Gold Rate Today: સસ્તું સોનું ખરીદવાની તક! આજે સોનાના ભાવમાં જોરદાર ઘટાડો, 10 ગ્રામ સોનું ખરીદવા કેટલા રૂપિયા ખર્ચવા પડે? જાણો રેટ

શુક્રવારે સોનાના ભાવમાં ભારે કડાકો જોવા મળ્યો છે. જેનું મુખ્ય કારણ અમેરિકી ડોલરમાં હળવી મજબૂતી અને ઈઝરાયેલ ઈરાન વચ્ચે તણાવમાં ઘટાડો છે. જેનાથી સુરક્ષિત રોકાણ ત રીકે સોનાની માંગ નબળી થઈ છે. હવે રોકાણકારોની નજર અમેરિકી મોંઘવારી આંકડા પર ટકેલી છે. જેનાથી ફેડરલ રિઝર્વના વ્યાજ દર નીતિ અંગે સંકેત મળી શકે છે. વાયદા બજાર અને રિટેલ બજારમાં સોના અને ચાંદીના લેટેસ્ટ ભાવ  ખાસ જાણો. 

આજના સોના અને ચાંદીના ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ના રેટ્સ જોઈએ તો 999 શુદ્ધતાવાળા 10 ગ્રામ સોનાના ભાવમાં આજે 1,024 રૂપિયાનો કડાકો જોવા મળ્યો છે અને ભાવ 96,135 રૂપિયાની સપાટીએ પહોંચ્યા છે જે કાલે 97,159 રૂપિયા પર ક્લોઝ થયું હતું. જ્યારે ચાંદીમાં 350 રૂપિયાનો ઘટાડો જોવા મળ્યો અને ભાવ 1,06,800 રૂપિયા પર પહોંચ્યો છે જે કાલે 1,07,150 રૂપિયા પર ક્લોઝ થયો હતો. 

કેરેટ              ભાવ (1 ગ્રામ)

24 KT(999)       9,614
22 KT               9,383
20 KT               8,556
18 KT               7,787
14 KT               6,201

#indicative #Retail Selling #Rates for #Jewellery

To get these rates on your phone give a missed call on - 8955664433

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzbVEI

Follow us on Instagram :… pic.twitter.com/PrTP1vGKbe

— IBJA (@IBJA1919) June 27, 2025

વાયદા બજારમાં ભાવ
મલ્ટી કોમોડિટી એક્સચેન્જ પર શુક્રવારે મોટો કડાકો જોવા મળ્યો. એમસીએક્સ પર સોનું આજે 1000 રૂપિયા સુધી સસ્તું થયું. ચાંદી પણ નબળી જોવા મળી. MCX પર સોનું 1013 રૂપિયા (-1.04%)ના કડાકા સાથે 96,074 રૂપિયા પ્રતિ 10 ગ્રામ પર જોવા મળ્યું. જે કાલે 97,087 રૂપિયા પર ક્લોઝ થયું હતું. આ દરમિયાન ચાંદી 408 રૂપિયાના કડાકા સાથે 1,06,347 રૂપિયા પ્રતિ કિલોગ્રામ પર જોવા મળી. જે કાલે 1,06,755 રૂપિયા પર ક્લોઝ થઈ હતી. 

આંતરરાષ્ટ્રીય બજારમાં સ્પોટ ગોલ્ડ 0.4% ગગડીને 3,313.23 ડોલર પ્રતિ ઔંસ પર આવી ગયું (0234 GMT સુધી). આ અઠવાડિયે અત્યાર સુધીમાં સોનું 1.7% નબળું થયું છે. જ્યારે અમેરિકી સોના વાયદા  (U.S. Gold Futures) પણ 0.7%ના કડાા સાથે 3,325.70 ડોલર પર પહોંચી ગયું. 

ડોલર ઈન્ડેક્સ (.DXY) પોતાના મુખ્ય હરીફોની સરખામણીએ  0.2% ચડી ગયું. જેનાથી ડોલરમાં કિંમત ધરાવતું સોનું વિદેશી રોકાણકારો માટે મોંઘુ બન્યું. વિશ્લેષકોનું માનવું છે કે આ અઠવાડિયાના કડાકાનું કારણ ઈઝરાયેલ-ઈરાન શાંતિ સમજૂતિ છે. હાલ સોનાના ભાવમાં થોડો ઘટાડો જોવા મળી રહ્યો છે અને નજીકના ભવિષ્યમાં તે વર્તમાન શ્રેણીમાં રહે તેવી શક્યતા છે.

Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)