MS યુનિવર્સિટીની 16 મેસમાંથી 14 બંધ, 4 હજારથી વધુ વિદ્યાર્થીઓને ભારે તકલીફ

વડોદરાઃ ગુજરાતની ખ્યાતનામ યુનિવર્સિટી...જ્યાં દેશભરમાંથી હજારો વિદ્યાર્થીઓ અભ્યાસ માટે આવે છે...પણ આ યુનિવર્સિટીમાં વિદ્યાર્થીઓ હેરાન પરેશાન છે....યુનિવર્સિટીની અણઆવડતને કારણે વિદ્યાર્થીઓના પૈસાનો અને સમયનો વેડફાટ થઈ રહ્યો છે...ત્યારે શું છે વિદ્યાર્થીઓની સમસ્યા?...જુઓ આ અહેવાલમાં....

વડોદરાની વિશ્વવિખ્યાત એમ.એસ. યુનિવર્સિટી, જ્યાં દેશભરમાંથી હજારો વિદ્યાર્થીઓ ઉચ્ચ શિક્ષણ મેળવવા આવે છે. પરંતુ આજે આ યુનિવર્સિટીના વિદ્યાર્થીઓ એક મોટી સમસ્યાનો સામનો કરી રહ્યા છે. યુનિવર્સિટીની 16 મેસમાંથી 14 બંધ પડી છે, જેના કારણે 4 હજારથી વધુ વિદ્યાર્થીઓને ભારે તકલીફનો સામનો કરવો પડી રહ્યો છે.

યુનિવર્સિટીની 16 મેસમાંથી 14 બંધ પડી છે
4 હજારથી વધુ વિદ્યાર્થીઓને ભારે તકલીફ

આ પણ વાંચોઃ Z 24 કલાકના પત્રકાર પર પનીર માફિયા દ્વારા હુમલાનો મામલો, ગૃહરાજ્યમંત્રીએ લીધી નોંધ

મેસ બંધ થવાથી વિદ્યાર્થીઓનો સમય અને પૈસા બંનેનો વેડફાટ થઈ રહ્યો છે. યુનિવર્સિટીના વહીવટી સંચાલનની નિષ્ફળતા અને યોગ્ય કોન્ટ્રાક્ટરની નિમણૂક ન થવાને કારણે આ સમસ્યા વધુ ગંભીર બની છે. વિદ્યાર્થીઓનો આક્ષેપ છે કે યુનિવર્સિટીના સત્તાધીશો આ મુદ્દે ગંભીરતા દાખવતા નથી. 

વિદ્યાર્થીઓની માંગ છે કે યુનિવર્સિટી તાત્કાલિક પગલાં લઈ મેસ ફરી શરૂ કરે. આ સમસ્યા ઉકેલાય નહીં તો વિદ્યાર્થીઓની નારાજગી વધુ તીવ્ર બની શકે છે. શું એમ.એસ. યુનિવર્સિટીનું વહીવટી તંત્ર આ મુદ્દે કોઈ નક્કર પગલાં લેશે?.