લોટ ગૂંથવામાં મિક્સ કરો આ એક વસ્તુ, ગેસ પર રાખતા જ ફુગ્ગાની જેમ ફૂલવા લાગશે રોટલી, વજન ઘટાડવામાં પણ કરશે મદદ

જો થાળીમાં ફુલકા રોટલી ન હોય તો તે અધૂરી માનવામાં આવે છે. ભારતીય ભોજનમાં રોટલી મુખ્ય છે. લંચથી લઈને ડિનર સુધી લોકો રોટલી અને ભાત ખાવાનું પસંદ કરે છે. પરંતુ તમે જાણીને ચોંકી જશો કે રોટલી ઝડપથી વજન વધારે છે. તેથી જે લોકો વજન ઘટાડવા ઈચ્છે છે તે લોટ ગૂંથતી વખતે તેમાં એક વસ્તુ મિક્સ કરે છે. તેનાથી રોટલી એકદમ ફુલી જશે અને વજન ઘટાડવામાં પણ ફાયદો મળશે. જી હાં, રોટલીના લોટમાં થોડો ચોખાનો લોટ મિક્સ કરી રોટલી બનાવો. ચોખાના લોટને કારણે રોટલી હળવી થઈ જાય છે. આ રોટલી ખાવાથી તમારૂ પેટ ભરાઈ જાય છે અને કેલેરી વધતી નથી. ઘઉંની રોટલીની જગ્યાએ ચોખાની રોટલી ખૂબ ફાયદાકારક હોય છે.

લોટ ગૂંથવામાં મિક્સ કરો ચોખાનો લોટ
ચોખાનો લોટ પણ સરળતાથી મળી જાય છે. તમે ઘરે પણ ચોખા પીસીને તેનો લોટ બનાવી શકો છો. હવે જ્યારે તમે રોટલી બનાવો તો 1 કપ ઘઉંના લોટમાં 1 કપ ચોખાનો લોટ મિક્સ કરો. આ લોટને ચાળી લો અને તેમાં થોડું નમક, એક ચમચી તેલ નાખી લોટ ગૂંથો. ચાખો અને ઘઉંનો લોટ હુંફાળા પાણીથી ગૂંથો. લોટને સેટ થવા માટે થોડીવાર રાખી દો.

આ પણ વાંચોઃ લિવર ખરાબ હોવાની મોટી ચેતવણી! શરીરમાં આ 4 લક્ષણ જોવા મળે તો થઈ જાવ સાવધાન

કઈ રીતે બનાવશો રોટલી
ઘઉંનાં લોટને રોટલી બનાવવા માટે સેટ કરી લો. ત્યારબાદ તેને ગોળ વણી લો. ચોખાના લોટને કારણે રોટલી સફેદ અને મુલાયમ બને છે. આ રોટલી ગેસ પર સારી રીતે ફુલી પણ જશે.

ચોખાના લોટની રોટલી ખાવાના ફાયદા
મોટાપો દૂર કરવામાં મદદગારઃ ચોખાના લોટથી બનેલી રોટલી વજન ઘટાડવામાં અસરકારક સાબિત થાય છે. તેનાથી વધેલું વજન ઘટાડી શકાય છે. ચોખાના લોટની રોટલીમાં સામાન્ય રોટલી કરતા ઓછી કેલેરી હોય છે. તેથી તે વજન ઘટાડવામાં તમારી મદદ કરી શકે છે.

પાચનમાં થશે સુધારઃ ચોખામાં ફાઇબરની માત્રા વધુ હોય છે. તેથી ચોખાના લોટની રોટલી તમારા પેટ માટે સારી માનવામાં આવે છે. જે લોકોને પાચન અને કબજીયાતની સમસ્યા રહે છે તેણે ચોખાના લોટની રોટલી જરૂર ખાવી જોઈએ.

હૃદય માટે ફાયદાકારકઃ ચોખાના લોટમાંથી બનેલી રોટલી પણ હૃદય માટે સારી માનવામાં આવે છે. તેમાં ઓમેગા-3 ફેટી એસિડ અને અન્ય ઘણા પોષક તત્વો હોય છે જે હૃદયના સ્વાસ્થ્ય માટે સારા માનવામાં આવે છે. તેથી, તમે તમારા આહારમાં ચોખાની રોટલીનો સમાવેશ કરી શકો છો.