઈ રીતે.

પૈસા સુરક્ષિત અને શાનદાર રિટર્ન
ઘણીવાર લોકો તેમની કમાણીમાંથી કેટલાક પૈસા બચાવવા અને તેને એવી જગ્યાએ રોકાણ કરવાની યોજના બનાવે છે જ્યાં તેઓ તેમના પૈસા સુરક્ષિત રાખવાની સાથે સાથે સારું વળતર પણ મેળવી શકે. આ સંદર્ભમાં, જો આપણે લોકપ્રિય પોસ્ટ ઓફિસ ટાઈમ ડિપોઝિટ યોજના વિશે વાત કરીએ, તો તે મહાન વ્યાજ ઉપરાંત, તે ઘણા અન્ય મહાન લાભો પણ આપે છે. સરકાર 5 વર્ષ માટે તેમાં રોકાણ પર 7.5 ટકા વ્યાજ (PO TD વ્યાજ દર) આપે છે. યોજનાના નામ મુજબ, વ્યક્તિ તેમાં વિવિધ મુદત માટે રોકાણ કરી શકે છે અને રોકાણ પરનું વ્યાજ અલગ અલગ દરે મળે છે.

એક વર્ષ માટે રોકાણ પર 6.9 ટકા વ્યાજ
બે વર્ષ માટે રોકાણ પર 7 ટકા વ્યાજ
ત્રણ વર્ષ માટે રોકાણ પર 7.1 ટકા વ્યાજ
પાંચ વર્ષ માટે રોકાણ પર 7.5 ટકા વ્યાજ
યોજનામાં ઓછામાં ઓછા 1,000 રૂપિયાથી ખાતું ખોલી શકાય છે
વાર્ષિક ધોરણે રોકાણ પર વ્યાજના નાણાં ઉમેરવામાં આવે છે.

આ પણ વાંચોઃ ન નુકસાનનો ડર ન પૈસા ડૂબવાની ચિંતા, PPFમા ₹1 લાખ લગાવી બનાવી શકો છો 27 લાખ રૂપિયા

કઈ રીતે વ્યાજથી થશે 4.5 લાખની કમાણી?
પોસ્ટ ઓફિસ ટાઇમ ડિપોઝિટ સ્કીમને  Post Office Saving Schemes ના લિસ્ટમાં સામેલ સૌથી શાનદાર સરકારી યોજનામાંથી એક માનવામાં આવે છે, કારણ કે તેમાં શાનદાર વ્યાજ, ગેરેન્ટેડ આવકની સાથે ટેક્સ છૂટનો લાભ આપવામાં આવે છે. હવે તેમાં રોકાણ દ્વારા માત્ર વ્યાજથી 405 લાખ રૂપિયાની કમાણીની ગણતરી કરીએ, તો તમને સરળતાથી સમજાઈ જશે.

રોકાણનો સમયગાળો            5 વર્ષ
રોકાણની રકમ                      10 લાખ રૂપિયા
રોકાણ પર વ્યાજ                    7.5 ટકા (વાર્ષિક)
મેચ્યોરિટી પર મળનાર રિટર્ન        4,49,948 રૂપિયા
પાંચ વર્ષ બાદ કુલ ફંડ                14,49,948 રૂપિયા

તમે તમારા રોકાણને વધારી ઘટાડી શકો છો અને તે પ્રમાણે વ્યાજથી થનારી કમાણીમાં ફેરફાર થશે. જો કોઈ ઈન્વેસ્ટર તેમાં પાંચ વર્ષ માટે 5 લાખનું રોકાણ કરે છે તો તેને 2,24,974 રૂપિયાનું વ્યાજ મળશે અને તમને કુલ મેચ્યોરિટી અમાઉન્ટ 7,24,974 રૂપિયા મળશે. આ સ્કીમ એટલા માટે પોપુલર છે, કારણ કે તેમાં વ્યાજથી લાખોની કમાણી થાય છે.

Tax છૂટ, લોન જેવા ઘણા લાભ
Post Office Time Deposit સ્કીમમાં આવકવેરા એક્ટ 1961ની કલમ 80C હેઠળ ટેક્સ છૂટનો લાભ મળે છે. તો તેમાં કરેલા રોકાણ પર લોન લઈ શકાય છે, તે માટે નિયમ નક્કી કરવામાં આવ્યા છે. આ સાથે સ્કીમમાં સિંગલ કે જોઈન્ટ એકાઉન્ટ ખોલાવી શકાય છે. 10 વર્ષથી મોટી ઉંમરના બાળકનું એકાઉન્ટ તેના વાલીઓ ખોલાવી શકે છે.