49% ટકા ઘટી ગયો કંપનીનો પ્રોફિટ, શેર વેચવા લાગી લાઈન, દરેક શેર પર ₹153 નું નુકસાન

Angel One Share: એન્જલ વનનો શેર 17 એપ્રિલ, ગુરુવારે NSE પર 6.4% અથવા રૂ. 153 ઘટીને રૂ. 2,201ની ઇન્ટ્રાડે નીચી સપાટીએ પહોંચ્યો હતો. શેરમાં આ ઘટાડા પાછળનું કારણ માર્ચ ક્વાર્ટરના પરિણામો છે. હકીકતમાં, કંપનીએ Q4FY25 માટે તેની ત્રિમાસિક કમાણીમાં જંગી ઘટાડો નોંધાવ્યો હતો. બ્રોકરેજ ફર્મનો નફો વાર્ષિક ધોરણે લગભગ 49% ઘટીને રૂ. 174.52 કરોડ થયો છે. આ સિવાય કંપનીના બોર્ડ મેમ્બરોએ 26 રૂપિયા પ્રતિ શેરના અંતિમ ડિવિડન્ડને મંજૂરી આપી છે. તમને જણાવી દઈએ કે અગાઉ કંપનીએ ₹11નું વચગાળાનું ડિવિડન્ડ જાહેર કર્યું હતું. આ માટેની રેકોર્ડ તારીખ 20 માર્ચ નક્કી કરવામાં આવી હતી.

શું છે વિગત
એન્જલ વનની કુલ આવકમાં પણ ક્વાર્ટર દર ક્વાર્ટરના આધાર પર 16 ટકાનો ઘટાડો થયો, જે નાણાકીય વર્ષ 2025ના ત્રીજા ક્વાર્ટરમાં 1263.8 કરોડ રૂપિયાથી ઘટી માર્ચ ક્વાર્ટરમાં 1057.8 કરોડ રૂપિયા રહી ગઈ. અવમૂલ્યન, ઋણમુક્તિ અને કર (EBDAT) પહેલાંની કમાણી FY25 ના Q4 માં રૂ. 264.3 કરોડ હતી, જે અગાઉના ક્વાર્ટરમાં રૂ. 4,141 કરોડથી 36% નીચી છે.

આ પણ વાંચો- અમદાવાદની આ Co-operative બેંક સામે RBI ની કાર્યવાહી, લાયસન્સ રદ્દ

આવકમાં ઘટાડા છતાં, એન્જલ વનએ વાર્ષિક ધોરણે તેના ક્લાયન્ટ એક્વિઝિશન મેટ્રિક્સમાં મજબૂત વૃદ્ધિ નોંધાવી છે. તેનો કુલ ક્લાયન્ટ બેઝ વાર્ષિક ધોરણે 39.5% વધીને 31 મિલિયન થયો છે, જ્યારે ભારતના ડીમેટ એકાઉન્ટ્સમાં તેનો હિસ્સો 143 બેસિસ પોઈન્ટ્સ વધીને 16.1% થયો છે. જો કે, ગ્રોસ ક્લાયન્ટ એક્વિઝિશન વાર્ષિક ધોરણે 43.9% ના તીવ્ર ઘટાડા સાથે 1.6 મિલિયન થયું છે.

(ડિસ્ક્લેમરઃ અહીં માત્ર શેરના પરફોર્મંસની જાણકારી આપવામાં આવી છે. આ રોકાણની સલાહ નથી. શેરબજારમાં રોકાણ જોખમો અધીન હોય છે. રોકાણ કરતા પહેલા તમારા નાણાકીય એડવાઇઝરની સલાહ લો)