Rath Yatra 2025 : ભગવાન જગન્નાથનો રથ કયા લાકડામાંથી બને છે, રથયાત્રા બાદ તેનું શું થાય છે ? જાણો

Jagannath Rath Yatra 2025 : ભગવાન જગન્નાથની ભવ્ય રથયાત્રા આવતીકાલે એટલે કે 27જૂને નીકળવાની થે, ત્યારે તેને લઈને તમામ તૈયારીઓ પૂર્ણ થઈ ગઈ છે. પુરીમાં આવેલા ગોલા કુઆં સ્થિત પ્રાચીન મંદિરથી ભગવાન જગન્નાથની ભવ્ય રથયાત્રા નીકળશે. ભગવાન જગન્નાથની આ યાત્રામાં તેમનો રથ લોકોને મંત્રમુગ્ધ કરે છે. ત્યારે આ લેખમાં જાણીશું કે ભગવાન જગન્નાથનો રથ કયા લાકડામાંથી બનેલો છે અને યાત્રા પછી રથનું શું થાય છે ?

રથ કયા લાકડામાંથી બનેલો છે ?

ભગવાન જગન્નાથની મૂર્તિની સાથે તેમનો રથ પણ ખૂબ જ ભવ્ય છે. તેને બનાવવામાં ઘણો સમય લાગે છે. આ ઉપરાંત, ભગવાન જગન્નાથની યાત્રા માટે બનાવવામાં આવતા રથમાં ફાસી, ધોરા, સિમલી, સહજા અને મહી અને દારુક નામના વૃક્ષોના લાકડાનો ઉપયોગ કરવામાં આવે છે.

ભગવાન જગન્નાથની યાત્રા પછી રથનું શું થાય છે ?

ભગવાન જગન્નાથની રથયાત્રા પૂર્ણ થયા પછી રથોને સુરક્ષિત રીતે રાખવામાં આવે છે. આ સાથે તેના લાકડાનો ઉપયોગ સારા કાર્યોમાં થાય છે અને રથના કેટલાક લાકડાનો ઉપયોગ ભગવાન જગન્નાથ મંદિરના રસોડામાં પ્રસાદ બનાવવા માટે પણ થાય છે.

રથ કેટલા પૈડા પર રહે છે ?

પુરી રથયાત્રા દરમિયાન ભગવાન જગન્નાથ, તેમના ભાઈ બલભદ્ર અને બહેન સુભદ્રાના રથમાં નંદીઘોષ (16 પૈડા), તાલધ્વજ (14 પૈડા) અને દર્પદલન પદ્મ (12 પૈડા) લગાવવામાં આવે છે.

રથયાત્રાનું ધાર્મિક મહત્વ

સ્કંદ પુરાણમાં રથયાત્રાનો ઉલ્લેખ છે, જેમાં ભગવાન જગન્નાથ, બલભદ્ર અને સુભદ્રાના દર્શન કરવાનો ઉલ્લેખ છે. આ માત્ર ભગવાન જગન્નાથની ગોકુળથી મથુરા સુધીની યાત્રાનું પ્રતીક નથી, પરંતુ તે સમાનતા અને સાર્વત્રિક લાગણીનો સંદેશ પણ છે, જેમાં દરેક વર્ગ-ધર્મનો વ્યક્તિ પોતાનો રથ ખેંચી શકે છે. તમને જણાવી દઈએ કે શુક્રવારે, પુરીમાં શ્રી જગન્નાથ મંદિરની સામે ધર્મશાળામાં કોઈપણ કટોકટી માટે તૈયારી અને સંકલનનું મૂલ્યાંકન કરવા માટે એક મોકડ્રીલ યોજાઈ હતી.