Sattvic Food: શ્રાવણ મહિનામાં સાત્વિક ભોજન કરવાથી શરીરને શું ફાયદો થાય ? જાણો વર્ષના આ સમયે વ્રત કરવાથી થતા લાભ

Sattvic Food Health Benefits: શ્રાવણ મહિનાની શરુઆત સાથે જ ચારેતરફ હરિયાળી છવાઈ જાય છે. આ મહિનો ધાર્મિક દ્રષ્ટિકોણથી મહત્વપૂર્ણ ગણાય છે. આ મહિનામાં લોકો શિવજીની આરાધના કરી વ્રત રાખે છે. શ્રાવણ મહિનામાં ખાવાપીવામાં ખાસ સાવધાની રાખવામાં આવે છે. લોકો આ સમય દરમિયાન મોટાભાગે લસણ-ડુંગળી વિનાનો સાત્વિક આહાર લેતા હોય છે. આ પ્રથા પાછળ શરીરને લાભ કરનાર કારણ જવાબદાર છે. 

આ પણ વાંચો: શરીરના ટોક્સિન્સને બહાર કાઢી નાખે છે આ ફળ, રોજ 1 ખાવાથી લીવર અને કિડની રહેશે હેલ્ધી

એવું માનવામાં આવે છે કે શ્રાવણ માસ દરમિયાન લસણ-ડુંગળી વિનાનો સાત્વિક આહાર કરવાથી શરીર શુદ્ધ થાય છે, મન શાંત રહે છે. આ નિયમ અંગે હેલ્થ એક્સપર્ટનું કહેવું છે કે લોકો જ્યારે શ્રાવણ માસમાં વ્રત કરે છે તો તેઓ લસણ-ડુંગળી વિનાનો સાત્વિક આહાર લેતા હોય છે. જેમાં તેઓ ફળાહાર કરે છે જેનાથી શરીરને પોષણ મળે છે અને શરીર ડિટોક્સ થાય છે. આ સમય દરમિયાન સાત્વિક આહાર લેવાથી શરીરને લાભ થાય છે કારણ કે ચોમાસા દરમિયાન પાચન શક્તિ મંદ પડી જાય છે. 

આ પણ વાંચો: ફેટી લીવરનો મફત ઈલાજ છે આ 5 હોમમેડ ડ્રિંક્સ, ગણતરીના દિવસોમાં દેખાવા લાગશે અસર

ફરાળી લોટથી થતા લાભ

વ્રત દરમિયાન ફરાળી વાનગીઓમાં શિંગોળાનો લોટ, રાજગરાનો લોટ ઉપયોગમાં લેવાય છે. આ લોટ એવા પોષકતત્વોથી ભરપુર હોય છે જે શરીર માટે લાભકારી છે. આ લોટ ગ્લુટન ફ્રી હોય છે. આ લોટ પચવામાં હળવા હોય છે. વ્રતમાં ઉપયોગમાં લેવાતા શાક અને લોટ પાચન સુધારે છે અને શરીરને ડિટોક્સ કરે છે. વ્રત દરમિયાન સાત્વિક આહાર લેવો શરીરને ફાયદો કરે છે. 

આ પણ વાંચો: હાડકાનું કેન્સર ગંભીર સ્ટેજમાં પહોંચે ત્યારે દેખાય આ લક્ષણ, અહીંયા થાય તીવ્ર દુખાવો

વ્રત દરમિયાન આ ભુલ કરવાનું ટાળવું

વર્ષ દરમિયાન શ્રાવણ માસમાં જે ઋતુ હોય છે તેમાં પાચન શક્તિ મંદ હોય છે. આ સમયે સાત્વિક આહાર લેવો, વ્રત કરવાથી વજન પણ ઘટી શકે છે. પરંતુ વ્રત કરનાર કેટલાક લોકો દિવસ દરમિયાન અલગ અલગ વસ્તુઓ સતત ખાતા રહે છે. આ રીતે ઓવરઈટિંગ કરવાથી પેટ પણ ખરાબ થાય છે અને વજન પણ વધે છે. તેથી વ્રત દરમિયાન સમયસર પોષ્ટિક વસ્તુઓ ખાવી જોઈએ. તળેલી કે મસાલેદાર વાનગીઓ ખાવાથી બચવું જોઈએ. આ પ્રકારનો આહાર લેવાથી પેટ, લીવરને નુકસાન થઈ શકે છે.

(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)