Weather Forecast: હોળી-ધૂળેટી વખતે ભયંકર ચક્રવાતી તોફાનના એંધાણ! તૂટી પડશે વરસાદ, 24 રાજ્યો માટે IMD નું લેટેસ્ટ અપડેટ

આજે હોળીનો તહેવાર છે અને હવામાન વિભાગે દેશના લગભગ 24 રાજ્યોમાં વરસાદનું એલર્ટ આપ્યું છે. દિલ્હી એનસીઆરમાં કાળા વાદળો છવાયા છે. જ્યારે દેશમાં ગરમી પણ પોતાની અસર દેખાડવા લાગી છે. હવામાન વિભાગ  (IMD)ના જણાવ્યાં મુજબ દિલ્હીમાં 12 માર્ચનો દિવસ 2025નો બીજો સૌથી ગરમ દિવસ રહ્યો. કાલે મહત્તમ તાપમાન 33.5 ડિગ્રી સેલ્સિયસ નોંધાયુ હતું. જે સામાન્ય કરતા 46 ડિગ્રી વધુ હતું. આજે દિલ્હીમાં વાદળ છવાયેલા રહી શકે અને રાતે વરસાદની શક્યતા છે. 

રાજસ્થાનમાં સતત બીજા દિવસે બાડમેરનું મહત્તમ તાપમાન સામાન્યથી 7 ડિગ્રી વધુ 41.2 ડિગ્રી રહ્યું. દક્ષિણ ભારતના રાજ્ય તમિલનાડુમાં 2 દિવસથી સતત વરસાદ પડી રહ્યો છે. કેરળ, લક્ષદ્વિપ, અને તમિલનાડુના સમુદ્રી કાંઠા પર ચક્રવાતી પવન 35 થી 45 કિમી પ્રતિ કલાકની ઝડપે ફૂંકાય તેવી શક્યતા છે. અસમ, મેઘાલય, નાગાલેન્ડ, મણિપુર, મિઝોરમ, અને ત્રિપુરામાં પણ 16 માર્ચ સુધી વરસાદનું પૂર્વાનુમાન છે. 

Daily Weather Briefing English (12.03.2025)

YouTube : https://t.co/jcjJflCZ9u
Facebook : https://t.co/xuXpgfNIz6#imd #india #rain #weatherupdate #weatherforecast #weathernews #rainfallupdate #Winds #mausam #thunderstorm #heatwave@moesgoi @ndmaindia @DDNational… pic.twitter.com/J3WXuvLaZo

— India Meteorological Department (@Indiametdept) March 12, 2025

આ રાજ્યોમાં વરસાદ-બરફવર્ષાનું એલર્ટ
હવામાન વિભાગના જણાવ્યાં મુજબ આજે અને આવતી કાલે એટલે કે 14 માર્ચે ઉત્તર-પશ્ચિમ ભારતના મેદાની વિસ્તારોમાં વાદળ છવાયેલા રહેશે. કેટલાક વિસ્તારોમાં હળવા વરસાદની શક્યતા છે. જમ્મુ-કાશ્મીર, લદાખ, હિમાચલ પ્રદેશ, ઉત્તરાખંડમાં વરસાદ અને બરફવર્ષા થઈ શકે છે. પૂર્વોત્તર ભારતના તમામ 8 રાજ્યો મણિપુર, મિઝોરમ, નાગાલેન્ડ, સિક્કિમ, ત્રિપુરા, અસમ, મેઘાલય, ઉત્તરાખંડ, અરુણાચલ પ્રદેશ, ઉપ-હિમાલયી પશ્ચિમ બંગાળ, પંજાબ, હરિયાણા, ચંડીગઢ, ઉત્તર પ્રદેશ, રાજસ્થાન, કેરળ, તમિલનાડુ, કર્ણાટક, પુડુચેરી, લક્ષદ્વીપ, આંદમાન નિકોબાર ટાપુઓમાં આજે અને કાલે કેટલાક સ્થળોએ હળવાથી મધ્યમ વરસાદ પડી શકે છે. આંધી તોફાન આવી શકે છે. 40 થી 50 કિમી પ્રતિ કલાકની ઝડપે પવન ફૂંકાઈ શકે છે. 16 માર્ચ સુધી હવામાન આવું રહી શકે છે. 

पूर्वी अरुणाचल प्रदेश में दिन के दौरान और 14 मार्च, 2025 की सुबह तक बहुत भारी वर्षा के साथ गरज और बिजली होने की संभावना है।

Very Heavy Rainfall accompanied with Thunderstorms and lightning likely to occur over East Arunachal Pradesh during the day upto early morning hours of… pic.twitter.com/K8ypfO1UYN

— India Meteorological Department (@Indiametdept) March 12, 2025

દેશમાં લેટેસ્ટ હવામાન પરિસ્થિતિ
હવામાન વિભાગના જણાવ્યાં મુજબ પશ્ચિમી અફઘાનિસ્તાન અને આસપાસના વિસ્તારોમાં સમુદ્રની સપાટીથી 3.1 કિમી ઉપર સાઈક્લોનિક સર્ક્યુલેશનના સ્વરૂપમાં એક વેસ્ટર્ન ડિસ્ટર્બન્સ એક્ટિવ છે. દક્ષિણ-પશ્ચિમ રાજસ્થાન અને આસપાસના વિસ્તારોમાં સમુદ્ર સપાટીથી 0.9 કિમી ઉપર સાઈક્લોનિક સર્ક્યુલેશન બનેલું છે. એક ચક્રવાતી પવનનું ક્ષેત્ર પૂર્વ બાંગ્લાદેશ અને નીચલા ક્ષોભમંડળીય સ્તરો પર બનેલું છે. બીજુ ચક્રવાતી હવાઓનું ક્ષેત્ર અસમ અને તેની આસપાસના વિસ્તારોમાં બનેલું છે. પશ્ચિમી ભૂમધ્યરેખીય હિંદ મહાસાગર અને તેની નજીક માલદીવ ક્ષેત્ર પર સાઈક્લોનિક સર્ક્યુલશન બનેલું છે. પૂર્વી દિશામાં એક સાઈક્લોનિક સર્ક્યુલેશન તમિલનાડુ તટથી દૂર બંગાળની ખાડીના દક્ષિણ-પશ્ચિમ સુધી બનેલું છે. 

pic.twitter.com/ph1D7Aq8Na

— RWFC New Delhi (@RWFC_ND) March 12, 2025

આ રાજ્યોમાં લૂની એલર્ટ
હવામાન વિભાગના જણાવ્યાં મુજબ આજે ગુજરાત અને કોંકણમાં અલગ અલગ સ્થળો પર લૂની સંભાવના છે. દક્ષિણ-પશ્ચિમ રાજસ્થાન, વિદર્ભ, ઓડિશા, ઝારખંડ, પશ્ચિમ બંગાળના ગંગીય મેદાની વિસ્તારોમાં પણ 16 માર્ચ સુધી લૂ ચાલી શકે છે. સૌરાષ્ટ્ર અને કચ્છમાં અલગ અલગ સ્થળો પર રાતે હવામાન ગરમ રહે તેવી શક્યતા છે. 15 અને 16 માર્ચના રોજ ઓડિશા, કર્ણાટકના કાંઠા વિસ્તારોમાં ગરમ હવામાન અને ભેજવાળું વાતાવરણ રહેવાની શક્યતા છે. 

ગુજરાતમાં હવામાન
રાજ્ય હવામાન વિભાગના જણાવ્યાં મુજબ આજે ગરમીથી થોડી રાહત મળી શકે છે. તાપમાનમાં 2 થી 4 ડિગ્રીનો ઘટાડો થઇ શકે. અમુક વિસ્તારોમાં સામાન્ય વધુ ગરમી વર્તાઈ શકે. દરિયાઈ વિસ્તારોમાં વાતાવરણમાં બફારાનો અનુભવ  થાય.